Imisebenti yebaPhostoli 13:43 - Siswati 1996 Bible

⁴³ Bantfu sebahambile emhlanganweni, boPawula naBhanabasi balandzelwa ngemaJuda lamanyenti nalabanye labanyenti lababephendvukele enkholweni yemaJuda. Baphostoli bakhuluma kubo babakhutsata kutsi bachubeke baphile emseni waNkulunkulu.

Imisebenti yebaPhostoli 13:43 Referencias Cruzadas

Matewu 23:15

“Maye kini, bafundzisi bemtsetfo nebaFarisi! Batentisi! Ngobe niwela tilwandle, nidzabule nemave, kuze nidwebele enkholweni yenu abe munye wetive; nasenimtfolile, nimenta abe yindvodzana yesihogo ngalokuphindziwe kunani.

Imisebenti yebaPhostoli 11:23

Lapho efika wabona kutsi Nkulunkulu abebabusisile bantfu, watfokota wabancusa bonkhe kutsi betsembeke baciniseke eNkhosini ngetinhlitiyo tonkhe tabo.

Imisebenti yebaPhostoli 13:50

Kodvwa emaJuda afaka umoya wetikhova ebafatini lababehloniphekile lababephendvukele enkholweni yebuJuda nasemadvodzeni labesembili kulelo dolobha. Bacala bahlupha boPawula naBhanabasi, babacosha kuleyo ndzawo yakubo.

Imisebenti yebaPhostoli 14:22

Bacinisa emakholwa bawakhutsata ekubambeleleni ekukholweni. Babafundzisa kutsi: “Sifanele sendlule ekuhluphekeni lokunyenti kuze singene embusweni waNkulunkulu.”

Imisebenti yebaPhostoli 14:3

Baphostoli bahlala lapho sikhatsi lesidze. Bakhuluma ngesibindzi ngeNkhosi, leyafakaza kutsi inshumayelo yabo ngemusa wayo iliciniso, ibanika emandla ekwenta tibonakaliso netimangaliso ngetandla tabo.

Imisebenti yebaPhostoli 16:14

Lomunye walabo lowasilalela nguLidiya, waseThiyathira, umtsengisi wetingubo letibukhwebeletane; abengumfati losikhonti saNkulunkulu. INkhosi yavula inhlitiyo yakhe kuze eve emukele loko lokwakukhulunywa nguPawula.

Imisebenti yebaPhostoli 17:17

Ngako waphikisana nemaJuda nebetive labakholwako esinagogeni, kantsi futsi abephindze akhulume onkhe emalanga etinkhundleni, aphikisana nalabo lekwakwenteka babelapho.

Imisebenti yebaPhostoli 17:34

Kepha lamanye emadvodza atihlanganisa naye akholwa. Emkhatsini wawo bekukhona naDiyonisiyusi labelilunga le-Ariyophagusi nemfati labenguDamarisi kanye nalabanye.

Imisebenti yebaPhostoli 17:4

Labanye babo bakholwa base batihlanganisa naboPawula naSilasi, njengobe kwenta sicuku lesikhulu semaGriki labesaba Nkulunkulu, kanye nalabasikati labanyenti lababehloniphekile.

Imisebenti yebaPhostoli 18:7

Wesuka lapho wayawuhlala endlini yalomunye umuntfu bekutsiwa nguThithiyusi Justusi, sikhonti saNkulunkulu, indlu yakhe yayisedvute nelisinagoge.

Imisebenti yebaPhostoli 2:10

eFrigiya nasePhamfiliya, eGibhithe kanye nasetifundzeni taseLibhiya ngaseSirene, kantsi labanye betfu baphuma eRoma,

Imisebenti yebaPhostoli 28:23

Ngako-ke emaJuda amisa lilanga lekubonana naPawula. Ngalelo langa bantfu befika baba banyenti lapho bekuhlala khona Pawula. Kusukela ekuseni laze layawumbamba unina seloku afakaza ngekubachazela ngembuso waNkulunkulu. Wetama kubenelisa ngaJesu ngekubakhumbuta lokusemtsetfweni waMosi nangemiBhalo yebaphrofethi.

Imisebenti yebaPhostoli 6:5

Bonkhe bantfu basijabulela lesincomo sebaphostoli; ngako bakhetsa Stefano, indvodza leyayigcwele kukholwa naMoya Longcwele, naFiliphu, naPhrokhorusi, naNikhano, naThimoni, naPhamenasi, kanye naNikholawusi wase-Antiyokhi, yena-ke abengewetive, kodvwa abephendvukele enkholweni yebuJuda.

KubaseRoma 11:6

Kukhetsa kwakhe kungemusa wakhe, hhayi ngemisebenti. Ngobe kube kukhetsa kwaNkulunkulu bekungemisebenti, ngabe lomusa wakhe awusesiwo.

KubaseRoma 3:24

Kodvwa ngesipho samahhala semusa waNkulunkulu bonkhe bentiwe bemukeleka kuye kutsi balungile ngekuhlengwa lokukuKhristu Jesu.

KubaseRoma 5:2

Ngaye loJesu Khristu sinekungena ngekukholwa kulomusa lesesime kuwo; siyabonga sijabulela litsemba lebukhosi baNkulunkulu lobutawuba betfu.

KubaseRoma 5:21

Ngako-ke, njengobe sono sabusa kwaba kufa, ngalokufananako kubusa kwemusa kwaba kulunga lokusiholela ekuphileni kwaphakadze ngaJesu Khristu iNkhosi yetfu.

2 kubaseKorinthe 5:11

Ngako-ke, njengobe sati kutsi kuyini kwesaba Nkulunkulu, setama kuzuza bonkhe bantfu. Nkulunkulu usati njengobe sinjalo; nami ngiyetsemba kutsi nani niyasicondzisisa.

2 kubaseKorinthe 6:1

Njengobe sibambisene naNkulunkulu emsebentini wakhe, siyanincenga sitsi: Yemukelani umusa waNkulunkulu, ningawenti lite.

KubaseGalathiya 5:1

Khristu wasikhululela kutsi sihlale sikhululekile. Manini-ke, nicine, ningaphindzi niboshelwe ejokeni lebugcili.

KubaseGalathiya 5:4

Nine lenifuna kwemukeleka kuNkulunkulu kutsi nilungile ngekwenta lokufunwa ngumtsetfo nitehlukanisile naKhristu, ningephandle kwemusa waNkulunkulu.

Kubase-Efesu 2:8

Empeleni kusindziswa kwenu ngekukholwa kuya ngemusa, futsi loko akuveli kini, sipho nje saNkulunkulu.

KubaseFiliphi 3:16

Kuphela nje kutsi lesesifikile kuko, asihambe ngemkhondvo wako.

KubaseFiliphi 4:1

Ngako-ke, bazalwane bami labatsandzekako, nalengibalangatelelako, kujabula nemchele wami, manini nisime eNkhosini.

KubaseKholose 1:23

Loko kungenteka kuphela nangabe nine nihlala ekukholweni, futsi nisekelekile, nisimile, ninganyikanyiswa lutfo ekwetsembeni kwenu liVangeli lenalitfola, naliva lishunyayelwa emhlabeni wonkhe jikelele. Mine Pawula ngentiwa ngaba sikhonti salo lelo Vangeli.

KubaseKholose 1:28

Nguye lesimshumayelako, seluleka bonkhe bantfu, sifundzisa bonkhe bantfu ngekuhlakanipha konkhe, kuze sikwati kumisa bonkhe bantfu baphelele kuKhristu Jesu.

kuThithusi 2:11

Empeleni umusa waNkulunkulu wekusindzisa ubonakaliswe kubo bonkhe bantfu.

KumaHebheru 12:15

Nicaphelisise kutsi kubete lophunyulako emseni waNkulunkulu; kubete “imphandze lenashevu” lemila ibange luhlupho, ibulale labanyenti.

KumaHebheru 13:9

Ningedukiswa timfundziso letingatiwa letitinhlobonhlobo. Kuhle kutsi tinhlitiyo tetfu ticiniswe ngemusa, hhayi ngekugcina imitsetfo yekudla, ngobe labo labayigcinako ayibasiti ngalutfo.

1 yaPhetro 5:12

Nginibhalele lencwajana ngisitwa nguSilasi lengimati kutsi ungumzalwane lowetsembekile. Ngiyanikhutsata ngifakaza kutsi konkhe loku ngiwo sibili umusa waNkulunkulu; ngako-ke manini nicine kulowo musa.

2 yaPhetro 3:14

Ngako-ke, batsandzekako, njengobe nisalindzele leto tintfo, yentani konkhe lokusemandleni enu, kutsi anikhandze ninekuthula, ningenasici ningenabala.

1 yaJohane 2:28

Bantfwabami, hlalani kuye, khona kutawutsi nakachamuka sibe nesibindzi sibete emahloni sinyibe kuye ekufikeni kwakhe.

2 yaJohane 1:9

Umuntfu longahlali emfundzisweni yaKhristu, kodvwa ayengce ngetulu usuke ate Nkulunkulu. Kodvwa umuntfu lohlala emfundzisweni unaBabe neNdvodzana, bobabili.