Hoseya 7:10 - Siswati 1996 Bible

¹⁰ Kutigcabha kwa-Israyeli kubufakazi lobumelene naye, kodvwa etikwako konkhe loko akabuyeli kuSimakadze Nkulunkulu wakhe, nome-ke amfune.

Hoseya 7:10 Referencias Cruzadas

Tihlabelelo 10:4

Lomubi uyatigabatisa, akanaki lutfo, emicabangweni yakhe yonkhe, utsi: “Kute Nkulunkulu.”

Tihlabelelo 14:2

Simakadze utsi asezulwini abe abuka bonkhe bantfu, kuze atewubona kutsi ukhona yini umuntfu lohlakaniphile, nome munye nje, lofuna Nkulunkulu.

Tihlabelelo 53:2

Nkulunkulu utsi asezulwini abe abuka bonkhe bantfu, kuze atewubona kutsi ukhona yini umuntfu lohlakaniphile, nome munye nje, lofuna Nkulunkulu.

Taga 27:22

Nome silima ungasigaya etjeni lekusila sibe yimphuphu nome inhlama, kodvwa bulima baso ungeke ubukhiphe kuso.

Isaya 9:12

EmaSiriya ngasemphumalanga nemaFilisti ngasenshonalanga, asakhamisele kushwabudzela ema-Israyeli. Noko ngako konkhe loku lulaka lwakhe alukagucuki; sandla sakhe sisephakeme.

Isaya 9:13

Kodvwa bantfu abakaphendvukeli kuye lowo lowabashaya, futsi abakamfunisisi Simakadze longuSomandla.

Jeremiya 3:3

Ngako-ke imvula yabanjwa langete lana, kwabate nembodlisamahlanga. Noko waba nelibunti lelomile lebugwababane, wangete wadliwa nangemahloni ngaloko.

Hoseya 13:14

“Ngiyawubahlawulela yini emandleni elithuna ngibahlenge ekufeni? Ye Kufa, tiphi tifo takho letibulalanako? Ye Thuna, kuphi kubhubhisa kwakho? “Ngiyawubate sihawu.

Hoseya 5:5

Kutigcabha kwema-Israyeli kubufakazi lobumelene nawo; ema-Israyeli, ngisho na-Efrayimu, bayakhubateka esonweni sabo; ngisho naJuda ukhubateka kanye nabo.

Hoseya 6:1

“Wotani, asibuyele kuSimakadze. Sewusidzabule saba ticucu, kodvwa uyawusiphilisa; usilimatile, kodvwa uyakuwabopha emanceba etfu.

Hoseya 7:7

Bonkhe bashisa njengelihhavu, bashwabudzela babusi babo. Onkhe emakhosi abo ayawa, kute namunye emkhatsini wabo locela lusito kimi.”

Zefaniya 1:6

nalabo lase bancandzekile bakuyekela kulandzela Simakadze bangete bamfuna Simakadze bangabuti nekubuta kuye.

Zakhariya 1:4

Ningafanani nabokhokho benu, lekwatsi baphrofethi bakucala nabakhuluma kubo, batsi: Naku lokushiwo nguSimakadze longuSomandla, utsi: ‘Phendvukani etindleleni tenu letimbi nakulokubi lenikwentako.’ Kodvwa abazange bangilalele, futsi abanginakanga nekunginaka, kusho Simakadze.

KubaseRoma 3:11

kute ngisho namunye locondzisisako, kute lofuna Nkulunkulu.