Hoseya 2:19 - Siswati 1996 Bible

¹⁹ Ngiyawukwendzisela kimi kuze kube phakadze naphakadze; ngiyawukwendzisa ngekulunga, nangekwemtsetfo, nangekwelutsandvo, nangesihawu.

Hoseya 2:19 Referencias Cruzadas

Tihlabelelo 85:10

bese kuhlangabetana umusa neliciniso, kwangane kulunga nekuthula.

Isaya 1:27

ISiyoni itawuhlengwa ngekwemtsetfocotfo, labatisolako bahlengwe ngekulunga.

Isaya 54:14

Uyawusinyiswa ekulungeni: Kubuswa ngelunya kuyawuba khashane nawe; kute loyawukwesaba. Luvalo luyawususwa lulahlwe khashane, lungasondzeli kuwe.

Isaya 54:5

Ngobe uMenti wakho yindvodza yakho, nguSimakadze longuSomandla libito lakhe, Longcwele waka-Israyeli unguMhlengi wakho, ubitwa ngekutsi nguNkulunkulu wemhlaba wonkhe.

Isaya 54:6

Simakadze uyawukubita ubuye, kube shangatsi bewungumfati lolahliwe nalodzabukile emoyeni, umfati lowendza asemncane wabuye futsi waliwa,” kusho Nkulunkulu wakho.

Jeremiya 4:2

nawungafunga futsi kimi ngekweliciniso nangekulunga, utsi: ‘Ngifunga kuphila kwaSimakadze,’ tive-ke tiyawubusiswa ngaye tidvumise kuye futsi.”

Hezekeli 16:8

“ ‘Kamuva ngatsi ngengca ngakuwe, ngatsi ngiyabuka ngakuwe, ngabona kutsi sewukhulile, sewungagana, ngakumbonya ngesembatfo sami ngakwembesa ngaso, ngivala bungcunu bakho. Ngakunika sifungo sami lesicinile, ngangena esivumelwaneni nawe, wena wase uba wami, kusho iNkhosi Simakadze.

Hezekeli 39:29

Angisayikubufihla buso bami kubo, ngobe ngiyawutfululela Moya wami kuyo indlu yaka-Israyeli, kusho iNkhosi Simakadze.”

Hoseya 14:4

“Ngiyawukuphilisa kunhlanhlatsela kwabo, ngibatsandze ngekukhululeka, ngobe intfukutselo yami seyisukile kubo.

Joweli 3:20

Live lakaJuda liyawuhlala lakhelwe bantfu phakadze naphakadze, kanjalo neJerusalema iyawuhlala inebantfu titukulwane ngetitukulwane.

Zakhariya 13:2

“Ngalelo langa ngiyakuwadzingisa emabito etithico kulelive, futsi tingeke tiphindze tikhunjulwe. Baphrofethi nemoya wekungahlanteki kokubili, ngiyawukususa eveni,” kusho Simakadze longuSomandla.

Johane 3:29

Lowo lonamakoti ungumyeni; kepha umngani wemyeni nakaliva livi lemyeni, ujabula kakhulu. Ngako-ke lenjabulo yami seyiphelele.

KubaseRoma 7:4

Kunjalo-ke nakini, bazalwane bami; nani-ke senifile kuwo umtsetfo, ngobe niyincenye yemtimba waKhristu; nyalo senibakhe lowo lowavuswa ekufeni kuze tsine sitewutselela Nkulunkulu titselo.

2 kubaseKorinthe 11:2

Nginesikhwele ngani, sikhwele saNkulunkulu; ngobe nganendzisa njengentfombi lengenasici, nganetfula kuKhristu, lekunguyona ndvodza yenu leyodvwana.

Sembulo 21:2

Ngabona likhaya lelingcwele, iJerusalema Lensha, lehla liphuma ezulwini kuNkulunkulu, lilungiswe kahle lahlotjiswa njengamakoti ahlobele kuyawuhlangabeta umyeni wakhe emshadweni.