Hoseya 5:15 - Siswati 1996 Bible

¹⁵ Ngiyawube sengibuyela endzaweni yami, baze balivume licala labo. Bayawufuna buso bami; baseselusizini lwabo bayawungifunisisa.”

Hoseya 5:15 Referencias Cruzadas

Genesisi 42:21

Bakhuluma bodvwana batsi: “Ase nibheke-ke manje sesiyavuna ngalobubi lesabenta kumnaketfu Josefa. Satsi sesikubona kukhatsateka kwemphefumulo wakhe, nasincenga, satsalalisa sangete samlalela. Ngiko nje sesikulenhlupheko manje.”

2 Tikhronike 7:14

nangabe sive sami lesibitwa ngelibito lami, sititfoba sithandaze kimi, sifunisise intsandvo yami, siphendvuke etindleleni taso letimbi temonakalo, ngiyakuva ngisezulwini, ngitsetselele sono saso, ngiphilise live laso.

Jobe 33:27

Uyabe sewuya kubantfu, afike atsi: ‘Ngonile, ngagwegwisa loko lobekulungile, kodvwa angikakutfoli loko lebengikufanele.

Tihlabelelo 107:13

Base bakhala kuSimakadze basesekulolo lusizi lwabo, wabasindzisa kulo.

Tihlabelelo 107:19

Base bakhala kuSimakadze basesekulolo lusizi lwabo, wabasindzisa kulo.

Tihlabelelo 107:28

Base bakhala kuSimakadze basesekulolo lusizi lwabo, wabakhulula kulo.

Tihlabelelo 107:6

Base bakhala kuSimakadze basesekulolo lusizi lwabo, wabephula kulo.

Tihlabelelo 132:14

“Lena yindzawo yami yekuphumula, ngiyawuhlala kuyo phakadze naphakadze; lena yindzawo lengifuna kuyibusa.

Tihlabelelo 50:15

Khala kimi ngetikhatsi tekuhlupheka, ngiyawukukhulula, bese uyangidvumisa.”

Tihlabelelo 78:34

Ngesikhatsi ababhubhisa babetiletsa kuye, baphendvuke bafunisise Nkulunkulu.

Tihlabelelo 83:16

Yebo, Simakadze! Tsela buso babo ngelihlazo, badzimate balifune libito lakho.

Taga 8:17

Ngiyabatsandza laba labangitsandzako, nalabo labangifunisisako bayangitfola;

Isaya 18:4

Naku lokushiwo nguSimakadze kimi: ‘Ngitawuhlala nje ngithule, ngibuke nje ngisendzaweni yami yekuhlala, nakuphakama sivuvu ekushiseni kwelilanga, yebo, sivuvu sematolo lakhuntsisa sivuno.’

Isaya 26:16

Simakadze, beta kuwe ekudzabukeni kwabo, ngesikhatsi ubajezisa babehluleka ngisho nekuhebeta umkhuleko.

Isaya 26:21

Bukani, Simakadze uphumela ngephandle kwendzawo yakhe yekuhlala, utewujezisa tive temhlaba ngenca yetono tato. Umhlaba utawuveta ebaleni yonkhe ingati leyacitsekela kuwo, lababulewe kuwo ungeke usabafihla.

Isaya 26:9

Umphefumulo wami ulangatelela wena ebusuku; ekuseni umoya wami ulangatelela wena. Ngesikhatsi tehlulelo takho tehlela etikwemhlaba, tive temhlaba tifundza kulunga.

Jeremiya 2:27

Bakhuluma elugodvweni batsi: ‘Wena ungubabe wami,’ nasetjeni bakhulume batsi: ‘Wena wangitala.’ Bangifulatsele, bafihla buso babo kimi, kodvwa batsi nase bahluphekile bese batsi: ‘Kota utesisindzisa!’

Jeremiya 3:13

Intfo-nje, vuma licala lakho lekutsi umhlubukile Simakadze Nkulunkulu wakho, usakate kutsandza kwakho kubonkulunkulu betive ngaphansi kwato tonkhe tihlahla letendlala emagala ato, wangete wangilalela mine,’ ” kusho Simakadze.

Jeremiya 3:14

“Buyani, nine bantfu labangaketsembeki,” kusho Simakadze, “ngobe mine ngiyindvodza yenu. Ngiyawukhetsa munye wenu kuwo onkhe emadolobha enu, ngikhetse babili kuto tonkhe tinsendvo tenu, bese nginimikisa eSiyoni.

Sililo 3:40

Asihlolisise tindlela tetfu sitivivinye, bese sibuyela kuSimakadze.

Hezekeli 10:4

Inkhatimulo yaSimakadze yase iyesuka etikwemakherubhi, yehlela emnyango welithempeli. Lifu lagcwalisa lithempeli, nesibuya sagcwaliswa bukhatikhati benkhatimulo yaSimakadze.

Hezekeli 11:23

Inkhatimulo yaSimakadze yakhuphukela etulu isuka ngekhatsi kwalelidolobha, yema ngetulu kwentsaba lengasemphumalanga kwalo.

Hezekeli 20:43

Lapho-ke niyawukhumbula kutiphatsa kwenu nato tonke tento tenu lenatingcolisa ngato, nani niyawutenyanya ngabo bonkhe bubi lenibentile.

Hezekeli 36:31

Lapho-ke niyawutikhumbula tindlela tenu letimbi netento tenu letinengekako, niyawutenyanya ngenca yetono tenu nangetento tenu letinengekako.

Hezekeli 6:9

Kuyawutsi-ke etiveni lapho bebatfunjelwe khona, labo labaphunyulile bangikhumbule, kutsi ngeva buhlungu kanjani ngalokungihlubuka kwabo ngetinhlitiyo tabo, bakhonta labanye bonkulunkulu, besuka kimi, ngeva buhlungu nangemehlo abo labukeka akhanuka tithico tabo. Bayawutenyanya kwabona ngalobubi labayawube babentile, nangato tonkhe tintfo tabo letinengekako labatentako.

Hezekeli 8:6

Wase utsi kimi: “Ndvodzana yemuntfu, uyabona yini kutsi bentani, letintfo letinengeka kangaka letentiwa yindlu yaka-Israyeli lapha, tintfo letitangicoshela khashane kakhulu nendzawo yami lengcwele? Kodvwa usetawubona letinye tintfo letinengeka kakhulu kunaleti.”

Hoseya 3:5

Emvakwaloko ema-Israyeli ayawuphendvuka afune Simakadze, Nkulunkulu wawo, naDavide, inkhosi yawo. Bayawubuyela batitfobe kuSimakadze nakuto tibusiso taSimakadze ngemalanga ekugcina.

Hoseya 5:6

Nabahamba nemihlambi yabo yetimvu netimbuti kanye nemihlambi yetinkhomo kuyawufuna Simakadze, bangeke bamtfole; sewutisusile kubo.

Mikha 1:3

Simakadze usuka endzaweni yakhe lengcwele; utakwehla ahambe eticongweni tetintsaba.

Numeri 21:7

Bantfu beta kuMosi, bafike batsi: “Sonile ngekukhuluma kabi ngaSimakadze nangawe. Thandaza kuSimakadze kutsi esuse letinyoka lapha kitsi.” Ngako-ke Mosi wabathandazela labantfu.

Lukha 13:25

“Umnikati wendlu nasekasukumile wavala umnyango, niyakuma ngephandle ninconcotse nitsi: ‘Nkhosi, sivulele umnyango!’ Uyakuniphendvula atsi: ‘Anginati lapho niphuma khona!’

Tikhulu 4:3

Jabini abenetincola tensimbi letatingema-900; wabusa sive sema-Israyeli ngelulaka nangesihluku iminyaka lengema-20. Ema-Israyeli akhala acela lusito kuSimakadze.