Imisebenti yebaPhostoli 10:4 - Siswati 1996 Bible

⁴ Wayibukisisa ngekwesaba lengilosi wase utsi: “Utsini, Nkhosi?” Ingilosi yaphendvula yatsi: “Nkulunkulu uyemukele imithandazo yakho nemisebenti yakho yesihawu, ngako-ke sewukukhumbulile.

Imisebenti yebaPhostoli 10:4 Referencias Cruzadas

2 Tikhronike 32:24

Kulawo malanga Hezekiya wagula wabangwa netibi. Wathandaza kuSimakadze, Simakadze wamphendvula ngekumnika sibonakaliso lesisimanga.

2 Tikhronike 6:33

ubobe sewuyeva usezulwini, indzawo yakho yekuhlala, wente konkhe loko wetive lakucelako kuwe. Loko kuyakwenta kutsi tonkhe tive temhlaba tilati Libito lakho tikwesabe, njengobe kwenta sive sakho, ema-Israyeli, tati nekutsi lendlu lengiyakhile ibitwa ngeLibito lakho.

Tihlabelelo 141:2

Shangatsi umthandazo wami ungaba njengemphepho kuwe; nekuphakamisa kwami tandla akube kuwe njengemihlatjelo yakusihlwa.

Tihlabelelo 20:3

Akayikhumbule yonkhe iminikelo yakho, ayemukele neminikelo yakho yekushiswa. Cabanga.

Isaya 43:26

Asibuyekete loko lese kwentekile, ase sikhulumisane ngalendzaba; beka indzaba yakho yekuba msulwa kwakho.

Isaya 45:19

Angikakhulumi ekusitsekeni, kulenye indzawo lelive lebumnyama. Angikasho etitukulwaneni taJakobe, ngatsi: ‘Ngifuneleni lite.’ Mine, Simakadze, ngikhuluma liciniso, ngikhuluma loko lokulungile.”

Danyela 10:11

Watsi: “Danyela, wena lotsandzekile, caphelisisa lamavi lesengitakutjela wona, sukuma ume, ngobe nyalo ngitfunyelwe kuwe.” Watsi kube asho njalo kimi, ngasukuma ngichachatela.

Levithikusi 2:2

bese ukuletsa kumadvodzana a-Aroni labaphristi. Umphristi utawukha libinta lemphuphu kanye nemafutsa emncumo, nemphepho yawo yonkhe akushisele etikwelilati kube sikhumbuto, umnikelo lowentiwa ngemlilo, kube liphunga lelinuka lusi lolumnandzi kuSimakadaze.

Malakhi 3:16

Nalabo-ke labesaba Nkulunkulu bakhulumisana bodvwana, Simakadze walalela weva. Incwadzi legocotwako yesikhumbuto yabhalwa embikwakhe macondzana nalabo labesaba Simakadze bahloniphe Libito lakhe.

Matewu 26:13

Ngicinisile, ngitsi kini: Nome ngukuphi lapho liyawushunyayelwa khona leliVangeli emhlabeni wonkhe, kuyawukhulunywa ngalesento sakhe, kube sikhumbuto ngaye.”

Lukha 1:29

Mariya yamkhatsata kakhulu lenkhulumo yengilosi, wamangala kutsi lenkhulumo isho kutsini.

Lukha 24:5

Ngekwesaba lokukhulu labafati bakhotsama, lamadvodza ase atsi kubo: “Nimfunelani lophilako kulabafile?

Imisebenti yebaPhostoli 10:31

itsi: ‘Khoneliyuse, Nkulunkulu uwuvile umthandazo wakho, uyikhumbulile imisebenti yakho yesihawu.

Imisebenti yebaPhostoli 14:9

Yalalela emavi aboPawula. Pawula wabona kutsi iyakholwa kutsi ingaphiliswa, ngako-ke wayibukisisa,

Imisebenti yebaPhostoli 22:10

Ngabuta ngatsi: ‘Kufanele ngenteni, Nkhosi?’ INkhosi yatsi kimi: ‘Sukuma uye eDamaseko, lapho utawutjelwa khona konkhe lokhetselwe kutsi ukwente.’

Imisebenti yebaPhostoli 3:4

Bayibukisisa, Phetro watsi kuyo: “Ase ubuke ngala ngakitsi.”

KubaseFiliphi 4:18

Ngemukele konkhe ngalokungetulu, ngenelisekile ngetipho lengitinikwe ngu-Ephafrodithu tichamuka kini, letingumnikelo longemakha lamnandzi, umhlatjelo lowemukelekako nalojabulisako kuNkulunkulu.

KubaseFiliphi 4:6

Ningakhatsateki ngalutfo. Kepha kuko konkhe ticelo tenu atatiwe nguNkulunkulu, ngekukhuleka nekuncusa kanye nekubonga.

KumaHebheru 13:16

Ningakuyekeli kwenta lokuhle nekuhlephunelana loko leninako, ngobe iminikelo lenjalo iyamtfokotisa Nkulunkulu.

KumaHebheru 6:10

Ngobe phela Nkulunkulu akakhetsi, futsi angeke ayikhohlwe imisebenti yenu nelutsandvo lenilukhombise ekusiteni labangcwele, njengobe nenta namanje.

Sembulo 8:4

Intfutfu yemphepho yenyukela kuNkulunkulu kanye nemithandazo yalabangcwele, isuka esandleni sengilosi.

1 Samuweli 3:10

Simakadze wefika wema khona lapho, wamemeta njengakucala watsi: “Samuweli! Samuweli!” Samuweli wakhuluma watsi: “Khuluma, ngobe inceku yakho ilalele.”