Imisebenti yebaPhostoli 13:10 - Siswati 1996 Bible

¹⁰ Watsi: “Wena ndvodzana yaSathane! Usitsa sako konkhe lokuhle; ugcwele onkhe emachinga ebubi, uyawuyekela nini kuvimbela liciniso leNkhosi ngemanga?

Imisebenti yebaPhostoli 13:10 Referencias Cruzadas

Genesisi 18:19

Cha, ngeke, ngobe Abrahama ngimkhetsile kutsi ayale emadvodzana akhe netitukulwane takhe emvakwakhe, kutsi bagcine intsandvo yaSimakadze ngekwenta lokuhle nalokulungile. Khona-ke Simakadze uyawunika Abrahama loko lametsembisa kona.”

Genesisi 3:15

Ngitawubeka butsa emkhatsini wakho nemfati, nasemkhatsini wentalo yakho nentalo yemfati. Yona iyawufihlita inhloko yakho, wena uyawuluma sitsendze sayo.”

2 Tikhronike 17:6

Inhlitiyo yakhe yayitinikele etindleleni taSimakadze, ngetulu kwaloko wesusa tonkhe tindzawo letiphakeme tekukhontela tithico kanye netinsika ta-Ashera kaJuda.

Umshumayeli 9:3

Naku lokubi kuko lokwentekako lapha ngaphansi kwemtfunti welilanga: Bonkhe behlelwa siphetfo lesifananako. Ngetulu kwaloko tinhlitiyo tebantfu tigcwele bubi, kantsi kunebuhlanya etinhlitiyweni tabo basaphila, emvakwaloko bangena ekufeni.

Jeremiya 23:36

Kodvwa ningacali nisisho ‘siphrofetho saSimakadze’ futsi, ngobe emavi alowo nalowo muntfu aba sembulo sakhe, ngaloko nibese niyawaguculela emavi aNkulunkulu lophilako, Simakadze Somandla, Nkulunkulu wetfu.

Hoseya 14:9

Ngubani lohlakaniphile? Uyawutibona letintfo. Ngubani lokwati kubona tintfo letifihlakele? Utaticondza kahle letintfo. Tindlela taSimakadze tilungile, labalungile bahamba ngato, kodvwa labahlubukako bayakhubeka kuto.

Matewu 13:38

Insimi ngulomhlaba, inhlanyelo lenhle bantfwana bembuso, kepha lukhula bantfwana baLomubi.

Matewu 15:19

Ngobe enhlitiyweni kuvela imicabango lemibi, nekubulala, nekuphinga, nebugwadla, nekuba, nekucalemanga, nekuhlambalata.

Matewu 23:13

“Maye kini, bafundzisi bemtsetfo nebaFarisi! Batentisi! Nivimbela bantfu umbuso welizulu, nibe nine ningangeni, nebantfu labafuna kungena anibavumeli kutsi bangene. [

Matewu 3:7

Kepha watsi nakabona labanyenti bebaFarisi nebaSadusi beta embhabhatisweni, wababuta watsi: “Ntalo yetinyoka, ngubani lonitjele watsi: ‘Balekelani lolulaka lolutako’?

Lukha 11:39

Ngako iNkhosi yatsi: “Nine baFarisi, nigeza lingephandle lenkomishi nelipulede, kodvwa ngekhatsi nigcwele bumiti nebubi.

Lukha 11:52

“Maye kini, tati temtsetfo! Nitsatse sikhiya sekuvula umnyango welwati, nine matfupha anikangeni ngekhatsi, konje nibavimbele labo labafuna kungena ngekhatsi.”

Johane 1:23

Yena watsi: “Ngilivi lalomemeta ehlane, atsi: ‘Lungisani indlela yeNkhosi,’ njengobe asho Isaya, umphrofethi.”

Johane 8:44

Nine nibeyihlo Sathane. Nitsandza kwenta tinkhanuko teyihlo. Yena abevele angumbulali webantfu kusukela ekucaleni, akemi ecinisweni, ngobe liciniso kute kuye. Nakakhuluma emanga, ukhuluma intfo yakhe, ngobe ungumcambimanga neyise wawo onkhe emanga.

Imisebenti yebaPhostoli 20:30

Emkhatsini wenu kuyawuvela bantfu labayawufundzisa lokuphambene neliciniso badvonse emakholwa lamanyenti alandzele bona.

2 kubaseKorinthe 11:3

Kodvwa ngineluvalo ngani, kutsi njengobe inyoka yakhohlisa Eva ngebucili bayo, nani tingcondvo tenu tingahle tedukiswe niyekele kutinikela kuKhristu ngeliciniso nangebumsulwa.

KubaseGalathiya 1:7

Empeleni akusho kutsi likhona lelinye livangeli, kodvwa nje kutsi kukhona labanihluphako labafuna kuguculela liVangeli laKhristu.

Kubase-Efesu 4:14

Ngako-ke ngeke sisaba bantfwana, sigujuteliswe ngemagagasi, sipheshulwe ngimimoya yonkhe yetimfundziso tekukhohlisa kwebantfu labanebucili bekudukisa.

2 yaPhetro 2:15

Bashiye indlela lecondzile bedukela endleleni yaBhalamu, umsa waBheyori, lowatsandza umvuzo lomubi.

1 yaJohane 3:8

Umuntfu lowonako waSathane, ngobe Sathane wona kusukela ekucaleni. Kodvwa iNdvodzana yaNkulunkulu yetela kona loko, kucitsa imisebenti yaSathane.