Imisebenti yebaPhostoli 1:13 - Siswati 1996 Bible

¹³ Sebefikile eJerusalema baya bangena endlini leyayisetulu lapho babengenise khona. BekuboPhetro, naJohane, naJakobe, na-Andreya, naFiliphu, naTomase, naBhatalomewu, naMatewu, naJakobe, umsa wa-Alfiyose, naSimoni labekatiwa ngekutsi ngumZelothi kanye naJudasi, umsa waJakobe.

Imisebenti yebaPhostoli 1:13 Referencias Cruzadas

Matewu 9:9

Jesu asengca lapho, wabona umuntfu, libito lakhe kunguMatewu, ahleti endzaweni yekutselisa, watsi kuye: “Ngilandzele!” Nembala wasukuma wamlandzela.

Makho 14:15

Lomnikati wendlu utanikhombisa likamelo lelikhulu lelingetulu, lelilungiswe kahle; bese nisilungiselela khona.”

Makho 14:33

Watsatsa boPhetro, naJakobe, naJohane, wachubachubeka nabo. Wafikelwa ngumunyu nekudzabuka nekwesaba,

Makho 2:14

Watsi uyendlula ngasendzaweni yekutsela, wabona Levi, umsa wa-Alfiyose, ahleti, asebenta, wase utsi kuye: “Kota ungilandzele.” Levi wasukuma wahamba naye.

Makho 5:37

Jesu wesuka lapho wahamba; wabalela bonkhe kutsi bamlandzele, ngaphandle kwaboPhetro, naJakobe, naJohane, umnakaboJakobe.

Makho 9:2

Emvakwemalanga lasitfupha Jesu watsatsa boPhetro, naJakobe, naJohane, wenyukela nabo entsabeni lendze, baba bodvwana. Wagucuka lesinye simo bambukile.

Lukha 22:12

Utanikhombisa indlu lenkhulu lesetulu lenako konkhe kwekuhlala, lapho nitawulungisa khona.”

Johane 11:16

Tomase, labebitwa ngekutsi liPhahla, watsi kulaba labanye bafundzi: “Natsi asihambe kanye naye, kuze sitewufa kanye naye.”

Johane 14:22

Judasi, kungesiye Judasi Skariyothi, watsi kuye: “Nkhosi, utatibonakaliselani kitsi? Yini ungatibonakalisi eveni?”

Johane 18:17

Lentfombatana yabuta Phetro yatsi: “Awusiye yini lomunye webafundzi balomuntfu?” Phetro watsi: “Cha, angisiye.”

Johane 21:2

Simoni Phetro, naTomase, lotsiwa liPhahla, naNathanayeli waseKhana laseGalile, nemadvodzana aZebedi, nalabanye bafundzi baJesu lababili, bonkhe laba babendzawonye.

Imisebenti yebaPhostoli 12:17

Waphakamisa sandla sakhe wababindzisa, wabachazela kutsi iNkhosi imkhulule njani ejele. Watsi kubo: “Nibotjela Jakobe nebazalwane.” Wase uyabashiya uya encenye.

Imisebenti yebaPhostoli 15:13

Sebacedzile kukhuluma, Jakobe wakhuluma watsi: “Bazalwane, ngilaleleni!

Imisebenti yebaPhostoli 2:14

Kodvwa Phetro wasukuma akanye nebaphostoli labali-11, wakhuluma ngelivi lelikhulu watsi: “Sive semaJuda, nani nonkhe lenakhile eJerusalema, yatini loku; bekani indlebe ningilalele kahle.

Imisebenti yebaPhostoli 2:38

Phetro wabaphendvula watsi: “Phendvukani nibhajatiswe nonkhe ngamunye ngamunye egameni laJesu Khristu, kuze nitsetselelwe tono tenu nemukeliswe nesipho lesinguMoya Longcwele.

Imisebenti yebaPhostoli 20:8

Kwakukhanyiswe tibane letinyenti endlini lesetulu lapho besihlanganele khona.

Imisebenti yebaPhostoli 4:13

Emalunga aleLiqoqo letiphatsimandla amangala kubona sibindzi saboPhetro naJohane, nekubona kutsi babebantfukatana nje labebangakafundzi. Bavele babona kutsi babehamba naJesu.

Imisebenti yebaPhostoli 4:19

Kodvwa boPhetro naJohane babaphendvula batsi: “Nine ngekwenu ake senisho kutsi ngukuphi lokulungile ebusweni baNkulunkulu, kulalela nine yini nome kulalela Nkulunkulu?

1 kubaseKorinthe 15:7

Emvakwaloko wabonwa nguJakobe, wase ubonwa baphostoli bonkhe.

KubaseGalathiya 1:19

Kodvwa angizange sengibone namunye webaphostoli ngaphandle kwaJakobe, umnakabo weNkhosi.

KubaseGalathiya 2:9

Batsi kube boJakobe, naPhetro, naJohane, labebatiwa ngekutsi batinsika, babone umusa lengiwuphiwe banika tsine naBhanabasi sandla sekudla sebudlelwane kutsi siye kubetive, bona baye kumaJuda.

YaJakobe 1:1

Lencwadzi iphuma kuJakobe, inceku yaNkulunkulu neyeNkhosi Jesu Khristu. Iya etiveni letili-12 letisakatekile. Ngiyanibingelela.

2 yaJohane 1:1

Lencwadzi iphuma kuMbonisi. Iya kuMake lokhetsiwe nakubantfwabakhe, lengibatsandza ngeliciniso, kungesimi ngedvwana, kodvwa nabo bonkhe labalatiko liciniso,

YaJuda 1:1

Lencwadzi iphuma kumnakaboJakobe longuJuda, sisebenti saJesu Khristu. Iya kulabo lababitwe nalabatsandvwe nguNkulunkulu longuBabe, labalondvolotelwe Jesu Khristu.