Hoseya 14:7 - Siswati 1996 Bible

⁷ Bantfu bayawuphindze bahlale emtfuntini wakhe. Bayawuhluma njengetinhlavu. Bayawuchakaza njengesihlahla semvini, neludvumo lwabo luyawufanana neliwayini laseLebanoni.

Hoseya 14:7 Referencias Cruzadas

Tihlabelelo 138:7

Nome sengitungeletwe tinhlupheko, wena, Simakadze, uyayiphephisa imphilo yami, ungivikele elulakeni lwetitsa tami, unginyomule ngesandla sakho sekudla.

Tihlabelelo 85:6

Ungeke yini usivuselele siphile, kuze kutsi sive sakho sijabule kuwe?

Tihlabelelo 91:1

Lowo lohlala ekusitsekeni kuLosetikwako Konkhe ukhosele ekhwapheni laSomandla.

Ingoma Yetingoma 2:3

Njengesihlahla semahhabhula emkhatsini wetihlahla telihlatsi, unjalo lotsandzekako wami emkhatsini wemajaha. Ngiyakujabulela kuhlala emtfuntini wakhe, nesitselo sakhe siyanongotela, nangisinambitsa.

Ingoma Yetingoma 4:11

Tindzebe temlomo wakho tintfontsa kunongotela lokunjengekweluju lwetinyosi, makoti wami. Lubisi neluju kungaphansi kwelulwimi lwakho. Kutsaphuka kwemakha etingubo takho kunjengalokwa kwaseLebanoni.

Ingoma Yetingoma 6:11

Ngehlela entansi ensimini yemantongomane, kuyawubuka kuhluma lokusha esigodzini, ngiyewubuka kutsi imivini seyidvumbile yini nemahananandza kutsi abesabhahela yini.

Isaya 61:11

Ngobe njengaloku nemhlaba uhlumisa emahlumela, nengadze ihlumisa inhlanyelo ikhule, kanjalo-ke neNkhosi Simakadze iyawuhlumisa kulunga neludvumo, kuhlume embikwato tonkhe tive.

Hezekeli 17:23

ngiwuhlanyele eticongweni tetintsaba letiphakeme taka-Israyeli. Uyawukhipha emagala utsele titselo, ube sihlahla lesihle semsedari. Kuyawukwakhela kuso tinhlobonhlobo tato tonkhe tinyoni, tiyawukhosela emtfuntini wemagala aso.

Hoseya 14:5

Ngiyawufanana nematolo ku-Israyeli; uyawuchakaza njengembali. Njengemsedari waseLebanoni uyawutishonisa phansi timphandze takhe;

Hoseya 2:21

“Ngalelo langa ngiyawuphendvula,” kusho Simakadze, “ngiyawuphendvula emazulu, nawo ayawuphendvula umhlaba;

Hoseya 2:22

nemhlaba uyawuphendvula ngalokutinhlavu, nangeliwayini lelisha, nangemafutsa, nako kuyawuphendvula iJezreyeli.

Hoseya 6:2

Emvakwemalanga lamabili utasiphilisa, ngelilanga lesitsatfu utasivusa, khona sitewuphila ebukhoneni bakhe.

Zakhariya 8:12

“Inhlanyelo seyiyawukhula kahle, sivini siyawutsela titselo taso, umhlaba uyawuveta sivuno sawo, nemazulu ayakwehlisa ematolo awo. Tonkhe letintfo ngiyawutipha insali yalesive tibe lifa laso.

Johane 11:25

Jesu watsi kuye: “Mine ngikuvuka nekuphila, lokholwa ngimi, nome angafa, uyawuphila.

Johane 12:24

Ngicinisile, ngicinisile, ngitsi kini: Inhlanyelo yakolo nayiwela emhlabatsini ingete yafa, ihlala iyodvwa; kepha nayifa, itsela titselo letinyenti.