Imisebenti yebaPhostoli 12:11 - Siswati 1996 Bible

¹¹ Kwangukhona kumkhanyela Phetro kutsi bekwentekani kuye, wase utsi: “Manje sengiyati kutsi kuliciniso kutsi iNkhosi itfumele ingilosi, yangikhulula emandleni aHerodi nakuko konkhe emaJuda abebheke kutsi kutangehlela.”

Imisebenti yebaPhostoli 12:11 Referencias Cruzadas

Genesisi 15:13

Simakadze watsi ku-Abrama: “Yati ngempela kutsi situkulwane sakho siyawuba sihambi eveni lekungesilo laso; siyawuba sigcili sakulelo live, sigcilateke iminyaka lengema-400.

Genesisi 18:13

Simakadze watsi ku-Abrahama: “Uhlekeleni Sara, atsi: ‘Ngitawutala umntfwana sengimdzala kangaka?’

Genesisi 26:9

Ngako-ke Abimeleki wabita Isaka wambuta watsi: “Kantsi vele ngumkakho yini lo! Kepha ukwentelani lokuhambe utsi ngudzadzewenu?” Isaka wamphendvula watsi: “Kungobe bengicabanga ngitsi: ‘Ngingahle ngife ngenca yaRebheka!’ ”

2 Samuweli 22:1

Davide wahlabela kuSimakadze emagama anansi ingoma, ngesikhatsi Simakadze amephula etandleni tato tonkhe titsa takhe nasesandleni saSawula.

2 Tikhronike 16:9

Ngobe emehlo aSimakadze abuka emhlabeni wonkhe kucinisa labo labatinhlitiyo tabo titinikele kuye ngalokuphelele. Wena wente intfo lebulima kakhulu, kusukela manje utakulwa timphi siphelane.”

Jobe 31:31

Bantfu labasekhaya kami abazange sebasho yini batsi: ‘Ngubani longazange asayidle ayesutse inyama yakaJobe?’

Jobe 5:19

Nome ungehlelwa tehlakalo letisitfupha, uyakukusindzisa kuto tonkhe; nome nguletisikhombisa kute lokuyakukulimata.

Tihlabelelo 109:31

ngobe ume ngesekudla salomphofu kutsi amsindzise kulabamgwebela intsambo.

Tihlabelelo 33:18

Empeleni liso laSimakadze likulabo labamesabako, yebo labo labetsemba umusa wakhe,

Tihlabelelo 33:19

kutsi atewukhulula umphefumulo wabo ekufeni abaphilise endlaleni.

Tihlabelelo 34:22

Simakadze uyakuhlenga kuphila kwetinceku takhe, labakhosela kuye bangeke badliwe licala.

Tihlabelelo 34:7

Ingilosi yaSimakadze yakha umtsangala lotungeleta labo labamesabako, ibakhulule, iphindze ibavikele.

Tihlabelelo 41:2

Simakadze uyawumlondvolotela imphilo yakhe; uyawumenta abe ngulonenhlanhla emhlabeni, angeke amnikele entsandvweni yetitsa takhe.

Tihlabelelo 97:10

Nine lenitsandza Simakadze, tondzani konkhe lokubi, ngobe uyabelusa labametsembako, abephule etandleni talababi.

Danyela 3:25

Yatsi: “Ase nibuke! Ngibona emadvodza lamane ahambahamba lapha ekhatsi emlilweni, atfukululiwe, futsi akalimali ndzawo, kantsi lona wesine ufanana nendvodzana yabonkulunkulu.”

Danyela 3:28

Nebukhadnezari-ke wakhuluma watsi: “Akadvunyiswe Nkulunkulu waboShadraki, naMeshaki, na-Abednego lotfume ingilosi yakhe kutsi itewulamlela tinceku takhe! Babemetsembile bangete bawutsatsa umyalo wenkhosi, batimisela kulahlekelwa nakuphila kwabo kunekutsi bakhonte nome bakhotsamele lomunye nkulunkulu ngaphandle kwaNkulunkulu wabo.

Danyela 6:22

Nkulunkulu wami utfumele ingilosi yakhe, lefike yavala imilomo yemabhubesi. Akangilimati, ngobe ngitfolakele ngite licala emehlweni akhe, kantsi nakuwe, nkhosi, kute lengikonile.”

Lukha 15:17

“Sigcino yasanguluka engcondvweni yacabanga yatsi: ‘Tonkhe tisebenti tababe tidla tidzimate titibekele, kepha mine lapha ngilamba kangaka.

Imisebenti yebaPhostoli 12:7

Masinyane kwefika ingilosi yeNkhosi, kwakhanya ngekhatsi ejele. Lengilosi yanyikinyisa Phetro ngelihlombe, yamvusa yatsi: “Phangisa! Vuka!” Khona lapho tinketane tadzilika etandleni takhe.

Imisebenti yebaPhostoli 24:27

Ekupheleni kweminyaka lemibili sikhundla saFeliksi satsatfwa nguPhokhiyusi Festusi. Njengobe Feliksi abefuna kutsandvwa ngemaJuda, wavele washiya Pawula asesejele.

Imisebenti yebaPhostoli 25:9

Festusi afuna kujabulisa emaJuda wabuta Pawula watsi: “Ungatsandza yini kuya eJerusalema kuyewutekwa lamacala labakubeke wona la embikwami?”

Imisebenti yebaPhostoli 5:19

kodvwa kwatsi ebusuku ingilosi yeNkhosi yavula iminyango yelijele, yabahola yabakhiphela ngephandle, yatsi kubo:

KumaHebheru 1:14

Tiyini tona tingilosi? Tingimimoya yekusebentela Nkulunkulu, letfunyelwe kutawusita labo labayawudla lifa lensindziso.

2 yaPhetro 2:9

INkhosi iyakwati kubakhulula ekulingweni labo labesaba Nkulunkulu; kodvwa labangakalungi ibagcinela kujeziswa ngelilanga lekwehlulelwa,