Imisebenti yebaPhostoli 11:21 - Siswati 1996 Bible

²¹ Sandla seNkhosi sasinabo, bantfu labanyenti bakholwa baphendvukela eNkhosini.

Imisebenti yebaPhostoli 11:21 Referencias Cruzadas

2 Tikhronike 30:12

NakaJuda sandla saNkulunkulu sasisetikwebantfu kutsi sibanike bunye bengcondvo ekwenteni loko inkhosi netiphatsimandla tayo babetsite akwentiwe, ngekulandzela livi laSimakadze.

Ezra 7:9

Luhambo lwakhe lwekusuka eBhabhulona abelucale ngelilanga lekucala enyangeni yekucala, eJerusalema wefika ngelilanga lekucala enyangeni yesihlanu, ngobe sandla lesihle saNkulunkulu sasisetikwakhe.

Ezra 8:18

Njengobe sandla lesihle saSimakadze sasisetikwetfu, basiletsela Sherebiya, indvodza leyayinelikhono ekwenteni tintfo. Abengewetitukulwane taMahali, umsa waLevi, umsa wa-Israyeli, nemadvodzana aSherebiya, kanye nabomnakabo, emadvodza lali-18 asawonkhe, lenyuka nawo.

Nehemiya 2:18

Ngachubeka ngabatjela futsi nangesandla semusa saNkulunkulu wami lebesisetikwami nekutsi inkhosi ikhulume yatsini kimi. Bona bangiphendvula batsi: “Asivele sicalise nyalo kwakha kabusha.” Ngako bavele bacalisa kuwenta lomsebenti lomuhle.

Nehemiya 2:8

Ngicela nencwadzi leya ku-Asafa, umgcini welihlatsi lenkhosi, kutsi angiphe tingodvo tekwakha emasango enqaba leseceleni kwelithempeli kanye netekwakha lubondza lwelidolobha nendlu lengitawube ngihleti kuyo.” Njengobe sandla semusa saNkulunkulu wami sasisetikwami, inkhosi yavele yanginika konkhe loko lengangikucelile.

Isaya 53:1

Ngubani lowakholwa ngumbiko wetfu? Wona umkhono waSimakadze wembulwa kubani?

Isaya 59:1

Nembala, ingalo yaSimakadze ayiyimfisha kangako kutsi ingete yasindzisa, nendlebe yakhe ayisiso sihhulu kutsi ingete yeva.

Lukha 1:66

Bonkhe labayiva bacabanga ngayo batibuta batsi: “Ingabe lomntfwana utawuba yini?” Ngobe kwavele kwakhanya kutsi emandla eNkhosi abekuye.

Imisebenti yebaPhostoli 11:24

Bhanabasi abengumuntfu lolungile agcwele Moya Longcwele nekukholwa. Bantfu labanyenti bengetekela eNkhosini.

Imisebenti yebaPhostoli 15:19

Jakobe wachubeka watsi: “Kungumcondvo wami kutsi akukafaneli sibatsikamete laba betive labaphendvukela kuNkulunkulu,

Imisebenti yebaPhostoli 2:47

badvumisa Nkulunkulu, babetsandzeka kubo bonkhe bantfu. Onkhe emalanga iNkhosi yayibengetela ngalabo babesindziswa.

Imisebenti yebaPhostoli 4:4

Kodvwa labanyenti labaliva livi bakholwa; emadvodza andza acishe aba ti-5 000.

Imisebenti yebaPhostoli 5:14

Kodvwa lesicuku sabo sengeteka kakhulu ngebantfu labakholwa eNkhosini, labadvuna nalabasikati.

Imisebenti yebaPhostoli 6:7

Ngako-ke livi laNkulunkulu lachubeka landza kakhulu. Nebunyenti bebafundzi eJerusalema bandza kakhulu, kantsi nelinyenti lebaphristi lakwemukela kukholwa.

Imisebenti yebaPhostoli 9:35

Bonkhe bantfu lababehlala eLida nasesigodzini saseSharoni bambona, baphendvukela eNkhosini.

1 kubaseThesalonika 1:5

Ngobe liVangeli lesanishumayela lona alifikanga kini ngemavi kuphela, kodvwa lefika ngemandla, nangaMoya Longcwele, seneliseka kutsi inshumayelo yetfu iliciniso. Niyati kutsi sasitiphatsa kanjani ngesikhatsi sisemkhatsini wenu. Konkhe loko sasikwenta ngenca yenu.