Hoseya 9:15 - Siswati 1996 Bible

¹⁵ “Ngenca yabo bonkhe baseGilgali ngabazonda khona lapho. Ngenca yetono tabo labatentile, ngitabacosha lapha endlini yami. Ngingeke ngiphindze ngibatsandze; bonkhe baholi babo bayangihlubuka.

Hoseya 9:15 Referencias Cruzadas

Tihlabelelo 78:60

Wayidzikila indlu yakhe lengcwele leseShilo, lithende labehlala kulo emkhatsini webantfu,

Isaya 1:23

Babusi benu babahlubuki, babangani bemasela; bonkhe batsandza imidizo, balandzelana netipho. Ababavikeli labo labate boyise; ngisho nendzaba yemfelokati abayinaki.

Jeremiya 11:15

“Lotsandzekako wami wentani ethempelini lami, ngesikhatsi enta emacebo akhe ebubi nalabanyenti? Inyama lenikelwe ingasijikisa yini sijeziso sakho? Nase wenta bubi bakho uyajabula.”

Jeremiya 12:8

Lifa lami selifanana nelibhubesi lasehlatsini kimi. Liyangihhongela; ngako ngiyalenyanya.

Jeremiya 15:1

Simakadze wakhuluma kimi, watsi: “Ngisho nome boMosi naSamuweli bebangema embikwami, inhlitiyo yami beyingeke iye kulesive. Bacoshe! Abesuke lapha embikwami!

Jeremiya 3:8

Ngamnika Israyeli longaketsembeki sitifiketi sesehlukaniso, ngamcosha ngenca yako konkhe loko kuphinga kwakhe. Noko ngakubona loko kungetsembeki kwadzadzewabo longuJuda kutsi akesabi; naye waphindze waphuma wayawuphinga.

Jeremiya 5:5

Ngako ngiyakuya kubaholi, ngikhulume kubo, ngempela, bayayati indlela yaSimakadze, imiyalo lefunwa nguNkulunkulu wabo, kubo.” Kodvwa nabo futsi nganhlitiyonye balephula lijoko, batidzabula netibopho.

Hezekeli 22:27

Tiphatsimandla talo letisemkhatsini welive tifanana netimphisi letidladlabula tinyamatane tato; ticitsa ingati tibulale bantfu, khona titewutfola inzuzo lembi.

Hezekeli 23:18

Watsi ngesikhatsi agwadla ebaleni ahlubula nebungcunu bakhe, ngagucuka ngamfulatsela ngijabhile, njengaloku ngangifulatsele dzadzewabo.

Hoseya 1:6

Gomeri waphindze futsi watetfwala, watala indvodzakati, Simakadze wabe sewukhuluma kuHoseya, watsi: “Metse libito utsi nguLo Ruhama, ngobe angiseyiwuphindze ngiyihawukele indlu yaka-Israyeli, lokwekutsi ngingaze vele ngibatsetselele.

Hoseya 1:9

Simakadze wase utsi: “Lendvodzana yetse libito utsi nguLo Ami, ngobe anisiso sive sami, nami futsi angisiye Nkulunkulu wenu.”

Hoseya 12:11

Gileyadi ukhohlakele yini? Bantfu bakhe akusibantfu balutfo! Bayayenta imihlatjelo yetinkunzi eGilgali, ngako-ke emalati abo ayawufanana netincumbi tematje lasensimini lelinyiwe.

Hoseya 12:2

Simakadze ubeka Juda licala, utawujezisa Jakobe njengekwetindlela takhe, amkhokhele ngangekwemisebenti yakhe.

Hoseya 3:4

Ngako ema-Israyeli asetawuhlala emalanga lamanyenti angenambusi, angenankhosi, angenamhlatjelo nome ematje langcwele, angenasidziya sebaphristi nome sithico.

Hoseya 4:15

“Awu Israyeli, nome sewuphinga kangaka nje, ningamenti Juda abe nelicala naye. “Ningayi eGilgali; ningayi eBhethi Aveni. Ningafungi futsi nitsi: ‘Kuphila kwaSimakadze!’

Hoseya 4:9

Kuyawuba nje: Bantfu bayawufanana nebaphristi. Ngiyawubajezisa bobabili ngetindlela tabo, ngibakhokhele ngaloko lokubi labakwentile.”

Hoseya 7:2

kodvwa ababoni kutsi ngitikhumbula tonkhe tento tabo letimbi. Tono tabo tiyabagabudzela, tisembikwami ngaso sonkhe sikhatsi.”

Hoseya 9:17

Nkulunkulu wami uyawubala, ngobe abakamlaleli yena; bayawuba ngimizulane emkhatsini wetive.

Hoseya 9:3

Bangeke basale eveni laSimakadze; Efrayimu uyawubuyela eGibhithe, adle kudla lokungcolile e-Asiriya.

Levithikusi 26:30

Ngiyawubhidlita tindzawo tenu tekukhontela, ngidzilite nemalati enu etimphepho, tidvumbu tenu ngitibutsisele ndzawonye etikwetithico tenu letite imphilo naletiwile; umphefumulo wami uyawunicansukela.

Amose 4:4

Simakadze utsi: “Sive saka-Israyeli, hambani niye eBetheli, indzawo lengcwele, niyekona, nichubeke niye eGilgali, nandzise khona tono tenu, njengobe nitsandza kwenta. Onkhe emalanga ekuseni niletse imihlatjelo yenu, bese kutsi kanye ngeminyaka lemitsatfu niletse kwelishumi kwenu.

Amose 5:27

ngitanenta nitfunjelwe ngesheya kweDamaseko,” usho njalo-ke Simakadze, lolibito lakhe linguNkulunkulu longuSomandla.

Amose 5:5

Ningangifuni eBetheli, ningayi naseGilgali, ningayi ngisho naseBherisheba. Ngobe iGilgali ngempela itawudzingiswa, kutsi iBetheli incishiswe ize ibe lite.”

Mikha 3:11

Babusi balamadolobha bawabusa ngekudizelwa, kanjalo nebaphristi bayatsengwa kuze bachaze bahumushe nemtsetfo, nebaphrofethi imibono netembulo tabo batichaza ngekudizelwa; noko basajinge bachoshe ngekutsi Simakadze unabo, batsi: “Kute lokutasehlela, ngobe Simakadze unatsi.”

Mikha 6:5

Sive sami, khumbulani inkhosi Bhalaki waseMowabi kutsi abefuna kwentani kini; nikhumbule nekutsi Bhalamu, umsa waBheyori, wamphendvula kanjani. Khumbulani konkhe lokwanehlela endleleni nisuka emathendeni aseShithimu niya eGilgali. Khumbulani yonkhe imisebenti yaSimakadze, khona-ke nitabe seniyabona kutsi ngatihlupha kanganani kuze nginisindzise.”

Zefaniya 3:3

Tiphatsimandla talo tingemabhubesi labhodlako, tikhulu talo titimphisi takusihlwa, letingashiyi lutfo lwangakusasa ekuseni.

Zakhariya 11:8

Nganyanga yinye ngesusa labelusi labatsatfu. Umhlambi wangenyanya, nami ngadzinwa nguwo,

Imisebenti yebaPhostoli 4:27

“Nembala kulelidolobha Herodi naPhontiyuse Philatu bahlangana ndzawonye nebetive, nebaka-Israyeli baphambana naJesu, Sisebenti sakho lesiNgcwele, lowasenta kutsi sibe nguKhristu.

Imisebenti yebaPhostoli 5:21

Baphostoli balalela, ekuseni ngeluvivi bangena ethempelini bafundzisa. UmPhristi Lomkhulu nabo bonkhe labenabo babita tonkhe tibondza temaJuda kutsi kube nemhlangano weLiqoqo; batfumela kutsi kulandvwe baphostoli baletfwe embikwabo.

Joshuwa 10:43

Joshuwa wabe sewuyancandzeka-ke kanye nawo onkhe ema-Israyeli, babuyela enkambu leyayiseGilgali.

1 Samuweli 7:16

Njalo nje ngemnyaka abehamba ajikelete kusukela eBetheli kuye eGilgali naseMispa, ahamba ehlulela ema-Israyeli kuto tonkhe leto tindzawo.