Imisebenti yebaPhostoli 11:12 - Siswati 1996 Bible

¹² Moya Longcwele wangitjela kutsi angihambe nabo ngingangatsiti. Labazalwane labasitfupha labangiphekeletela sahamba nabo saya eKhesariya, sonkhe sangena endlini yaKhoneliyuse.

Imisebenti yebaPhostoli 11:12 Referencias Cruzadas

Matewu 1:20

Kodvwa asakucabanga loko, kwefika ingilosi yeNkhosi kuye ngeliphupho yatsi: “Josefa, ndvodzana yaDavide, ungesabi kumtsatsa Mariya umkakho, ngobe loko lakukhulelwe kwaMoya Longcwele.

Johane 16:13

Kodvwa Moya weliciniso nakefika, uyawuniholela kulo lonkhe liciniso. Angeke atikhulumele kwakhe, kodvwa uyawukhuluma lakuvako, anitjele nangetintfo letisetakwenteka.

Imisebenti yebaPhostoli 1:15

Kulawo malanga kusahlangene emakholwa labengaba li-120 asawonkhe, Phetro wasukuma watsi:

Imisebenti yebaPhostoli 10:23

Phetro wabacela labantfu kutsi sale balala, ngobe lase lishonile. Ngakusasa watilungiselela kuhamba nabo; labanye bazalwane baseJopha bamphekeletela.

Imisebenti yebaPhostoli 10:45

Emakholwa emaJuda labephuma eJopha kanye naPhetro amangala kutsi Nkulunkulu utfululele sipho sakhe lesinguMoya Longcwele, ngisho nakubetive imbala;

Imisebenti yebaPhostoli 11:13

Wasitjela ngekubona kwakhe ingilosi ime endlini yakhe itsi kuye: ‘Tfumela emadvodza eJopha ayekubitela Simoni lokutsiwa nguPhetro.

Imisebenti yebaPhostoli 13:2

Basakhonta iNkhosi, bazila, Moya Longcwele watsi kubo: “Ngehlukaniseleni boBhanabasi naSawula, nibehlukanisele umsebenti lengibabitele wona.”

Imisebenti yebaPhostoli 13:4

BoBhanabasi naSawula, sebatfunyelwe nguMoya Longcwele, behlela eSeloyisiya bahamba ngemkhumbi besuka khona balibangisa esichingini saseSiphrosi.

Imisebenti yebaPhostoli 15:7

Emvakwemphikiswano lendze Phetro wasukuma watsi: “Bazalwane bami, niyati kutsi sekusikhatsi lesidze lesendlulile Nkulunkulu angikhetsa emkhatsini wenu kube ngishumayele liVangeli kubetive, khona batewuva bakholwe.

Imisebenti yebaPhostoli 15:9

Akentanga umehluko emkhatsini wetfu nabo; ngekukholwa wabahlanta tinhlitiyo.

Imisebenti yebaPhostoli 28:15

Bazalwane baseRoma bese bevile ngatsi, ngako base bayasihlangabeta eMakethe yaka-Aphiyusi neMahhotela Lamatsatfu. Pawula watsi kube ababone labazalwane, wabonga Nkulunkulu wase uma nesibindzi.

Imisebenti yebaPhostoli 8:29

Moya Longcwele watsi kuFiliphu: “Sondzela kulenkalishi uhambe eceleni kwayo!”

KubaseRoma 3:22

Nkulunkulu wenta kutsi bonkhe labakholwako balungelane naye ngekukholwa kwabo nguJesu Khristu, bonkhe ngalokufananako.

2 kubaseThesalonika 2:2

kutsi ningasheshi nidvungeke engcondvweni yenu, ningetfuswa ngumoya nome ngemavi, nome yincwadzi lekungatsi iphuma kitsi. Konkhe loku kunganetfusi kutsi lilanga leNkhosi selifikile.

Sembulo 22:17

Moya namakoti batsi: “Kota!” Wonkhe umuntfu lovako akatsi: “Kota!” Lowo lowomile akete; nalowo lofuna emanti ekuphila, akawanatse mahhala.