Imisebenti yebaPhostoli 10:35 - Siswati 1996 Bible

³⁵ kodvwa lowo lomesabako ente lokulungile uyemukeleka kuye, nome angewasiphi sive.

Imisebenti yebaPhostoli 10:35 Referencias Cruzadas

Jobe 28:28

Wase ukhuluma kumuntfu, watsi: ‘Buka la, kwesaba Nkulunkulu libito lako kuhlakanipha. Kubalekela lokubi loko kukucondza.’ ”

Tihlabelelo 111:10

Kwesaba Nkulunkulu sicalo sekuhlakanipha. Bonkhe labahamba ngemitsetfo yakhe banengcondvo lenhle. Umelwe kudvunyiswa phakadze naphakadze.

Tihlabelelo 19:9

Kwesaba Simakadze kuhlantekile, kuyawuhlala kukhona naphakadze. Tincumo tetehlulelo taSimakadze tiliciniso, tilunge tonkhe, kantsi atinakusoleka.

Tihlabelelo 85:9

Ngempela insindziso yakhe isedvute kulabo labamesabako, kuze live letfu libe neludvumo lwakhe,

Taga 1:7

Kwesaba Simakadze kusicalo selwati, tilima tiyakwedzelela kuhlakanipha nemiyalo.

Taga 16:6

Ngekutinikela nekwetsembeka umuntfu uyawutfola kutsetselelwa, ngekwesaba Simakadze umuntfu uyawubalekela lokubi.

Taga 2:5

Nangabe ukwenta konkhe loko, utawucondzisisa kutsi kuyini kwesaba Simakadze, utfole nekutsi kuyini kwati Nkulunkulu.

Taga 3:7

Ungatenti sihlakaniphi, yesaba Simakadze, ukuyekele lokubi.

Umshumayeli 12:13

Konkhe sekuvakele. Nasi-ke siphetfo sendzaba: Yesaba Nkulunkulu, ugcine imiyalo yakhe, kute lokunye lokungetulu kwaloko lokudzingekako kumuntfu.

Hoseya 8:13

Banikela ngemihlatjelo lenikwe mine, bese badla lenyama, kodvwa Simakadze akajabuli ngayo. Manje sewutabukhumbula bubi babo, abajezisele tono tabo: Bayawubuyela eGibhithe.

Lukha 1:28

Ingilosi yeta kuye, yefika yatsi: “E! Sikhulekile! Wena lobusisekile, iNkhosi inawe.”

Imisebenti yebaPhostoli 10:2

Abekholwa, amesaba Nkulunkulu yena nendlu yakhe abesita labanyenti labamphofu bemaJuda, ahlala emkhulekweni ngaso sonkhe sikhatsi.

Imisebenti yebaPhostoli 10:28

Watsi kubo: “Nani matfupha niyati kutsi umJuda akavunyelwa yinkholo yakhe kutsi avakashele nome atihlanganise nebetive. Kodvwa Nkulunkulu ungikhombisile kutsi angifanele kusho kutsi umuntfu ungcolile nome akahlanteki.

Imisebenti yebaPhostoli 15:9

Akentanga umehluko emkhatsini wetfu nabo; ngekukholwa wabahlanta tinhlitiyo.

Imisebenti yebaPhostoli 9:31

Ngako-ke libandla kulo lonkhe laseJudiya naseGalile naseSamariya laba nesikhatsi sekuthula. Lakhiwa, lakhula ngebunyenti ngekusitwa nguMoya Longcwele liphila imphilo yekwesaba iNkhosi.

KubaseRoma 2:13

Ngobe akusibo labawuvako umtsetfo labalungile kuNkulunkulu, kepha ngulabo labawentako umtsetfo labayakwemukelwa nguNkulunkulu ngekutsi balungile.

KubaseRoma 2:14

Ngekwemvelo betive bate umtsetfo, kodvwa nabatentela loko lokufunwa ngumtsetfo, kungumtsetfo kubo, nome bate umtsetfo.

KubaseRoma 3:22

Nkulunkulu wenta kutsi bonkhe labakholwako balungelane naye ngekukholwa kwabo nguJesu Khristu, bonkhe ngalokufananako.

1 kubaseKorinthe 12:13

Ngobe ngaMoya munye tsine sonkhe sabhajatiswa kutsi sibe ngumtimba munye, nome singemaJuda nome singemaGriki, nome sitigcili, nome singulabakhululekile, tsine sonkhe sanatsiswa Moya munye.

2 kubaseKorinthe 7:1

Bazalwane, njengobe letetsembiso titetfu, asitihlante kuko konkhe lokungcolisa umtimba nemoya, siphile imphilo yebungcwele lobuphelele ngekwesaba Nkulunkulu.

KubaseGalathiya 3:28

Kute umJuda nemGriki, kute sigcili nalokhululekile, kute lomdvuna nalomsikati, nonkhe nimunye kuKhristu Jesu.

Kubase-Efesu 1:6

Ngako-ke akudvunyiswe umusa wakhe webukhosi, lasipha wona ngeNdvodzana yakhe letsandzekako.

Kubase-Efesu 5:21

Nitfobelane ngenca yekwesaba Khristu.

KubaseFiliphi 3:3

Ngitsi labasoke sibili, tsine lesikhonta ngaMoya waNkulunkulu, sitibonga kuKhristu Jesu, asetsembeli enyameni,

KubaseKholose 1:6

Lona lifike kini, njengaloku likhona nasemhlabeni wonkhe jikelele; futsi litsela titselo landze, njengobe nakini kunjalo, seloku kwesukela mhlazana niva kahle ngebunjalo beliciniso lemusa waNkulunkulu.

KubaseKholose 3:11

Kulabanjalo kute umehluko emkhatsini wemGriki nemJuda, walosokile nalongakasoki, wetive nemSikithi, sigcili nalokhululekile, kodvwa Khristu ungiko konkhe, futsi ukubo bonkhe.

1 yaJohane 2:29

Nanati kutsi ulungile, ningahlala nineliciniso lekutsi wonkhe lowenta kulunga, utelwe nguye.