Hoseya 9:12 - Siswati 1996 Bible

¹² Nome ngabe bakhulisa bantfwana babo, ngiyawubemuka bona kungasali muntfu. Maye kubo, mhlazane ngibafulatsela.

Hoseya 9:12 Referencias Cruzadas

2 Emakhosi 17:18

Simakadze wase uyabatfukutselela baka-Israyeli, wabesusa ebukhoneni bakhe, kwasala kuphela sive sakaJuda;

2 Emakhosi 17:23

waze wabesusa Simakadze ebukhoneni bakhe, njengobe abevele abecwayisile ngato tonkhe tinceku takhe baphrofethi. Ngako-ke bantfu baka-Israyeli batsatfwa emitini yabo naseveni labo, bayiswa ekutfunjweni e-Asiriya; basesekhona lapho nalamhlanje.

Jobe 27:14

Nome bantfwabakhe bangaba banyenti, noko bayawuphelela enkembeni, netitukulwane takhe tingeke tibe nekudla lokwenele.

Jeremiya 15:7

Ngiyakubahlunga ngemfologo yekuhlenga ngasemasangweni emadolobha elive. Ngitawuletsa sifo nembhubhiso esiveni sami, ngobe abakatiguculi tindlela tabo.

Jeremiya 6:8

Tsatsa seluleko, wena Jerusalema, nome-ke ngitakufulatsela nawungasitsatsi, live lakho ngilente lisale lilihlane, khona kutebate umuntfu lohlala kulo.”

Sililo 2:20

“Buka, Simakadze, unakisise. Ngubani nje lowake wamphatsa ngalendlela? Kufanele yini bafati badle batukulu babo, bantfwana lababongile babakhulisa? Baphrofethi nebaphristi kufanele yini babulawe bafele endlini lengcwele yaSimakadze?

Sililo 2:22

“Wabutsisa tesabiso tami ndzawo tonkhe, kwaba shangatsi umemela bantfu edzilini. Ngelilanga lentfukutselo yaSimakadze kute namunye lowaphunyula nalowasindza. Titsa tami tibashaye tabacotfula labo lengangibongile ngabanakekela.”

Hoseya 7:13

Maye kubo! Ngobe besukile kimi! Imbhubhiso kubo! Ngobe bangihlubukile bemelana nami! Ngifisa kangaka kubahlenga, kodvwa bakhuluma emanga ngami.

Hoseya 9:13

Efrayimu ngimbonile, njengeThire, ahlanyelwe endzaweni lenhle. Kodvwa Efrayimu uyawukhipha bantfwana bakhe, abayise kumbulali.”

Hoseya 9:16

Efrayimu uhushekile, imphandze yakhe ibunile, akasatseli titselo. Ngisho nome bangatala bantfwana, ngiyakuyibulala leyo mbewu yabo labayitsandzako.”

Malakhi 2:12

Umuntfu lowenta loko, nome ngabe ngubani, shangatsi Simakadze angamsusa emathendeni akaJakobe, lite nome ngabe uyayiletsa iminikelo kuSimakadze longuSomandla.

Numeri 14:34

Niyawuhlupheka kuze kuphele iminyaka lengema-40 ngenca yetono tenu, umnyaka umele lilanga linye lalawo langema-40, lenawacitsa nihlolisisa lelive, kuze nati kahle kutsi kuyini kumelana kwenu nami.’

Numeri 26:65

Kungobe Simakadze abetjele ema-Israyeli kutsi nakanjani atawufela ehlane, ngako kwabate nome munye lowasala ngaphandle kwaboKhalebi, umsa waJefune, naJoshuwa, umsa waNuni.

Dutheronomi 28:18

“Intalo yesisu sakho iyawucalekiswa, nesivuno selive lakho, nemankhonyane emihlambi yetinkhomo takho, nemazinyane emihlambini yetinkhomo takho, nemazinyane emihlambini yetimvu takho.

Dutheronomi 28:32

Emadvodzana nemadvodzakati enu ayawutsatfwa aniketelwe kuletinye tive, nine niyawugugelwa ngemehlo solomane niwagolotele imihla ngemihla, ningasenamandla ngisho newekuphakamisa sandla.

Dutheronomi 31:17

Ngalelo langa ngiyawubatfukutselela ngibashiye. Ngiyawubafihlela buso bami, bayawubhubha. Bayawukwehlelwa tigemegeme netinhlupho letinyenti, ngalelo langa bayawutibuta batsi: ‘Letigemegeme atikasehleli ngobe Nkulunkulu angasekho kitsi yini?’

Dutheronomi 32:25

Esitaladini inkemba iyawubenta babe ngulabangenabantfwana. Emakhaya abo kuyawubusa luvalo. Emajaha netintfombi kuyawubhubha, emakhehla netinswane kuphele.

Tikhulu 4:16

Kodvwa Bharaki wacosha tincola kanye nayo yonkhe imphi, waze wayawufika eHaroshethi Hagoyimu. Onkhe emabutfo aSisera awa ngelusiko lwenkemba, kwabate ngisho namunye lowaphunyuka.

1 Samuweli 16:14

Moya waSimakadze abesasukile kuSawula, umoya lomubi lowavela kuSimakadze wamkhatsata.