Imisebenti yebaPhostoli 10:43 - Siswati 1996 Bible

⁴³ Bonkhe baphrofethi bafakaza ngaye, batsi wonkhe umuntfu lokholwa nguye uyawutsetselelwa tono ngelibito lakhe.”

Imisebenti yebaPhostoli 10:43 Referencias Cruzadas

Isaya 53:11

Emvakwekuhlupheka kwemphefumulo wayo iyawukubona kukhanya kwekuphila, yeneliswe, ngelwati lwayo inceku yami lelungile iyakwenta labanyenti bemukeleke kuNkulunkulu kutsi balungile, njengobe yetfwele tiphambuko tabo.

Jeremiya 31:34

Sekuyawubate umuntfu loyawufundzisa makhelwane wakhe, nome indvodza ifundzise umnakabo, itsi: ‘Yati Simakadze,’ ngobe bonkhe sebayawungati kusukela kulomncane kuye kulomkhulu,” kusho Simakadze. “Ngobe ngiyawubatsetselela bubi babo, tono tabo ngingasaphindzi ngitikhumbule.”

Danyela 9:24

“Tikhatsi letingema-70 timiselwe bantfu bakini, nelidolobha lakini kutsi bayekele kona nekwephula imitsetfo, bacedze tono, bahlawulele bubi, bangenise kulunga kwaphakadze, kuciniselwe umbono netiphrofetho, kugcotjwe lowo Longcwelengcwele.

Mikha 7:18

Kute nkulunkulu lofana nawe, Simakadze; wena utsetselela tono tensali yakho lesele ekubhujisweni. Awuhlali utfukutsele siphelane, kodvwa ujabulela kusikhombisa umusa wakho.

Zakhariya 13:1

“Ngalelo langa umtfombo uyawuvulekela indlu yakaDavide kanye nalabo labahlala eJerusalema, kutsi utewubahlanta esonweni nasekungcoleni.

Malakhi 4:2

Kodvwa kini lenilesabako Libito lami, lilanga lekulunga liyawuphuma linekuphilisa etimphikweni talo. Niyawuphuma nitjakadvule njengemankhonyane lakhululwe etisingeni tawo.

Makho 16:16

“Lowo lokholwako abhajatiswe, uyawusindziswa; kodvwa lowo longakholwa, uyawulahlwa.

Lukha 24:47

nekutsi egameni lakhe kumelwe kushunyayelwe etiveni tonkhe kuphendvuka kube kutsetselelwa kwetono, kucalwe eJerusalema.

Johane 1:45

Filiphu watfola Nathanayeli, watsi kuye: “Simtfolile lowo labhala ngaye emtsetfweni Mosi kanye nebaphrofethi, Jesu waseNazaretha, umsa waJosefa.”

Johane 20:31

Leti tibhalelwe kutsi nitewukholwa kutsi Jesu unguKhristu, iNdvodzana yaNkulunkulu, nekutsi ngekukholwa kwenu nibe nekuphila ngelibito lakhe.

Johane 5:24

“Ngicinisile, ngicinisile, ngitsi kini: Lowo lova livi lami akholwe ngulongitfumile, unekuphila lokuphakadze. Akayi ekwehlulelweni, kodvwa sewuphumile ekufeni, wangena ekuphileni.

Imisebenti yebaPhostoli 15:9

Akentanga umehluko emkhatsini wetfu nabo; ngekukholwa wabahlanta tinhlitiyo.

Imisebenti yebaPhostoli 2:38

Phetro wabaphendvula watsi: “Phendvukani nibhajatiswe nonkhe ngamunye ngamunye egameni laJesu Khristu, kuze nitsetselelwe tono tenu nemukeliswe nesipho lesinguMoya Longcwele.

Imisebenti yebaPhostoli 26:18

Utawuvula emehlo abo, kuze besuke ebumnyameni bagucukele ekukhanyeni besuke nasemandleni aSathane baye kuNkulunkulu, kuze batsetselelwe tono tabo babelwe nendzawo emkhatsini walabahlantwe ngekukholwa kimi.’ ”

Imisebenti yebaPhostoli 26:22

Kodvwa kuze kube ngulamuhla Nkulunkulu usangisitile. Ngako-ke namanje lo ngime la ngifakaza kubo bonkhe bantfu, labancane nalabakhulu, hhayi lokunye, kodvwa kona loko lokwashiwo baphrofethi naMosi kutsi kuyakwenteka,

Imisebenti yebaPhostoli 3:16

Ligama laJesu nekukholwa egameni lakhe lokucinise lendvodza leniyibonako naleniyatiko; nekukholwa lokungaJesu kunike imphilo lephelele kulomuntfu, njengobe nani nibona nje.

Imisebenti yebaPhostoli 3:18

Nkulunkulu wakumemetela kucala ngabo bonkhe baphrofethi kutsi Khristu abefanele kuhlupheka; nembala loko sekugcwalisekile ngalendlela.

KubaseRoma 10:11

UmBhalo utsi: “Umuntfu lokholwa kuye, angeke ajabhiswe.”

KubaseRoma 3:21

Kodvwa nyalo kulunga kwaNkulunkulu sekwembuliwe, akusiko kwemtsetfo; umtsetfo nebaphrofethi bayawufakazela loko.

KubaseRoma 5:1

Njengobe sesentiwe semukeleka kuNkulunkulu kutsi silungile ngekukholwa, sesinekuthula naNkulunkulu ngeNkhosi yetfu Jesu Khristu.

KubaseRoma 6:23

Inkhokhelo yesono kufa; kodvwa sipho semusa saNkulunkulu sikuphila lokuphakadze ngaKhristu Jesu iNkhosi yetfu.

KubaseRoma 8:1

Sekute kulahlwa kulabo labakuKhristu Jesu.

KubaseRoma 8:34

Pho, kukhona yini longahle abalahle ngelicala? Kute: Ngobe ukhona Khristu Jesu lowafa, kodvwa wavuswa waphila, sewungesekudla saNkulunkulu, nguye losincuselako.

KubaseGalathiya 3:22

Kodvwa umBhalo utsi bonkhe bantfu bangephansi kwemandla esono, kuze kutsi loko lokwetsenjiswa ekukholweni nguKhristu Jesu kuniketwe labakholwako.

Kubase-Efesu 1:7

Ngengati yaJesu sinekuhlengwa nekutsetselelwa kwetono, ngekwengcebo yemusa,

KubaseKholose 1:14

Kuyo sinekuhlengwa, lokukutsetselelwa kwetono tetfu.

KumaHebheru 13:20

Shangatsi Nkulunkulu wekuthula lowavusa iNkhosi yetfu Jesu kulabafile, wamenta uMelusi Lomkhulu wetimvu ngengati yakhe yesivumelwane saphakadze,

1 yaPhetro 1:11

Moya waKhristu abesavele asebenta kubo abakhombisa tinhlupheko lebetitakwehlela Khristu; waphindze wabakhombisa nebukhosi lobebutawulandzela leto tinhlupheko. Babehlolisisa kutsi kuyakwenteka nini loko, nekutsi kuyakwenteka kanjani.

Sembulo 19:10

Ngase ngiwela ngasetinyaweni tayo ngayikhotsama, kodvwa yatsi kimi: “Ungakwenti loko! Nami ngisisebenti kanye nawe nebazalwane bakho labanebufakazi baJesu. Khotsama Nkulunkulu.” Ngobe bufakazi baJesu bunguMoya wesiphrofetho.