Hoseya 3:4 - Siswati 1996 Bible

⁴ Ngako ema-Israyeli asetawuhlala emalanga lamanyenti angenambusi, angenankhosi, angenamhlatjelo nome ematje langcwele, angenasidziya sebaphristi nome sithico.

Hoseya 3:4 Referencias Cruzadas

Genesisi 31:19

Labani abengekho ayewuhhula timvu takhe, Rakheli weba tithico takabo.

Genesisi 31:34

Rakheli bekatsetse letithico watifihla ngaphansi kwesihlalo selikamela, wahlala etikwato. Labani, watiphumphutsa lonkhe lithende laRakheli, wangete watitfola.

Genesisi 49:10

Bukhosi bungeke busuke esandleni saJuda. Titukulwane takhe tiyawubusa njalonjalo, tive tiyakwetfula kuye timlalele.

2 Samuweli 6:14

Davide abembetse sidziya sebaphristi lesasentiwe ngelineni, wagidza embikwaSimakadze ngawo onkhe emandla akhe ajabulile,

2 Emakhosi 23:24

Ngetulu kwaloko Josaya wabucitsa bonkhe bungoma, nemandzawe, netithico temindeni, netitfombe kanye nato tonkhe tintfo letisinengiso kaJuda naseJerusalema. Loko wakwentela kugcwalisa nekuhlangabetana naloko lokwakufunwa ngumtsetfo lowawubhalwe encwadzini leyatfolwa nguHilkiya, umphristi, ethempelini laSimakadze.

2 Tikhronike 15:2

Wahamba waya kuyawuhlangana nenkhosi Asa, wafike kuye watsi: “Lalela lapha kimi, nkhosi Asa, nani nonkhe nine bakaJuda nebakaBhenjamini. Simakadze unani, uma ninaye. Nanimfuna, nitamtfola, kodvwa nanimlahla, naye uyakunilahla.

Eksodusi 28:4

Tembatfo lekumele batente ngunati: sembatfo sesifuba, sidziya, nemjiva, nengubo lete umkhono lehlotjisiwe, nemshuculo wenhloko, nelucotfo. Letembatfo letingcwele batawutentela umnakenu Aroni kanye nemadvodzana akhe, kuze bangikhonte njengebaphristi.

Eksodusi 28:6

“Kufanele bente sidziya ngensontfo leluhlata njengesibhakabhaka, nalebukhwebeletane, nalebovu ngalokutopele, naleyigolide kanye nangemtiya welineni lecolisakele.

Sililo 2:9

Emasango ayo ashone emhlabatsini; imicabo yayo wayifohlota wayibhubhisa. Inkhosi yayo netikhulu tayo tahlakatwa tayiswa etiveni, umtsetfo sekwabate, Nebaphrofethi bayo abasayitfoli imibono levela kuSimakadze.

Hezekeli 19:14

Umlilo wabhebheteleka kulelinye lemagala aso lamakhulu wadla titselo taso. Kute nalinye ligala lelicinile lelisasele kuso lelilungele kutsi libe yindvuku yebukhosi.’ “Lesi-ke sililo, lesaba sililo lesisetjentiswa njalo nje.”

Hezekeli 20:32

“ ‘Nikhuluma nitsi: “Sifuna kuba njengaletinye tive natsi, sibe njengetive temhlaba letikhonta tigodvo nematje.” Kodvwa loko leninako engcondvweni kungeke kuze kwenteke.’ ”

Hezekeli 21:21

Ngobe inkhosi yaseBhabhulona itakuma lapho lomgwaco wehlukana khona, esiphambanweni semigwaco lemibili, bese iyaphengula: Itakwenta inkatho ngemicibisholo, ibute etithicweni tayo, ihlole nasesibindzini sesilwane.

Hezekeli 21:31

Ngiyawulutfululela etikwakho lulaka lwami, ngikuphefumulele ngentfukutselo yami levutsako. Ngiyawukwetfula etandleni tebantfu labanelunya, bantfu labanelikhono lekubhubhisa.

Danyela 11:31

“Emabutfo ayo lahlomile ayawuvuka angcolise inqaba yelithempeli, acedze imihlatjelo yemalanga onkhe. Bese-ke emisa sinengiso lesingusona sibanga incitsakalo.

Danyela 12:11

“Kusukela ngesikhatsi lekwasuswa ngaso umhlatjelo wemalanga onkhe, kwemiswa sinengiso lesibanga incitsakalo kuyawutsatsa emalanga layi-1 290.

Danyela 9:27

Lombusi uyawuvumela sivumelwane nalabanyenti ngesikhatsi sinye, kodvwa ekhatsi naleso sikhatsi uyawucedza umhlatjelo nemnikelo. Uyawubeka sinengisoncitsakalo esicongweni selithempeli, kuze sitfululelwe kuye siphetfo lesimisiwe.”

Hoseya 13:10

Iphi inkhosi yakho, kuze itewukusindzisa? Tiphi tikhulu takho kuwo onkhe lamadolobha akho lowakhuluma ngato, watsi: ‘Nginike inkhosi netikhulu’?

Hoseya 13:11

Ngako ngekutfukutsela kwami nganinika inkhosi, nangelulaka lwami ngaphindze ngayisusa.

Hoseya 2:11

Ngitayicedza yonkhe lemikhosi yakhe: emadzili akhe eminyaka newekwetfwasa kwenyanga, newemaSabatha akhe, nawo onkhe emadzili akhe lamisiwe.

Levithikusi 8:7

Wase wembesa Aroni ingubo lete imikhono, wambopha ngelibhande elukhalweni. Wamembatsisa umjiva, nesidziya, wambopha elukhalweni ngelibhande lelihlotjisiwe.

Zakhariya 10:2

Tithico tikhuluma lokuyinkhohliso, labaphengulako babona imibono yemanga, bakhuluma emaphupho langesilo liciniso. Badvudvutana mahhala nje ngelite. Ngako-ke bantfu bazulazula njengetimvu, bacindzetelekile ngekweswela umelusi.

Zakhariya 13:2

“Ngalelo langa ngiyakuwadzingisa emabito etithico kulelive, futsi tingeke tiphindze tikhunjulwe. Baphrofethi nemoya wekungahlanteki kokubili, ngiyawukususa eveni,” kusho Simakadze longuSomandla.

Lukha 21:24

bayawubulawa ngenkemba, batsatfwe bentiwe babe titfunjwa etiveni tonkhe; nebetive bayakuyigcobagcoba iJerusalema, kuze kugcwaliseke sikhatsi sabo.”

Johane 19:15

Bamemeta kakhulu batsi: “Msuse! Msuse! Mbetsele esiphambanweni!” Philatu wababuta watsi: “Ngibetsele inkhosi yenu esiphambanweni?” Baphristi labakhulu bamphendvula batsi: “Site tsine lenye inkhosi ngaphandle kwaKhesari!”

KumaHebheru 10:26

Nasona ngemabomu sesilati liciniso, sekute umhlatjelo longesula tono,

Tikhulu 17:5

Lendvodza lenguMikha beyinendumba, ngako yenta sidziya sebaphristi, yabumba tithico, yase ibeka lomunye wemadvodzana ayo kutsi abe ngumphristi wayo.

Tikhulu 18:14

Lamadvodza lasihlanu labetewuhlola lelive laseLayishi akhuluma kulabomnakabo atsi: “Niyati nje kutsi kulenye yaletindlu kunesidziya semphristi kanye nabonkulunkulu bemindeni, nesitfombe lesibatiwe, nesithico lesibunjiwe? Nine-ke seniyati kutsi nitakwentani.”

Tikhulu 8:27

Gideyoni wenta sidziya segolide, wasibeka edolobheni lakubo i-Ofra. Onkhe ema-Israyeli eta aphinga ngekukhonta sona; loko kwaba lugibe kuGideyoni kanye nemndeni wakhe.

1 Samuweli 14:3

emkhatsini wawo kwakuna-Ahiya labembatsa sidziya sebaphristi. Yena-ke abengumsa wemnakabo-Ikhabodi, Ahitubi, umsa waFinehasi, umsa wa-Eli, umphristi waSimakadze labeseShilo. Kute lowanaka kutsi Jonathani abesahambile.

1 Samuweli 15:23

Ngobe kuhlubuka kufanana nesono sekubhula, nekutigcabha kufanana nekukhonta tithico. Njengobe walile kutsatsa umyalo waSimakadze, naye sewukwalile kutsi uchubeke ube yinkhosi.”

1 Samuweli 2:18

Samuweli abekhonta ethempelini laSimakadze, angumfanyana, avunula sidziya sebaphristi selineni lecolisakele.

1 Samuweli 21:9

Umphristi waphendvula watsi: “Yinkemba yaGoliyathi, umFilisti, lowambulala eSigodzini sase-Ela, lekhona lapha; igocotwe ngendvwangu lapha emvakwesidziya. Nawuyifuna, yitsatse; kute lenye inkemba lelapha ngaphandle kwaleyo.” Davide watsi: “Kute lefanana nayo; nginike yona.”

1 Samuweli 22:18

Inkhosi yase itfuma Dowegi, yatsi: “Suka ubulale labaphristi.” Dowegi, um-Edomu, wagucuka wabesukela wababulala. Ngalelo langa wababulala baphristi labangema-85, emadvodza abegcoka sidziya selineni.

1 Samuweli 23:6

Abiyatha, umsa wa Ahimeleki, abete nesidziya sebaphristi ngesikhatsi abalekela kuDavide eKheyila.

1 Samuweli 23:9

Watsi kube Davide aluve loluzungu lolwase luboshwe nguSawula ngaye, wakhuluma ku-Abiyatha, umphristi, watsi: “Letsa lapha lesidziya sebaphristi.”

1 Samuweli 30:7

Davide wase ukhuluma ku-Abiyatha, umphristi, umsa wa-Ahimeleki, watsi: “Nginikete sidziya sebaphristi.” Abiyatha wamniketa,