Imisebenti yebaPhostoli 1:7 - Siswati 1996 Bible

⁷ Yena waphendvula watsi kubo: “Tikhatsi nematfuba kuhlelwa ngemandla aBabe, akusiko kwenu kwati kutsi kuyakwenteka nini.

Imisebenti yebaPhostoli 1:7 Referencias Cruzadas

Jobe 24:1

“Somandla akatimisi ngani tikhatsi tekwehlulela? Kwentiwa yini kutsi labo labamatiko bangabi nalo lwati ngetikhatsi takhe?

Danyela 2:21

Ugucula tikhatsi netikhatsi temnyaka; ubeka emakhosi aphindze awehlise. Ubanika kuhlakanipha labahlakaniphile, anike lwati kulabacondzako.

Matewu 20:23

Jesu watsi: “Yebo-ke, nitayinatsa leyo ndzebe, kantsi kuhlala ngesekudla sami nangesancele akusiko kwami kutsi ngephane ngako, kodvwa kwalabo labakulungiselelwe nguBabe.”

Matewu 24:36

“Noko kute lowatiko kutsi lelo langa nemzuzu kuyawufika nini, ngisho netingilosi ezulwini neNdvodzana ayati, lowatiko nguBabe kuphela.

Makho 10:40

Kodvwa tikhundla tekuhlala ngesekudla nome ngesancele sami akusiko kwami kutsi ngephane ngato; kodvwa talabo labalungiselelwe tona nguNkulunkulu.”

Makho 13:32

“Kepha noko kute lowatiko kutsi lelo langa nalelo awa kuyawufika nini. Netingelosi tasezulwini atati, neNdvodzana ayati; nguYise kuphela lokwatiko loko.

Lukha 21:24

bayawubulawa ngenkemba, batsatfwe bentiwe babe titfunjwa etiveni tonkhe; nebetive bayakuyigcobagcoba iJerusalema, kuze kugcwaliseke sikhatsi sabo.”

Imisebenti yebaPhostoli 17:26

Wenta tonkhe tive ngamuntfu munye kutsi tihlale ebusweni bonkhe bemhlaba, wemisa tikhatsi tekuphakama netekwehla kwato kanye nemikhawulo lapho kufanele tigcine khona.

Kubase-Efesu 1:10

Wakubona kufanele kutsi lelisu alifeze ngesikhatsi lesingiso ngekutsi indalo yonkhe yalokusemhlabeni nalokusezulwini ayihlanganisele ndzawonye ngaJesu Khristu loyinhloko yako konkhe.

Dutheronomi 29:29

“Tintfo letifihlakele taSimakadze Nkulunkulu wetfu, kodvwa tintfo letembuliwe tiphiwe tsine kanye nebantfwana betfu kuze kube phakadze, kuze sitekwenta onkhe emavi labhalwe kulencwadzi yalomtsetfo.”

1 kuThimothi 6:15

Ngesikhatsi sakhe Jesu utawubonakaliswa nguSomandla lokunguye yedvwa, lobusisekile, iNkhosi yemakhosi neMbusi webabusi.

2 kuThimothi 3:1

Khumbula naku: Emalangeni ekugcina kuyawufika tikhatsi letimatima.