Imisebenti yebaPhostoli 12:19 - Siswati 1996 Bible

¹⁹ Herodi watfumela kutsi afunwe, kepha abazange bamtfole. Ngako-ke wabita balindzi wababutisisa, wase utsi ababulawe. Emvakwaloko Herodi wehlela eKhesariya aphuma eJudiya, wahlala sikhatsi khona.

Imisebenti yebaPhostoli 12:19 Referencias Cruzadas

1 Emakhosi 20:43

Inkhosi yabuyela esigodlweni sayo eSamariya idvubutekile, ikhubekile.

Esta 6:12

Emvakwaloko Modekhayi wabuyela emphundvwini yendlunkhulu, kodvwa Hamani wabuyela ekhaya kakhe ajabhe, waze wembonya nebuso bakhe ngenca yekudliwa ngemahloni.

Jeremiya 36:26

Esikhundleni saloko, inkhosi yatfumela boJerameli, umntfwanenkhosi, naSeraya, umsa wa-Azriyeli, naShelemiya, umsa wa-Abdeyeli, kutsi bayewubopha boBharuki, umbhali, naJeremiya, umphrofethi, kodvwa Simakadze abesabafihlile.

Matewu 2:1

Kwatsi kube kutalwe Jesu eBhetlehema esigodzini saseJudiya ngesikhatsi Herodi ayinkhosi, kwefika tati eJerusalema tiphuma emphumalanga,

Matewu 2:13

Kwatsi kube tati tisuke lapho, ingilosi yeNkhosi yatibonakalisa kuJosefa ephusheni itsi: “Vuka, utsatse umntfwana nenina, nibalekele eGibhithe, nifike nihlale khona niyawuze nitjelwe ngimi; ngobe Herodi utawufuna lomntfwana kuze ambulale.”

Matewu 2:16

Kwatsi Herodi asabonile kutsi tati timyengile, watfukutsela wagcwala kokana, watfumela kutsi akubulawe bonkhe bantfwana labadvuna baseBhetlehema nakuto tonkhe tindzawo tangakhona lababeneminyaka lemibili nome ngephansi, kwaya ngesikhatsi labesibutisise etatini.

Imisebenti yebaPhostoli 12:18

Ekuseni kwesuka lesikhulu sidvumo kubalindzi kutsi ushonephi Phetro.

Imisebenti yebaPhostoli 12:4

Watsi kube ambambe wamfaka ejele lapho aniketwa etigabeni letine temasotja lamane sigaba sisinye, letatimlindza ngekuntjintjana. Herode abehlose kutsi amletse embikwemaJuda emvakweliPhasika.

Imisebenti yebaPhostoli 12:6

Ngebusuku bekugcina Herodi atamkhipha amletse ebantfwini, Phetro abelele emkhatsini webalindzi lababili. Abeboshwe ngetinketane letimbili, kwakunebalindzi lapho emnyango welijele balindzile.

Imisebenti yebaPhostoli 16:27

Umgcinijele waphaphama, lapho abona iminyango yelijele ivulekile wacabanga kutsi tonkhe tiboshwa tibalekile; wanyomula inkemba yakhe asafuna kutibulala.

Imisebenti yebaPhostoli 21:8

Ngakusasa sahamba saze sefika eKhesariya. Sefike sangenisa sahlala emtini wemvangeli Filiphu lobekangulomunye webasiti lababesikhombisa.

Imisebenti yebaPhostoli 25:13

Emvakwemalanga inkhosi Agripha naBhenise bavakashela eKhesariya ngenjongo yekwemukela Festusi.

Imisebenti yebaPhostoli 27:42

Emasotja enta lisu lekubulala tonkhe tiboshwa, kubete nasinye lesitawuhlamba sidzimate siphunyule.

Imisebenti yebaPhostoli 8:40

Kodvwa Filiphu wabonakala asase-Azothosi ahamba ashumayela liVangeli kuwo onkhe emadolobha, waze wefika naseKhesariya.

1 Samuweli 23:14

Davide wahlala etinqabeni tasehlane, lekwakutintsaba telihlane laseZifu. Sawula abesolomane amfuna onkhe emalanga, kodvwa Simakadze akazange amnikele etandleni takhe.