Imisebenti yebaPhostoli 12:7 - Siswati 1996 Bible

⁷ Masinyane kwefika ingilosi yeNkhosi, kwakhanya ngekhatsi ejele. Lengilosi yanyikinyisa Phetro ngelihlombe, yamvusa yatsi: “Phangisa! Vuka!” Khona lapho tinketane tadzilika etandleni takhe.

Imisebenti yebaPhostoli 12:7 Referencias Cruzadas

2 Samuweli 22:29

Awu! Simakadze, wena usibane sami, Simakadze ugucula bumnyama bami abente bube kukhanya.

1 Emakhosi 19:5

Wacambalala lapho ngaphansi kwesihlahla semtsanyelo, watunywa butfongo, walala. Masinyane ingilosi yafike yamtsintsa yakhuluma kuye, yatsi: “Vuka udle.”

1 Emakhosi 19:7

Ingilosi yaSimakadze yaphindze yabuya kwesibili, yamtsintsa, yatsi: “Vuka udle, ngobe luhambo losetalutsatsa ludze kakhulu.”

Tihlabelelo 107:14

Wabakhipha kulobo bumnyama nakulelo tfunti lekufa, wajuba tibopho letatibabophile.

Tihlabelelo 116:16

Awu, Simakadze! Mine ngiyinceku yakho, indvodzana letalwa yincekukati yakho. Utfukulule tibopho lebengiboshwe ngato.

Tihlabelelo 146:7

Labacindzetelwe yena uyabemelela, abaphe kudla labalambile. Simakadze ukhulula tiboshwa,

Tihlabelelo 34:7

Ingilosi yaSimakadze yakha umtsangala lotungeleta labo labamesabako, ibakhulule, iphindze ibavikele.

Tihlabelelo 68:6

Nkulunkulu upha imihambima emakhaya lapho ingahlala khona, lababoshiwe abaholele ekubuseni, kodvwa labaphika inkhani ubahlalisa ehlane.

Isaya 37:30

“Loku-ke kuyawuba sibonakaliso kuwe, Hezekiya: “Kulomnyaka utawudla loko lokutimilele, ngemnyaka wesibili udle emahlumela ako, kodvwa ngemnyaka wesitsatfu uyawuhlanyela uvune, uyawuhlanyela tivini ubuye udle emagelebisi ato.

Isaya 60:1

“Vuka, Jerusalema, ukhanye njengelilanga, ngobe kukhanya kwakho kufikile. Inkhatimulo yaSimakadze iphumela etikwakho.

Jeremiya 40:1

Kwefika livi laSimakadze kuJeremiya emvakwekube Nebuzaradani, indvuna yabomahlalesangweni, asamkhululile eRama. Abemkhandze Jeremiya aboshwe ngetinketane emkhatsini wabo bonkhe batfunjwa lababephuma eJerusalema nakaJuda, batfunjwa bayiswa eBhabhulona.

Hezekeli 43:2

lapho ngabona khona inkhatimulo yebukhona baNkulunkulu wema-Israyeli ichamuka ngasemphumalanga. Livi lakhe lalifanana nekudvuma kwemabhudlo emanti, live lalicwebetela ngenca yenkhatimulo yakhe.

Danyela 3:28

Nebukhadnezari-ke wakhuluma watsi: “Akadvunyiswe Nkulunkulu waboShadraki, naMeshaki, na-Abednego lotfume ingilosi yakhe kutsi itewulamlela tinceku takhe! Babemetsembile bangete bawutsatsa umyalo wenkhosi, batimisela kulahlekelwa nakuphila kwabo kunekutsi bakhonte nome bakhotsamele lomunye nkulunkulu ngaphandle kwaNkulunkulu wabo.

Danyela 6:22

Nkulunkulu wami utfumele ingilosi yakhe, lefike yavala imilomo yemabhubesi. Akangilimati, ngobe ngitfolakele ngite licala emehlweni akhe, kantsi nakuwe, nkhosi, kute lengikonile.”

Mikha 7:9

Sonile kuSimakadze, ngako nyalo kufanele kutfukutsela kwakhe sikubeketelele kwesikhashana. Kodvwa ekugcineni uyawusivikela, acondzise loko lokubi lokwentiwe kitsi. Uyawusiletsa asifake ekukhanyeni; yebo, siyawuphila, simbone asisindzisa.

Habakhuki 3:11

Lilanga nenyanga kwema emazulwini ngekumanyatela kwemicibisholo yakho legijimako nangekubaneka kwekumanyatela kwesikhali sakho.

Habakhuki 3:4

Kucwebetela kwakhe kunjengekuphuma kwelilanga; kubaneka imisebe etandleni takhe, lapho kufihlakele khona emandla akhe.

Matewu 2:13

Kwatsi kube tati tisuke lapho, ingilosi yeNkhosi yatibonakalisa kuJosefa ephusheni itsi: “Vuka, utsatse umntfwana nenina, nibalekele eGibhithe, nifike nihlale khona niyawuze nitjelwe ngimi; ngobe Herodi utawufuna lomntfwana kuze ambulale.”

Lukha 2:9

Ingilosi yeNkhosi yabonakala kubo, nebukhatikhati beNkhosi babakhanyisela, baze besaba kakhulu.

Lukha 24:4

Bema bangacondzisisi kahle ngaloku, batsi betfuka, kwase kume eceleni kwabo emadvodza lamabili embetse tingubo letikhatimulako.

Imisebenti yebaPhostoli 10:30

Khoneliyuse waphendvula watsi: “Kwakucishe kube ngito letikhatsi kutsanti kwayitolo ngesikhatsi ngithandaza endlini yami ngeli-awa lesitsatfu ntsambama ngabona indvodza yembetse tingubo letikhatimulako ime embikwami

Imisebenti yebaPhostoli 12:23

Khona lapho ingilosi yeNkhosi yashaya Herodi, ngobe abengamniki Nkulunkulu ludvumo. Wadliwa tibungu waze wafa.

Imisebenti yebaPhostoli 12:6

Ngebusuku bekugcina Herodi atamkhipha amletse ebantfwini, Phetro abelele emkhatsini webalindzi lababili. Abeboshwe ngetinketane letimbili, kwakunebalindzi lapho emnyango welijele balindzile.

Imisebenti yebaPhostoli 12:8

Ingilosi yase itsi kuye: “Tibophe ngelibhande, ufake tincabule takho.” Wakwenta loko Phetro, ingilosi yatsi: “Yembatsa ingubo yakho ungilandzele!”

Imisebenti yebaPhostoli 16:26

Masinyane kwaba khona kutamatama kwemhlaba lokukhulu, lokwatamatamisa tisekelo telijele. Khonapho yonkhe iminyango yavuleka, tinketane tato tonkhe tiboshwa tadzilika.

Imisebenti yebaPhostoli 2:24

Kodvwa Nkulunkulu wamvusa kulabafile; wamkhulula etinhlungwini tekufa, ngobe kwakungeke kwenteke kutsi kufa kumbambe.

Imisebenti yebaPhostoli 5:19

kodvwa kwatsi ebusuku ingilosi yeNkhosi yavula iminyango yelijele, yabahola yabakhiphela ngephandle, yatsi kubo:

Imisebenti yebaPhostoli 9:3

Asahamba aya eDamaseko, asasedvute nje nalelo dolobha, kwavela kukhanya lokukhulu esibhakabhakeni, kwambaneka ndzawo tonkhe ngekuphatima kweliso.

Kubase-Efesu 5:14

ngobe konkhe lokuvetwa kukhanya kuyabonakala. Ngako-ke kutsiwa: “Phaphama, wena lolele, uvuke kulabafile, naKhristu utakukhanyisa.”

KumaHebheru 1:14

Tiyini tona tingilosi? Tingimimoya yekusebentela Nkulunkulu, letfunyelwe kutawusita labo labayawudla lifa lensindziso.

Sembulo 18:1

Emvakwaloko ngabona lenye ingilosi lenkhulu yehla iphuma ezulwini, ineligunya lelikhulu. Inkhatimulo yayo yakhanyisa umhlaba wonkhe.