Hoseya 7:2 - Siswati 1996 Bible

² kodvwa ababoni kutsi ngitikhumbula tonkhe tento tabo letimbi. Tono tabo tiyabagabudzela, tisembikwami ngaso sonkhe sikhatsi.”

Hoseya 7:2 Referencias Cruzadas

Jobe 34:21

“Emehlo akhe abuka kuhamba kwemuntfu njalo, ubona tonkhe tinyatselo takhe.

Tihlabelelo 10:11

Lomubi ucabanga enhlitiyweni yakhe utsi: “Nkulunkulu akanendzaba, akanaki, angeke abuke ngakimi kuze kube phakadze naphakadze.”

Tihlabelelo 25:7

Ungatikhumbuli tono tami, netiphambuko tebusha bami, kodvwa ngikhumbule ngekwemusa wakho, Simakadze, ngikhumbule ngekulunga kwakho.

Tihlabelelo 50:22

“Caphelani loku nine lenedzelela Nkulunkulu, funa nginiklebhuklebhule, kubete nalongahle aniphephise.

Tihlabelelo 9:16

Simakadze sewutibonakalisile, wakhipha sigwebo sakhe, lababi babanjwa ngumsebenti wetandla tabo. Cabanga.

Tihlabelelo 90:8

Bubi betfu busembikwakho, tono tetfu letifihlakele tisekukhanyeni kwebuso bakho.

Isaya 1:3

Inkhabi iyamati umniyo, nembongolo sibaya semniyo, kodvwa Israyeli akati lutfo, sive sami asicondzi.”

Isaya 26:16

Simakadze, beta kuwe ekudzabukeni kwabo, ngesikhatsi ubajezisa babehluleka ngisho nekuhebeta umkhuleko.

Isaya 44:19

Kute loke eme, acabangisise. Kute namunye lonelwati; kute nalonekucondza lotsi: “Incenye yalolukhuni ngiyibasile, ngidzimate ngapheka nesinkhwa kulamalahle alo, ngose inyama, ngayidla. Pho, ngingayenta yini intfo lesinengiso ngalolukhuni lolusele? Ngingasikhotsamela yini lesizemuzemu selugodvo?”

Isaya 5:12

Banemahabhu nemalire emadzilini abo, nemafahlawane nemintjingozi kanye neliwayini, kodvwa abatinaki tento taSimakadze, abayiboni imisebenti yetandla takhe.

Jeremiya 14:10

Naku lokushiwo nguSimakadze ngalesive, utsi: “Bakutsandza kakhulu kuzulazula; abatibambi tinyawo tabo. Ngako Simakadze akabemukeli, nyalo sewutabukhumbula nebubi babo, abajezisele tono tabo.”

Jeremiya 16:17

“Emehlo ami asetikwato tonkhe tindlela tabo, atikafihlakali kimi, nesono sabo asikasitsakali emehlweni ami.

Jeremiya 17:1

“Sono saJuda sicoshwe ngelutsi lwensimbi, sabhalwa ngesihloko sedayimane etibhebheni tetinhlitiyo tabo nasetimphondvweni temalati abo.

Jeremiya 2:19

Bubi benu butanijezisa, nekuhlubuka kwenu kutanitsetsisa. Cabangani-ke nibukisise kahle kutsi kubi kangakanani nekutsi kunibabela kangakanani, nanishiya Simakadze Nkulunkulu wenu, ningangesabi mine,” kusho Simakadze, Simakadze longuSomandla.

Jeremiya 32:19

imigomo yakho mikhulu, yebo, nemisebenti yakho inemandla. Emehlo akho avulekile kuto tonkhe tindlela tebantfu; ngulowo nalowo umnika umvuzo wakhe ngangekutiphatsa kwakhe nangalokufanele imisebenti yakhe.

Jeremiya 4:18

“Kutiphatsa kwakho netento takho, nguko lokwehlisele loku etikwakho. Lesi sijeziso sakho. Maye, kubuhlungu bo! Maye, kuyayihlaba inhlitiyo bo!”

Jeremiya 44:21

“Simakadze akayikhumbulanga yini wayicabanga imphepho leyayitfunciswa emadolobheni akaJuda nasetitaladini taseJerusalema, itfunciswa ngini naboyihlo nemakhosi enu, netiphatsimandla tenu, kanye nebantfu balelive?

Hezekeli 21:29

Lite nome sekunemibono leyinkhohliso ngawe nekubhula lokungemanga ngawe, iyawubekwa etintsanyeni talababi lekufanele babulawe, labalilanga labo lekuphela selifikile, nalabasikhatsi sabo sekujeziswa sesifikile.

Hoseya 12:2

Simakadze ubeka Juda licala, utawujezisa Jakobe njengekwetindlela takhe, amkhokhele ngangekwemisebenti yakhe.

Hoseya 4:9

Kuyawuba nje: Bantfu bayawufanana nebaphristi. Ngiyawubajezisa bobabili ngetindlela tabo, ngibakhokhele ngaloko lokubi labakwentile.”

Hoseya 6:2

Emvakwemalanga lamabili utasiphilisa, ngelilanga lesitsatfu utasivusa, khona sitewuphila ebukhoneni bakhe.

Hoseya 8:13

Banikela ngemihlatjelo lenikwe mine, bese badla lenyama, kodvwa Simakadze akajabuli ngayo. Manje sewutabukhumbula bubi babo, abajezisele tono tabo: Bayawubuyela eGibhithe.

Hoseya 9:15

“Ngenca yabo bonkhe baseGilgali ngabazonda khona lapho. Ngenca yetono tabo labatentile, ngitabacosha lapha endlini yami. Ngingeke ngiphindze ngibatsandze; bonkhe baholi babo bayangihlubuka.

Hoseya 9:9

Bonakele ngalokujulile njengasetikhatsini taseGibeya. Nkulunkulu uyawubukhumbula bubi babo, abajezisele tono tabo.

Amose 8:7

Simakadze loludvumo lwaka-Israyeli utifunge yena, watsi: “Ngingeke ngikukhohlwe nakunye kwalabakwentile.

Jona 1:2

“Hamba uye eNineve, lidolobha lelikhulukati, ufike umemetele kubantfu balo utsi bubi babo sebenyukele kimi.”

Numeri 32:23

Kodvwa naningakwenti loko, niyona kuSimakadze, futsi-ke nibociniseka-ke kutsi salakutjelwa sibona ngemopho.

Lukha 12:2

Konkhe lokumbonyiwe kuyawugwatjulwa, yonkhe imfihlo iyakwatiwa.

1 kubaseKorinthe 4:5

Ngako-ke ningacali kwehlulela lutfo sikhatsi singakefiki, neNkhosi ingakefiki. Ngiyo leyawuveta ekukhanyeni lokufihlakele ebumnyameni, ivete ebaleni imicabango yetinhlitiyo. Lapho-ke ngulowo nalowo muntfu uyawutfola kubongwa lokuvela kuNkulunkulu.

Dutheronomi 32:29

Kube mane bebangahlakanipha, bakucondze loku, bakhanyelwe kutsi siphetfo sabo sitakuba yini!

KumaHebheru 4:13

Kute sidalwa lesifihlakele kuNkulunkulu, kodvwa konkhe kusebaleni kwembuliwe emehlweni alowo lekufanele sitilandze kuye.