Imisebenti yebaPhostoli 13:34 - Siswati 1996 Bible

³⁴ “Naku Nkulunkulu lakusho ngekumvusa kwakhe kulabafile angeyiwubola ethuneni watsi: “ ‘Ngiyawuninika tibusiso letingcwele lengatetsembisa Davide;’

Imisebenti yebaPhostoli 13:34 Referencias Cruzadas

2 Samuweli 23:5

“Indlu yami ayikalungi yini kuNkulunkulu? Akenti nami yini sivumelwane saphakadze naphakadze, lesihlelwe kahle savikeleka macala onkhana? Akayikuphumelelisa yini kusindziswa kwami, anginike konkhe lengikufisako?

Isaya 55:3

Bekani indlebe, nite kimi; vanini, kuze imiphefumulo yenu itewuphila. Ngitakwenta sivumelwane saphakadze nani, nginiphe tibusiso lengatetsembisa Davide.

Jeremiya 30:9

‘Esikhundleni saloko sebayawukhonta Simakadze longuNkulunkulu wabo, naDavide, inkhosi yabo, lengiyawubavusela yena.

Jeremiya 33:26

bengitakutilahla titukulwane taJakobe netaDavide, inceku yami, futsi bengingayikuyikhetsa lenye yemadvodzana akhe kutsi ibuse etikwetitukulwane ta-Abrahama, na-Isaka, naJakobe. Ngobe ngiyawubuyisela tibusiso tabo, ngibe nesihawu kubo.’ ”

Hoseya 3:5

Emvakwaloko ema-Israyeli ayawuphendvuka afune Simakadze, Nkulunkulu wawo, naDavide, inkhosi yawo. Bayawubuyela batitfobe kuSimakadze nakuto tibusiso taSimakadze ngemalanga ekugcina.

Amose 9:11

“Ngalelo langa ngiyakulivusa kabusha lithende laDavide leliwile. Ngiyakutakha kabusha tindzawo talo letephukile, ngiwakhe kabusha emadzibikelo alo, ngiphindze ngilakhe libe nguloku lelake laba nguko,

Zakhariya 12:8

Ngalelo langa Simakadze uyawubavikela labo labahlala eJerusalema, kuze kutsi lababutsakatsaka kakhulu emkhatsini wabo babe njengaDavide, bese kutsi indlu yaDavide yona ifanane naNkulunkulu, ibe njengengilosi yaSimakadze lehamba embikwabo.

Imisebenti yebaPhostoli 13:30

Kodvwa Nkulunkulu wamvusa kulabafile.

Imisebenti yebaPhostoli 13:33

sewukugcwalisile kitsi tsine lesisitukulwane sabo ngekuvusa Jesu aphile; njengobe kubhaliwe eSihlabelelweni sesibili kutsi: “ ‘Wena uyiNdvodzana yami, lamuhla senginguYihlo.’

Imisebenti yebaPhostoli 13:37

kepha lona Nkulunkulu lamvusa ekufeni akabolanga.

Imisebenti yebaPhostoli 2:24

Kodvwa Nkulunkulu wamvusa kulabafile; wamkhulula etinhlungwini tekufa, ngobe kwakungeke kwenteke kutsi kufa kumbambe.

KubaseRoma 6:9

Siyati nekutsi Khristu wavuswa kulabafile, angeke aphindze afe; nekufa sekute emandla etikwakhe.