Hoseya 9:1 - Siswati 1996 Bible

¹ Awu, Israyeli, ungajabuli; ungatsakasi njengaletinye tive. Ngobe nine aniketsembeki kuNkulunkulu wenu. Nitsandza inkhokhelo yebugwadla bekukhonta tithico; nifuna kukhokhelwa kuwo onkhe emabala ekubhulela kolo.

Hoseya 9:1 Referencias Cruzadas

Tihlabelelo 73:27

Ngobe labakhashane nawe bayawubhubha, ubacitsa ubacedze labahlubuka kuwe ngekona.

Isaya 17:11

nome ngalelo langa lotihlanyela ngalo uvele utente tikhule, kutsi ekuseni nawutihlanyela utente tihlume, noko sivuno sato siyawufanana nelite ngelilanga lesifo neletinhlungu letingelapheki.

Jeremiya 2:19

Bubi benu butanijezisa, nekuhlubuka kwenu kutanitsetsisa. Cabangani-ke nibukisise kahle kutsi kubi kangakanani nekutsi kunibabela kangakanani, nanishiya Simakadze Nkulunkulu wenu, ningangesabi mine,” kusho Simakadze, Simakadze longuSomandla.

Jeremiya 2:20

“Lijoko lakho walephula, lokwa kadzeni, watidzabula tibopho takho, watsi: ‘Ngingeke ngikukhonte!’ Ngempela, kuwo onkhe emagcuma laphakeme nangaphansi kwato tonkhe tihlahla letendlala emagala ato, walala phansi, walala njengengwababane.

Jeremiya 44:17

Nakanjani sitawukwenta konkhe lesitsite sitakwenta: Sitawutfuncisela imphepho kuyo iNkhosikati yeLizulu, sitfululele iminikelo yesinatfo kuyo, njengobe tsine nabobabe, nemakhosi etfu, netiphatsimandla tetfu tatenta emadolobheni akaJuda nasetitaladini taseJerusalema. Ngaleso sikhatsi sasinekudla lokunyenti kakhulu, sime kahle, singahlushwa lutfo.

Sililo 4:21

Awu, Ndvodzakati yase-Edomu, jabula utsakase, wena lohlala eveni lase-Usi. Kodvwa nakuwe itakwendluliselwa lendzebe, uyawudzakwa uhlutjulwe ube ngcunu.

Hezekeli 16:15

“ ‘Kodvwa wena wesuke wase wetsembela kulobuhle bakho, lelidvumela lakho lakwenta waba yingwababane. Watfululela konkhe kukhanuka kwakho kunome ngubani labendlula ngendlela, buhle bakho baba bake.

Hezekeli 16:30

“ ‘Maye, ulihatsa bo, kusho iNkhosi Simakadze, nase wenta tonkhe letintfo, uyaye ulingise ingwadla lengatibambi ledle lubangalala!

Hezekeli 20:32

“ ‘Nikhuluma nitsi: “Sifuna kuba njengaletinye tive natsi, sibe njengetive temhlaba letikhonta tigodvo nematje.” Kodvwa loko leninako engcondvweni kungeke kuze kwenteke.’ ”

Hezekeli 21:10

ilolelwe kugwaza, ilolongwe kuze imanyatele njengembane! “ ‘Singajabula yini? Wena, ndvodzana yami uludzelele luswati nato tonkhe teluleko.

Hoseya 10:5

Bantfu labahlala eSamariya bayalesabela, lelitfole lelisithico saseBhethi Aveni. Bantfu balo bayawulililela, kanjalo nebaphristi balo labalikhontako, labo lababetsakasele inkhatimulo yalo yegolide, bayawulililela ngobe itsatfwe kubo yayiswa ekutfunjweni.

Hoseya 2:12

Ngiyawuhliphita imivini yakhe nemikhwa yakhe, latsi: ‘Lena yinkhokhelo yami lenginikwe ngemashende ami;’ ngiyawukwenta kube lihlatsi leliminyene, tilwane tesiganga tikushwabudzele.

Hoseya 4:12

kwebantfu bami. Indlela bayibuta etithicweni tetigodvo, baphendvulwe yindvuku yelugodvo. Umoya webugwadla uyabedukisa; abaketsembeki kuNkulunkulu wabo.

Hoseya 5:4

“Tento tabo atibavumeli kutsi babuyele kuNkulunkulu wabo. Umoya webugwadla usetinhlitiyweni tabo, abamhloniphi Simakadze.

Hoseya 5:7

Abaketsembeki kuSimakadze; batala emavezandlebe. Manje emadzili abo ekwetfwasa kwenyanga atawubamita bona kanye nemasimi abo.”

Amose 3:2

“Ngini kuphela lenginikhetsile emkhatsini wato tonkhe tive temhlaba; ngako-ke ngitanijezisa ngenca yato tonkhe tono tenu.”

Amose 4:5

Shisani sinkhwa senu lesinemvubelo kube ngumnikelo wekubonga, tigabatiseni ngeminikelo yenu yesihle. Gungubalani ngayo, nine ma-Israyeli, ngobe nguko loko lenitsandza kukwenta.

Amose 6:13

nine lenijabulela kwehlulwa kweLo Dabari bese nitsi: “Asiyitsatsanga yini iKhanayimu ngemandla etfu?”

Amose 8:10

Emadzili enu enkholo ngiyakuwagucula abe sililo, nako konkhe kuhlabela kwenu kube kukhala. Ngiyawunenta nonkhe nembatse emasaka, nihhule tinhloko tenu. Leso sikhatsi ngiyawusenta sifanane nesekulilela indvodzana letelwe yodvwa kabo. Lelo langa liyawugcina kabuhlungu kakhulu.”

YaJakobe 4:16

Kepha manje niyatibonga ngekutigabatisa kwenu. Konkhe kutigabatisa lokunjalo kubi.

YaJakobe 5:1

Nine-ke tinjinga, lalelani emavi ami. Khalani, nilile ngenca yetinhlupheko letitawunehlela.