Hoseya 8:13 - Siswati 1996 Bible

¹³ Banikela ngemihlatjelo lenikwe mine, bese badla lenyama, kodvwa Simakadze akajabuli ngayo. Manje sewutabukhumbula bubi babo, abajezisele tono tabo: Bayawubuyela eGibhithe.

Hoseya 8:13 Referencias Cruzadas

Eksodusi 20:3

“Ungabi nalomunye nkulunkulu ngaphandle kwami.

Eksodusi 32:34

Hamba-ke uyewuhola labantfu ubayise kulendzawo lengikhulume ngayo kuwe, ingilosi yami itawuhamba embikwakho. Kodvwa siyeta sikhatsi lapho ngitawubajezisa ngenca yekona kwabo.”

Taga 21:27

Imihlatjelo lenikelwa bantfu lababi isinengiso, ikakhulu nayinikelwe ngetinjongo letimbi.

Isaya 1:11

Simakadze utsi: “Lemihlatjelo yenu leminyenti iyini lapha kimi? Sengesutsi ngiminikelo yekushiswa yetihhanca neyemanoni etifuyo letikhuluphalisiwe, futsi angijatjuliswa yingati yetinkunzi, neyemazinyane etimvu neyetiphongo.

Jeremiya 14:10

Naku lokushiwo nguSimakadze ngalesive, utsi: “Bakutsandza kakhulu kuzulazula; abatibambi tinyawo tabo. Ngako Simakadze akabemukeli, nyalo sewutabukhumbula nebubi babo, abajezisele tono tabo.”

Jeremiya 6:20

Nginandzabani mine nemphepho yaseSheba, nome-ke nemakha ekhalamusi lanongotelako laphuma eveni lelikhashane? Iminikelo yenu yekushiswa ayikemukeleki kimi, nemihlatjelo yenu ayingijabulisi.”

Hezekeli 29:16

IGibhithe ingeke isaba ngumtfombo wemandla esibindzi kubantfu baka-Israyeli, kodvwa iyawuba sikhumbuto sesono sabo, nabajikela kuyo bacela lusito. Ngulapho-ke bayawukwati khona kutsi mine ngiyiNkhosi Simakadze.’ ”

Hoseya 11:5

“Bangeke yini babuyele eGibhithe, yona i-Asiriya ingeke yini ibuse etikwabo, njengobe naku bayala kuphendvuka?

Hoseya 12:11

Gileyadi ukhohlakele yini? Bantfu bakhe akusibantfu balutfo! Bayayenta imihlatjelo yetinkunzi eGilgali, ngako-ke emalati abo ayawufanana netincumbi tematje lasensimini lelinyiwe.

Hoseya 4:9

Kuyawuba nje: Bantfu bayawufanana nebaphristi. Ngiyawubajezisa bobabili ngetindlela tabo, ngibakhokhele ngaloko lokubi labakwentile.”

Hoseya 5:6

Nabahamba nemihlambi yabo yetimvu netimbuti kanye nemihlambi yetinkhomo kuyawufuna Simakadze, bangeke bamtfole; sewutisusile kubo.

Hoseya 6:6

Ngobe ngifuna sihawu, hhayi umhlatjelo, ngifuna nekumati Nkulunkulu kuneminikelo yekushiswa.

Hoseya 7:11

“Efrayimu ufanana nelituba, usheshe ayengeke, akanangcondvo. Bacela lusito eGibhithe, baze babalekele e-Asiriya!

Hoseya 7:16

Abagucukeli kuLongetulu Kwako Konkhe; bafanana nebutjoki lobungakacini. Baholi babo bayawubulawa ngenkemba ngenca yemagama abo langenanhlonipho. Ngenca yaloko bayawuba luhleko nelihlazo eveni laseGibhithe.”

Hoseya 7:2

kodvwa ababoni kutsi ngitikhumbula tonkhe tento tabo letimbi. Tono tabo tiyabagabudzela, tisembikwami ngaso sonkhe sikhatsi.”

Hoseya 9:6

Ngisho nome bangaphunyula ekubhujisweni, iGibhithe iyawubabutsela ndzawonye, iMemfisi ibangcwabe. Emagugu abo esiliva ayawumbonywa ngumena wetinchachabutane, nemanyeva ayawumbonya emathende abo.

Hoseya 9:7

Emalanga esijeziso ayeta, yebo emalanga emphindziselo asasondzele, Israyeli kufanele akwati loko. Njengobe tono tenu titinyenti kangaka nebutsa benu bubukhulu kangaka, umphrofethi sewutsatfwa njengesilima, umuntfu wesembulo atsatfwe njengeluhlanya.

Hoseya 9:9

Bonakele ngalokujulile njengasetikhatsini taseGibeya. Nkulunkulu uyawubukhumbula bubi babo, abajezisele tono tabo.

Amose 3:2

“Ngini kuphela lenginikhetsile emkhatsini wato tonkhe tive temhlaba; ngako-ke ngitanijezisa ngenca yato tonkhe tono tenu.”

Amose 5:22

Ngisho nome ningangiletsela imihlatjelo yekushiswa kanye neminikelo yalokutinhlavu, ngingeke ngiyemukele. Ngisho nome ningaletsa iminikelo yebudlelwane yelikhetselo, ngingeke ngiyinake.

Amose 8:7

Simakadze loludvumo lwaka-Israyeli utifunge yena, watsi: “Ngingeke ngikukhohlwe nakunye kwalabakwentile.

Lukha 12:2

Konkhe lokumbonyiwe kuyawugwatjulwa, yonkhe imfihlo iyakwatiwa.

1 kubaseKorinthe 11:20

Nanibutsana ndzawonye, akusiko kudla Sidlo seNkhosi loko.

1 kubaseKorinthe 11:29

Ngobe lodlako anatse, utidlela atinatsele yena licala lekwehlulelwa, nangabe angawehlukanisi umtimba weNkhosi.

1 kubaseKorinthe 4:5

Ngako-ke ningacali kwehlulela lutfo sikhatsi singakefiki, neNkhosi ingakefiki. Ngiyo leyawuveta ekukhanyeni lokufihlakele ebumnyameni, ivete ebaleni imicabango yetinhlitiyo. Lapho-ke ngulowo nalowo muntfu uyawutfola kubongwa lokuvela kuNkulunkulu.

Dutheronomi 28:68

Simakadze uyawunincandzekisa ngemikhumbi nibuyele eGibhithe, ngendlela lengangetsembise kutsi ningeke niphindze nibuyele ngayo. Lapho-ke niyawutinikela nine matfupha kutsi nibe yindali etitseni tenu kutsi tinitsenge nibe tigcili netigcilikati tato, kodvwa kute loyawunitsenga.”

Sembulo 16:19

Lidolobha lelikhulu lajubeka laba tincamu letintsatfu, nemadolobha etive abhidlika. Nkulunkulu wayikhumbula iBhabhulona lenkhulu, wayinatsisa endzebeni yentfukutselo yakhe.

1 Samuweli 15:22

Samuweli wakhuluma watsi: “Simakadze uyajatjuliswa yini ngiminikelo yekushiswa nemihlatjelo kunekulalelwa kwelivi laSimakadze? Kulalela kuncono kunemhlatjelo, kucaphela nekunaka kuncono kunemanoni etihhanca.