Imisebenti yebaPhostoli 1:6 - Siswati 1996 Bible

⁶ Kwatsi nase bahlangene ndzawonye baphostoli naJesu, bambuta batsi: “Nkhosi, sengiso yini lesikhatsi lotawubuyisela ngaso umbuso kuma-Israyeli?”

Imisebenti yebaPhostoli 1:6 Referencias Cruzadas

Genesisi 49:10

Bukhosi bungeke busuke esandleni saJuda. Titukulwane takhe tiyawubusa njalonjalo, tive tiyakwetfula kuye timlalele.

Isaya 1:26

Ngitawubuyisela tikhulu tenu tifanane naleto beninato ekucaleni, ngibuyisele beluleki benu, bafanane nalabo beninabo ekucaleni. Emvakwaloko nitawubitwa ngekutsi: Lidolobha Lekulunga, Lidolobha Leletsembekile.”

Jeremiya 33:26

bengitakutilahla titukulwane taJakobe netaDavide, inceku yami, futsi bengingayikuyikhetsa lenye yemadvodzana akhe kutsi ibuse etikwetitukulwane ta-Abrahama, na-Isaka, naJakobe. Ngobe ngiyawubuyisela tibusiso tabo, ngibe nesihawu kubo.’ ”

Danyela 7:27

Lapho-ke kubusa, nemandla, nebukhulu bemibuso yonkhe lengaphansi kwelizulu, kuyawunikelwa etandleni talabangcwele, sive saLongetulu Kwako Konkhe. Umbuso wakhe kuyawuba ngumbuso waphakadze naphakadze, bonkhe babusi bayawukhotsama kuye bamkhonte, bamlalele.’

Hoseya 3:4

Ngako ema-Israyeli asetawuhlala emalanga lamanyenti angenambusi, angenankhosi, angenamhlatjelo nome ematje langcwele, angenasidziya sebaphristi nome sithico.

Amose 9:11

“Ngalelo langa ngiyakulivusa kabusha lithende laDavide leliwile. Ngiyakutakha kabusha tindzawo talo letephukile, ngiwakhe kabusha emadzibikelo alo, ngiphindze ngilakhe libe nguloku lelake laba nguko,

Mikha 5:2

Simakadze utsi: “Betlehema Efratha, nome ungulomunye wemiti lemincane yakaJuda, kodvwa ngiyawuveta kuwe umbusi loyawubusa sive saka-Israyeli. Lusendvo lwakhe luyawusukela kulolo lwaluvele lukhona kwasekucaleni.”

Zakhariya 9:9

Jabula kakhulu, Ndvodzakati yaseSiyoni! Memeta ngekujabula, Ndvodzakati yaseJerusalema! Ase ubuke, inkhosi yakho ita kuwe, ilungile, futsi iphetse insindziso, ita itfobekile, igibele embongolweni, etikwelitfole lembongolo, inkhonyane yembongolo.

Matewu 17:11

Jesu wabaphendvula watsi: “Empeleni Elija uyeta, uyawubuyisela konkhe esimeni sako.

Matewu 20:21

Jesu wambuta watsi: “Ufunani?” Watsi yena: “Yetsembisa kutsi lamadvodzana ami lamabili ayawuhlala, lenye ngesekudla sakho, lenye ngesancele sakho embusweni wakho.”

Matewu 24:3

Watsi Jesu asehleti eNtsabeni Yemincumo, bafundzi bakhe beta kuye ngasense, batsi: “Sitjele kutsi letintfo tiyakwenteka nini, kuyakwentekani lokuyawukhombisa kutsi sesikhatsi sekubuya kwakho nekutsi sekuphela kwetikhatsi?”

Makho 9:12

Jesu wabaphendvula watsi: “Vele, Elija uyabuya kutawubuyisela tonkhe tintfo ngabolonina. Pho, isho kutsini imiBhalo nayitsi iNdvodzana yeMuntfu ifanele kuhlushwa ngetintfo letinyenti, yedzelelwe?

Lukha 17:20

Labanye baFarisi babuta Jesu batsi: “Umbuso waNkulunkulu uyawufika nini?” Wabaphendvula watsi: “Umbuso waNkulunkulu awuti ngendlela lebonakalako.

Lukha 19:11

Basalalele loko, Jesu wachubeka wabatjela lomunye umfanekiso, ngobe abesasondzele eJerusalema, nangobe bantfu base bacabanga kutsi umbuso waNkulunkulu wawutawuvela ngaleso sikhatsi.

Lukha 22:29

njengobe Babe anginikile ligunya lekubusa, nami-ke ngitaninika lona.

Johane 21:21

Phetro nakabona lomfundzi, watsi kuJesu: “Nkhosi, lomuntfu lona-ke?”