Imisebenti yebaPhostoli 11:26 - Siswati 1996 Bible

²⁶ Kwatsi lapho amkhandza, wamletsa e-Antiyokhi. Umnyaka wonkhe bobabili babehlanganyela nebantfu belibandla, babefundzisa sicuku lesikhulu. Kwakuse-Antiyokhi lapho bafundzi babitwa kwekucala ngekutsi ngemaKhristu.

Imisebenti yebaPhostoli 11:26 Referencias Cruzadas

Isaya 65:15

Libito lenu niyawulishiya kulabakhetsiwe bami libe sicalekiso: iNkhosi Simakadze iyawunibulala. Kodvwa tinceku tayo iyawutinika lelinye libito.

Matewu 28:19

Ngako-ke hambani, nente tive tonkhe tibe bafundzi bami, nibabhabhatise egameni leYise, neleNdvodzana, nelaMoya Longcwele,

Johane 2:2

Kulowo mshado Jesu abemenywe kanye nebafundzi bakhe.

Imisebenti yebaPhostoli 1:15

Kulawo malanga kusahlangene emakholwa labengaba li-120 asawonkhe, Phetro wasukuma watsi:

Imisebenti yebaPhostoli 11:20

Labanye babo babengemadvodza aseSiphrosi naseSirene labatsi nabefika e-Antiyokhi batjela nebetive livi leNkhosi, babashumayela liVangeli lekutsi Jesu yiNkhosi.

Imisebenti yebaPhostoli 11:22

Tindzaba ngaloko tefika ebandleni laseJerusalema, ngako-ke batfumela Bhanabasi e-Antiyokhi.

Imisebenti yebaPhostoli 11:27

Ngaleso sikhatsi labanye baphrofethi behla besuka eJerusalema baya e-Antiyokhi.

Imisebenti yebaPhostoli 11:29

Bafundzi bavumelana kutsi ngulowo nalowo atfumele loko langakutfumela kusita bazalwane baseJudiya.

Imisebenti yebaPhostoli 14:20

Kodvwa ngesikhatsi emakholwa abutsana kuye, wasukuma wabuyela edolobheni. Ngelilanga lelilandzelako yena naBhanabasi bahamba baya eDebe.

Imisebenti yebaPhostoli 14:22

Bacinisa emakholwa bawakhutsata ekubambeleleni ekukholweni. Babafundzisa kutsi: “Sifanele sendlule ekuhluphekeni lokunyenti kuze singene embusweni waNkulunkulu.”

Imisebenti yebaPhostoli 14:23

Kulelo nalelo bandla babakhetsela babonisi, ngemithandazo nangekuzila babaletsa eNkhosini labayikholwako.

Imisebenti yebaPhostoli 14:27

Lapho sebefike e-Antiyokhi babutsela bantfu belibandla ndzawonye babatjela konkhe Nkulunkulu labekusebentile ngabo, nekutsi nebetive ubavulele indlela yekukholwa.

Imisebenti yebaPhostoli 14:28

Bahlala lapho nemakholwa sikhatsi lesidze.

Imisebenti yebaPhostoli 18:27

Kwatsi nasafuna kwewelela eGrisi, bazalwane bamkhutsata, base babhalela bazalwane kutsi babomemukela. Watsi kube efike, waba lusito lolukhulu kulabo bese bakholiwe ngemusa waNkulunkulu;

Imisebenti yebaPhostoli 19:9

Kodvwa labanye kubo baba lukhuni bangete bavuma kukholwa, bakhuluma kabi ngaleNdlela yeNkhosi embikwabo bonkhe bantfu. Wase uyabashiya Pawula wahamba nebafundzi. Onkhe emalanga waba netinkhulumo aphikisana nabo eHholeni yaThiranusi.

Imisebenti yebaPhostoli 20:1

Emvakwalesiphitsiphitsi Pawula wabita labakholwako wabakhutsata, wabavalelisa, wabashiya, waya eMasedoniya.

Imisebenti yebaPhostoli 20:30

Emkhatsini wenu kuyawuvela bantfu labayawufundzisa lokuphambene neliciniso badvonse emakholwa lamanyenti alandzele bona.

Imisebenti yebaPhostoli 21:4

Sakhandza emakholwa, sahlala nawo liviki. Ngemandla aMoya Longcwele batjela Pawula kutsi angayi eJerusalema.

Imisebenti yebaPhostoli 26:28

Agripha wase utsi kuPawula: “Cishe wangenta umKhristu ngesikhashana!”

Imisebenti yebaPhostoli 6:1

Emvakwesikhatsi, seloku bafundzi bandza ngebunyenti, kwaba khona kucabana nekungevani emkhatsini wemaJuda lakhuluma siGriki nemaJuda ekutalwa. EmaJuda lakhuluma siGriki asola kutsi bafelokati bawo babenganakwa ekwenetisweni kwemihla ngemihla.

Imisebenti yebaPhostoli 6:5

Bonkhe bantfu basijabulela lesincomo sebaphostoli; ngako bakhetsa Stefano, indvodza leyayigcwele kukholwa naMoya Longcwele, naFiliphu, naPhrokhorusi, naNikhano, naThimoni, naPhamenasi, kanye naNikholawusi wase-Antiyokhi, yena-ke abengewetive, kodvwa abephendvukele enkholweni yebuJuda.

Imisebenti yebaPhostoli 9:19

Emvakwekudla waphindze wacina futsi. Sawula wahlala nebafundzi emalangana lambalwa eDamaseko.

Imisebenti yebaPhostoli 9:38

IJopha yayisedvute naseLida, kwatsi bafundzi nabeva kutsi Phetro abeseLida, batfumela emadvodza lamabili nemlayeto lotsi: “Sicela unonophe ute lapha kitsi.”

1 kubaseKorinthe 11:18

Ngobe kwekucala nje, nanihlangana njengelibandla, ngiva kutsi kuyaye kube khona kwehlukana emkhatsini wenu, lengicishe ngikukholwe.

1 kubaseKorinthe 12:12

Njengobe nemtimba umunye, kepha unetitfo letinyenti, naloku titinyenti nje, kodvwa tingumtimba munye, unjalo-ke naKhristu.

1 kubaseKorinthe 14:23

Libandla nalingahlangana ndzawonye lisuke lonkhe likhulume ngetilimi, bese kungena labangativa nome emahedeni, bangete basho yini kutsi niyahlanya?

1 kubaseKorinthe 4:17

Ngaloko-ke sengitfumele kini Thimothi, longumntfwanami lengimtsandzako nalowetsembekile eNkhosini. Nguye-ke lotanikhumbuta ngekuhamba kwami lokukuKhristu Jesu, njengobe ngifundzisa etindzaweni tonkhe nasemabandleni onkhe.

Kubase-Efesu 3:15

leyetsiwa ngaye yonkhe imindeni yasezulwini neyasemhlabeni,

YaJakobe 2:7

Akusibo yini labo labahlambalata lelibito laKhristu lelihloniphekile lenibitwa ngalo?

1 yaPhetro 4:14

Nibusisiwe nanetfukwa ngenca yelibito laKhristu, ngobe loko kukhombisa kutsi Moya webukhosi, lowaNkulunkulu, unifukamele.

1 yaPhetro 4:16

Kepha nakukhona lohlupheka ngobe angumKhristu, abobate emahloni, kodvwa akadvumise Nkulunkulu ngenca yalelo bito.

1 yaJohane 2:27

Kodvwa nine ninekugcotjwa kwaMoya lokukini lenakwemukela kuKhristu; ngako-ke asikho sidzingo sekutsi ningabuye nifundziswe ngulomunye umuntfu. Lokunigcoba kwakhe kunifundzisa tonkhe tintfo, futsi kuliciniso, akusiwo emanga; njengobe kunifundzisile-ke, hlalani nikuye.

Sembulo 3:18

Ngako-ke ngiyakuyala kutsi utsenge kimi igolide lelolongwe ngemlilo, khona utewuceba, utsenge tingubo letimhlophe tekwembatsa, khona utewufihla bungcunu bakho kutsi bungabonakali, utsenge nemutsi wekugcobisa emehlo akho kutsi ubone.