Hoseya 3:1 - Siswati 1996 Bible

¹ Simakadze wakhuluma kimi watsi: “Hamba, uphindze umtsandze umkakho, lite nome asatsandvwe ngulomunye futsi, ayingwadla. Mtsandze wena njengobe Simakadze atsandza ema-Israyeli, kwala nome sebagucukele kulabanye bonkulunkulu, batsandza emacebelengwane emagelebisi lomisiwe.”

Hoseya 3:1 Referencias Cruzadas

2 Samuweli 6:19

Wase uniketa wonkhe umuntfu labekhona kuleso sicuku umkhama wesinkhwa, nelicebelengwane lemasundvu kanye nelemagelebisi lomisiwe, onkhe ema-Israyeli, labadvuna nalabasikati. Bonkhe bantfu bacitseka babuyela emakhaya abo.

2 Emakhosi 13:23

Kodvwa Simakadze waba nemusa nabo, waba nesihawu, wabanakekela ngenca yesivumelwane sakhe na-Abrahama, na-Isaka, naJakobe. Kuze kube ngulamuhla akakavumi kubabhubhisa abacoshe ebukhoneni bakhe.

1 Tikhronike 16:3

Wesuka lapho wanika wonkhe longum-Israyeli, lomdvuna nalomsikati, sinkhwa nelicebelengwane lemasundvu, nelicebelengwane lemagelebisi lomisiwe.

Nehemiya 9:31

Kodvwa ngemusa wakho lomkhulu awuzange ubacedze, futsi awubalahlanga, ngobe wena unguNkulunkulu lonemusa nesihawu.

Tihlabelelo 123:2

Yebo, njengobe inceku yencike enkhosini yayo, nanjengobe umzanyana encike kumphatsi wakhe, natsi-ke sincike kuSimakadze, longuNkulunkulu wetfu, aze abe nesihawu kitsi.

Eksodusi 32:6

Ngakusasa bavuka ekuseni ngeluvivi baletsa iminikelo yekushiswa kanye neminikelo yekuthula. Bantfu bahlala phansi, badla, banatsa, basukuma badlala.

Ingoma Yetingoma 2:5

Ngiciniseni ngemagelebisi lomisiwe, ningihlumelelise ngemahhabhula, ngobe ngiyafa lutsandvo.

Isaya 45:22

“Buyani kimi, nisindziswe, nonkhe nine mikhawulo yemhlaba; ngobe nginguNkulunkulu, futsi kute lomunye.

Jeremiya 3:20

Kodvwa njengemfati longaketsembeki endvodzeni yakhe, kanjalo, wenandlu yaka-Israyeli, awuketsembeki kimi,” kusho Simakadze.

Jeremiya 31:20

Efrayimu akasiyo yini indvodzana yami letsandzekako, umntfwana lengijabulako ngaye? Nome ngivamise kukhuluma ngimelane naye, kodvwa noko ngisamkhumbula. Ngako-ke inhlitiyo yami iyamlangatelela; nginesihawu lesikhulu ngaye,” kusho Simakadze.

Hoseya 11:8

“Ngingakuyekelela kanjani, wena Efrayimu? Ngingakulahla kanjani, wena Israyeli? Ngingakuphatsa kanjani njenga-Adma? Ngingakwenta kanjani ufanane naSeboyimu? Inhlitiyo yami iguculiwe ngekhatsi kwami; sonkhe sihawu sami sivuselelekile.

Hoseya 2:5

Unina abengaketsembeki, wabemitsa ngekwelihlazo, watsi: ‘Ngitawulandzela emashende ami, labo labangipha kudla kwami nemanti ami, insontfo yami, nelineni yami, emafutsa ami kanye nesinatfo sami.’

Hoseya 4:11

batinikela ebugwadleni, nasewayinini lelisha nalelidzala, lokususa kucondza

Hoseya 7:5

Ngelilanga lemkhosi wenkhosi yetfu babusi badzakwa liwayini, yona yaselulela baphukuti sandla.

Amose 2:8

Bacambalala phansi eceleni kwalelo nalelo lati ngetingubo tesibambiso. Endlini yaNkulunkulu wabo banatsa liwayini lalabahlawulisiwe.

Amose 6:6

Ninatsa liwayini ngetitja letigcwele, nitigcobise ngemafutsa lanuka kamnandzi, kodvwa anidzabuki ngekucitfwa kwaJosefa.

Mikha 7:7

Kodvwa mine ngitakwetsembela kuSimakadze, ngilindzele Nkulunkulu ngesibindzi, ngobe nguye lotangiphephisa. Nkulunkulu wami utangiva.

Zakhariya 1:16

“Ngako-ke, naku lokushiwo nguSimakadze, utsi: ‘Ngiyawubuyela ngesihawu eJerusalema, ngulapho kuyawukwakhiwa khona kabusha indlu yami. Intsambo yekukala iyakwelulelwa etikweJerusalema, yakhiwe kabusha,’ kusho Simakadze longuSomandla.

Matewu 26:50

Jesu watsi kuye: “Mngami, yenta loko lokutele la!” Base bayamdvumela bambamba.

1 kubaseKorinthe 10:21

Ningeke ninatse endzebeni yeNkhosi niphindze niyewunatsa endzebeni yemadimoni. Ningeke nihlanganyele esidlweni seNkhosi niphindze nihlanganyele esidlweni semadimoni.

1 kubaseKorinthe 10:7

Futsi ningabi ngulabakhonta tithico njengalabanye babo, nanjengobe kubhaliwe kutsi: “Bantfu bahlala phansi balibala kudla nekunatsa, batsi besuka lapho basukuma bagidza.”

1 yaPhetro 4:3

Ngobe lesikhatsi lesendlulile besenele kutsi nente lokutsandvwa ngemahedeni ngekuphila ngemanyala, nangetinkhanuko, nangekudzakwa, nangekumita, nangemsindvo, nangekukhonta tithico lokungakavumeleki.

Tikhulu 10:16

Base bayabesusa bonkulunkulu betive lababesemkhatsini wabo, bakhonta Simakadze. Inhlitiyo yakhe yase iyatsintseka ngenca yekukhala kwesive sema-Israyeli.

Tikhulu 9:27

Batsi kube baphume bonkhe baye emasimini abo bayewuvuna emagelebisi, babuya bawahluta, base benta lidzili ethempelini lesithico sabo. Babetsi ngesikhatsi banatsa, badla, bacalekise Abimeleki.