Imisebenti yebaPhostoli 13:17 - Siswati 1996 Bible

¹⁷ Nkulunkulu wesive saka-Israyeli wakhetsa bokhokho betfu, wabandzisa ngesikhatsi basahlala njengetihambi eveni laseGibhithe. Nkulunkulu wabakhipha eGibhithe ngemandla akhe lamangalisako.

Imisebenti yebaPhostoli 13:17 Referencias Cruzadas

Tihlabelelo 135:4

Ngobe Simakadze utikhetsele Jakobe kutsi abe wakhe, ukhetse Israyeli kutsi abe lifa lakhe.

Eksodusi 12:51

Simakadze wawakhipha ngalo lelo langa ema-Israyeli eGibhithe ngetive tawo.

Eksodusi 13:14

Nangabe indvodzana yakho ibuta itsi: ‘Nikwentelani loku?’ uboyiphendvula utsi: ‘Simakadze wasebentisa sandla sakhe lesinemandla kusikhipha eGibhithe, lapho sasitigcili khona.

Eksodusi 13:16

Lelisiko liyawufanana nesibonakaliso lesiboshelwe esandleni sakho, kube luphawu ebuntini lakho; ngobe Simakadze wasikhipha eGibhithe ngesandla sakhe lesinemandla.”

Eksodusi 14:8

Simakadze wenta inhlitiyo yaFaro yaba lukhuni. Faro waphuma nemphi yakhe wacosha ema-Israyeli labesaphumile ahamba ngesibindzi.

Eksodusi 18:11

Nyalo-ke sengiyati kutsi Simakadze mkhulu kunabo bonkhe labanye bonkulunkulu, ngobe ema-Israyeli uwakhulule ekugcilatweni ngesihluku ngemaGibhithe.”

Isaya 44:1

“Kodvwa lalela, wena Jakobe, nceku yami, Israyeli, wena lengikukhetsile.

Amose 2:10

“Mine futsi nganikhipha eGibhithe, nganihola iminyaka lengema-40 ehlane, ngentela kuninika live lema-Amori.

Mikha 6:4

Nganikhipha eGibhithe; nganikhipha ebugcilini, ngatfumela boMosi na-Aroni, naMiriyamu kutsi banihole.

Dutheronomi 10:22

Bokhokho benu labehla baya eGibhithe babengema-70 sebabonkhe, kodvwa manje Simakadze Nkulunkulu wenu sewunente nandza naba ngangetinkhanyeti tesibhakabhaka.”

Dutheronomi 14:2

ngobe nisive lesingcwele saSimakadze Nkulunkulu wenu. Kuto tonkhe tive letisebusweni bemhlaba, Simakadze ukhetse nine kutsi nibe sive lesiligugu lakhe.”

Dutheronomi 4:20

Kodvwa nine, Simakadze wanikhipha eGibhithe, emlilweni lomkhulu loncibilikisa insimbi, kutsi nitekuba sive lesilifa lakhe, njengobe senaba ngilo nje.

Dutheronomi 4:34

Sikhona yini sithico lesake setama kutikhetsela sive emkhatsini waletinye tive ngetivivinyo, nangetibonakaliso letimangalisako, nangetimangaliso, nangemphi, nangesandla lesinemandla, nangengalo leyelulekile nome ngetento letinkhulu naletimangalisako, njengato tonkhe letintfo Simakadze Nkulunkulu wenu latenta kini eGibhithe emehlweni enu nibuka?

Dutheronomi 4:37

Ngobe wabatsandza boyihlomkhulu, wakhetsa titukulwane tabo emvakwabo, wanikhipha eGibhithe ngebukhona bakhe nangemandla akhe lamakhulu,

Dutheronomi 7:19

Natibonela nine ngewenu emehlo timangaliso letinkhulu netibonakaliso, nesandla lesinemandla leseluliwe, Simakadze Nkulunkulu wenu lanikhiphe ngaso. Simakadze Nkulunkulu wenu utakwenta njalo kuto tonkhe tive lenitesabako nyalo.

Dutheronomi 9:5

Akukayi ngekulunga kwenu nome ngebucotfo benu kutsi nihambe niyekudla lelive lato; kodvwa kuye ngebubi baletive kutsi Simakadze Nkulunkulu wenu aticoshe embikwenu, kuze kufezeke loko lakufungela kubokhokho benu bo-Abrahama, na-Isaka, naJakobe.

1 yaPhetro 2:9

Kodvwa nine nibeluhlanga lolukhetsiwe, nibaphristi bebukhosi, sive lesingcwele; nibantfu baNkulunkulu labakhetselwe kumemetela imisebenti lemihle yaNkulunkulu. Nguye lowanibita kutsi niphume ebumnyameni nitewungena ekukhanyeni kwakhe lokumangalisako.

1 Samuweli 4:8

Maye kitsi! Ngubani lotasikhulula esandleni salabonkulunkulu labanemandla kangaka? Ngulabonkulunkulu labashaya emaGibhithe ehlane ngetishayo letimbi letehlukene.