Hoseya 5:13 - Siswati 1996 Bible

¹³ “Watsi kube Efrayimu abone kugula kwakhe, naJuda abone emanceba akhe, Efrayimu wase ugucukela e-Asiriya, watfumela enkhosini lenkhulu kuyawucela lusito. Kodvwa iyehluleka kunelapha, iyehluleka kupholisa emanceba enu.

Hoseya 5:13 Referencias Cruzadas

2 Emakhosi 15:19

Thiglathi Phileseri, inkhosi yase-Asiriya, wahlasela lelive, Menahemu wamnika emakhilogremu labengaba ti-34 000 esiliva, atincengela kutsi amsimise embusweni wakhe.

2 Emakhosi 15:29

Ngesikhatsi saPhekha, inkhosi yaka-Israyeli, Thiglathi Phileseri, inkhosi yase Asiriya, yefika yatfumba i-Ijoni, ne-Abela Bhethi Makha, neJanowa, neKhedeshi kanye neHasori. Watfumba iGileyadi, neGalile, nalo lonkhe live lakaNaftali, bantfu wabatfumba wabayisa e-Asiriya.

2 Emakhosi 16:7

Ahazi watfumela tigijimi kuyawutjela Thiglathi Phileseri, inkhosi yase-Asiriya, watsi: “Ngiyinceku lesisebenti sakho. Khuphuka utengephula etandleni tenkhosi yaseSiriya nasenkhosini yaka-Israyeli, naba bangihlasela.”

Isaya 3:7

Kodvwa ngalelo langa uyawukhala atsi: “Ngeke ngibe ngumphilisi! Ngite kudla nekwekwembatsa endlini yami; ungangenti umholi wesive.”

Jeremiya 30:12

“Naku lokushiwo nguSimakadze, utsi: “ ‘Linceba lakho alelapheki, yebo, silondza sakho sesingale kwekuphola.

Hezekeli 23:5

“Ohola wangenela bugwababane asewami; wakhanuka emashende akhe, ema-Asiriya, lekwakutihlabani

Hoseya 10:6

Nalo lelitfole liyakwetfwalwa liyiswe e-Asiriya, liyewuba setfulo enkhosini lenkhulu. Efrayimu uyawuhlazeka; Israyeli uyawuba nemahloni ngetithico takhe tetigodvo.

Hoseya 12:1

Efrayimu utondla ngemoya, ucoshana nemoya wasemphumalanga lonkhe lilanga, wandzise emanga nebudlova. Wakha sivumelwane ne-Asiriya, atfumele emafutsa emncumo eGibhithe.

Hoseya 14:3

I-Asiriya ngeke isisindzise; singeke siwagibele emahhashi emphi. Singeke siphindze sisho futsi, sitsi: ‘Bonkulunkulu betfu’ kuloko lokwakhiwa tandla tetfu, ngobe kuwe wena wedvwa tintsandzane letite boyise titfola sihawu.”

Hoseya 2:7

Uyawucoshana nemashende akhe, kodvwa ngeke awakhandze; uyakuwafuna, kodvwa angeke awatfole. Uyawube sewutsi: ‘Ngitawuncandzeka ngibuyele endvodzeni yami yakucala, ngobe ngaleso sikhatsi bekukuhle kakhulu kimi kunanyalo.’

Hoseya 7:11

“Efrayimu ufanana nelituba, usheshe ayengeke, akanangcondvo. Bacela lusito eGibhithe, baze babalekele e-Asiriya!

Hoseya 8:9

Ngobe sebakhuphukele e-Asiriya kuyawufuna lusito njengembongolo yesiganga lezulazula yodvwana. Efrayimu sewutitsengise yena emashendeni akhe.

Mikha 1:9

Emanceba ekushaywa nguSimakadze, ashaya iSamariya, angeke elapheke; yebo, naJuda utakwehlelwa ngulawo manceba. Kubhujiswa sekusemasangweni eJerusalema, lapho kuhlala khona bantfu bami.”