Imisebenti yebaPhostoli 10:48 - Siswati 1996 Bible

⁴⁸ Ngako wabatjela kutsi kufanele babhajatiswe egameni laJesu Khristu. Base bayamcela kutsi ahlale nabo emalangana.

Imisebenti yebaPhostoli 10:48 Referencias Cruzadas

Johane 4:2

Empeleni, Jesu ngekwakhe abengazange asabhabhatise namunye umuntfu, kodvwa bekubafundzi bakhe kuphela labebabhabhatisa bantfu.

Johane 4:40

Atsi kube ete kuye emaSamariya, ase ayamncenga kutsi ase ahlalahlale nawo. Ngako-ke, wahlala khona emalanga lamabili.

Imisebenti yebaPhostoli 16:15

Watsi kube abhajatiswe yena nendlu yakhe, wasincenga watsi: “Nangabe niyangibona kutsi ngetsembekile ngempela eNkhosini yami, wotani nitewuhlala endlini kami.” Wasicindzetela saze savuma.

Imisebenti yebaPhostoli 19:5

Batsi kube bakuve loko, base bayabhajatiswa egameni leNkhosi Jesu.

Imisebenti yebaPhostoli 2:38

Phetro wabaphendvula watsi: “Phendvukani nibhajatiswe nonkhe ngamunye ngamunye egameni laJesu Khristu, kuze nitsetselelwe tono tenu nemukeliswe nesipho lesinguMoya Longcwele.

Imisebenti yebaPhostoli 8:12

Kodvwa kwatsi nase bakholwa yinshumayelo yaFiliphu ngeliVangeli lembuso waNkulunkulu nangelibito laJesu Khristu, babhajatiswa, labadvuna nalabasikati.

Imisebenti yebaPhostoli 8:16

Phela Moya Longcwele abesengakehleli nome kumunye nje wabo; bebabhajatiselwe egameni leNkhosi Jesu kuphela.

KubaseGalathiya 3:27

Nine nonkhe nabhajatiselwa kuKhristu, ngako-ke senembetse Khristu.