Hoseya 2:7 - Siswati 1996 Bible

⁷ Uyawucoshana nemashende akhe, kodvwa ngeke awakhandze; uyakuwafuna, kodvwa angeke awatfole. Uyawube sewutsi: ‘Ngitawuncandzeka ngibuyele endvodzeni yami yakucala, ngobe ngaleso sikhatsi bekukuhle kakhulu kimi kunanyalo.’

Hoseya 2:7 Referencias Cruzadas

2 Tikhronike 28:23

Wanikela ngemihlatjelo etithicweni tebantfu baseDamaseko lebase bamehlulile; ngobe abecabange watsi: “Njengobe tithico temakhosi aseSiriya tiwasitile emaSiriya, nami ngitakwenta umhlatjelo kuto, khona titakungisita.” Kodvwa ngito kanye letamwisa, taphindze tawisa onkhe ema-Israyeli.

Tihlabelelo 116:7

Mphefumulo wami, ake uphindze uphumule, ngobe Simakadze ukuphetse ngemusa.

Isaya 30:16

Natsi nine: ‘Cha, tsine sitawubaleka ngemahhashi.’ Ngako-ke nitawubaleka! Nine natsi: ‘Sitawugibela emahhashini lagijimisa kwembane.’ Ngako-ke laba labanicoshako nabo bayawugijimisa kwembane!

Jeremiya 14:22

Sikhona yini sona sinye setithico tebetive letingenamsebenti lesiletsa imvula? Tona tibhakabhaka ngekwato tiyatehlisa yini tihlambi temvula? Cha, nguwe, lowenta loko, Simakadze Nkulunkulu wetfu. Ngako-ke litsemba letfu likuwe, ngobe nguwe lowenta konkhe loku.

Jeremiya 2:2

“Hamba uyewumemetela eJerusalema, ukhulume beva utsi: Naku lokushiwo nguSimakadze, utsi: “ ‘Ngiyakukhumbula kutinikela kwakho ebusheni bakho, kutsi wawungitsandza kanjani usengumakoti, wangilandzela kulo lonkhe lihlane, eveni lelalingakahlanyelwa lutfo.

Jeremiya 2:28

Baphi kantsi labonkulunkulu benu lenatentela bona? Abete phela, nangabe banganisindzisa nanisekuhluphekeni! Maye Juda, ninabonkulunkulu labanyenti ngangemadolobha enu.

Jeremiya 2:36

Utiguculelani kangaka tindlela takho? IGibhithe itakujabhisa, njengaloku wake wajabhiswa yi-Asiriya.

Jeremiya 3:1

“Nangabe indvodza ilahla umkayo, bese lomfati wendza kulenye indvodza, lendvodza ingabuyela yini kulomfati? Utsi kepha lelive lingete langcola lonkhe? Kodvwa utiphatsise kwengwababane ngekuphinga nemadvodza lamanyenti; manje sewungabuyela njani kimi?” kusho Simakadze.

Jeremiya 31:18

“Impela ngikuvile kububula kwa-Efrayimu, kutsi: “ ‘Wangicondzisa njengelitfole lelisichomoketi, futsi vele sengifundzisekile. Ngibuyisele, ngitawubuyela, ngobe wena unguSimakadze longuNkulunkulu wami.

Jeremiya 31:32

Lesivumelwane singeke sifanane naleso lengasenta naboyisemkhulu ngesikhatsi ngibabamba ngesandla ngibahola ngibakhipha eGibhithe, ngobe basephula sivumelwane sami, nome ngangiyindvodza kubo,” kusho Simakadze.

Jeremiya 44:17

Nakanjani sitawukwenta konkhe lesitsite sitakwenta: Sitawutfuncisela imphepho kuyo iNkhosikati yeLizulu, sitfululele iminikelo yesinatfo kuyo, njengobe tsine nabobabe, nemakhosi etfu, netiphatsimandla tetfu tatenta emadolobheni akaJuda nasetitaladini taseJerusalema. Ngaleso sikhatsi sasinekudla lokunyenti kakhulu, sime kahle, singahlushwa lutfo.

Hezekeli 16:18

Watsatsa tembatfo takho letihlotjisiwe wembatsa tona, wase unikela ngemafutsa ami nangemphepho yami kuto.

Hezekeli 16:8

“ ‘Kamuva ngatsi ngengca ngakuwe, ngatsi ngiyabuka ngakuwe, ngabona kutsi sewukhulile, sewungagana, ngakumbonya ngesembatfo sami ngakwembesa ngaso, ngivala bungcunu bakho. Ngakunika sifungo sami lesicinile, ngangena esivumelwaneni nawe, wena wase uba wami, kusho iNkhosi Simakadze.

Hezekeli 20:32

“ ‘Nikhuluma nitsi: “Sifuna kuba njengaletinye tive natsi, sibe njengetive temhlaba letikhonta tigodvo nematje.” Kodvwa loko leninako engcondvweni kungeke kuze kwenteke.’ ”

Hezekeli 23:12

Naye futsi wakhanuka ema-Asiriya, babusi, netindvuna temphi, netihlabani letatembatsa temphi, babebagibeli bemahhashi, bonkhe kwakungemajaha lamahle lasemancane.

Hezekeli 23:22

“Ngako-ke, Oholibha, naku lokushiwo yiNkhosi Simakadze, itsi: Ngiyawuchukuluta emashende akho akuvukele, lawo lowawafulatsela ujabhile, ngiyakuwaletsa atekuhlasela aphuma ndzawo tonkhe,

Hezekeli 23:4

Libito lalendzala bekungu-Ohola, dzadzewabo kungu-Oholibha. Babe ngebami, base batala emadvodzana nemadvodzakati. Ohola yiSamariya, kantsi Oholibha yiJerusalema.

Danyela 4:17

“ ‘Sincumo simenyetelwa titfunywa; labangcwele bamemetela sigwebo, kuze kutsi labaphilako bati kutsi Longetulu Kwako Konkhe wengamele yonkhe imibuso yebantfu, futsi uyinika nome ngubani latsandza kumupha yona, bese ubeka etikwayo labo labatfobeke kakhulu kunabo bonkhe bantfu.’

Danyela 4:25

Utawucoshwa emkhatsini webantfu, uhlale netilwane tesiganga; utawudla tjani njengetinkhomo, unetfwe ngematolo asezulwini. Kutakwendlula tikhatsi letisikhombisa kuwe, uze uvume kutsi Longetulu Kwako Konkhe wengamele imibuso yonkhe yebantfu, uyinika nome ngubani lowo latsandza kumupha yona.

Danyela 4:32

Wena sewutawukhishwa emkhatsini webantfu, uyewuhlala emkhatsini wetilwane tesiganga; utawudla tjani njengetinkhomo. Kutakwendlula tikhatsi letisikhombisa kuwe, uze uvume kutsi Longetulu Kwako Konkhe wengamele yonkhe imibuso yebantfu, nekutsi uyinika nome ngubani umuntfu latsandza kumupha yona.”

Danyela 5:21

Wakhishwa emkhatsini webantfu, wanikwa ingcondvo yesilwane; wahlala emkhatsini wetimbongolo tesiganga, wadla tjani njengetinkhomo; nemtimba wakhe wanetfwa ngematolo asezulwini, waze wavuma kutsi Nkulunkulu Longetulu Kwako Konkhe wengamele yonkhe imibuso yebantfu nekutsi ubeka etikwayo nome ngumuphi lowo latsandza kumbeka.

Hoseya 1:2

Watsi kube Simakadze acale kukhuluma naHoseya, Simakadze wakhuluma kuye, watsi: “Hamba utsatse umfati loyingwadla lonebantfwana labatelwe ngebugwadla, ngobe live linelicala lebugwadla lobesabekako, selisukile kuSimakadze.”

Hoseya 13:6

Ngatsi nangibondla emadlelweni lamahle, besutsa; batsi kube besutse, base bayatigabatisa, base bayangikhohlwa.

Hoseya 14:1

Awu, ma-Israyeli, buyani, nibuyele kuSimakadze Nkulunkulu wenu. Tono tenu ngito letiniwisile.

Hoseya 2:16

“Ngalelo langa uyawungibita utsi: ‘Ndvodza yami,’ ungeke uphindze ungibite utsi: ‘Bhali wami,’ ” kusho Simakadze.

Hoseya 5:13

“Watsi kube Efrayimu abone kugula kwakhe, naJuda abone emanceba akhe, Efrayimu wase ugucukela e-Asiriya, watfumela enkhosini lenkhulu kuyawucela lusito. Kodvwa iyehluleka kunelapha, iyehluleka kupholisa emanceba enu.

Hoseya 5:15

Ngiyawube sengibuyela endzaweni yami, baze balivume licala labo. Bayawufuna buso bami; baseselusizini lwabo bayawungifunisisa.”