Hoseya 14:5 - Siswati 1996 Bible

⁵ Ngiyawufanana nematolo ku-Israyeli; uyawuchakaza njengembali. Njengemsedari waseLebanoni uyawutishonisa phansi timphandze takhe;

Hoseya 14:5 Referencias Cruzadas

2 Samuweli 23:4

ufanana nekukhanya kwekusa nakuphuma lilanga, lakute khona emafu; unjengekukhanya emvakwemvula lokumilisa tjani emhlabatsini.’

2 Emakhosi 19:30

Insali yendlu yakaJuda iyawuphindza futsi ifake timphandze tayo phansi, ngetulu itsele titselo tayo.

Jobe 29:19

Timphandze tami titawutfunguluta tize tifike emantini, ematolo alale emagaleni ami busuku bonkhe.

Tihlabelelo 133:3

Kufana nematolo eNtsaba iHemoni, nakehlela eNtsabeni iSiyoni. Kulapho-ke lapho Simakadze ehlisela khona tibusiso takhe, yebo, nekuphila, kuze kube phakadze.

Tihlabelelo 72:16

Shangatsi kungaba nenala emasimini, lenala isibekele ticongo tetintsaba, kube tiphihli, sincane setihlahla taseLebanoni. Shangatsi lamadolobha angagcwala bantfu, babe ngangetjani.

Tihlabelelo 72:6

Shangatsi inkhosi ungayenta ibe njengemvula nayehlela emadlelweni, nanjengemvula nayinisela umhlabatsi.

Tihlabelelo 80:9

Wawulungisela umhlaba wekuhlanyela, wakhula, wajula, wenaba, wagcwala live.

Tihlabelelo 92:12

Lolungile uhluma njengelisundvu, akhule njengemsedari waseLebanoni.

Tihlabelelo 92:13

Labo-ke banjengetihlahla letihlanyelwe endlini yaSimakadze, bachuma etibuyeni taNkulunkulu wetfu.

Taga 19:12

Intfukutselo yenkhosi ifanana nekubhodla kwelibhubesi; kodvwa umusa wayo ufanana nematfonsi emvula.

Ingoma Yetingoma 2:16

Longitsandzako wami ngedvwa; nami ngiwakhe yedvwa, udlisa umhlambi wakhe emkhatsini weminduze.

Ingoma Yetingoma 4:5

Emabele akho lamabili anjengemazinyane lamabili, yebo, njengemazinyane langemaphahla emphala, ladla emkhatsini weminduze.

Isaya 12:1

Ngalelo langa uyakutsi: “Ngiyakudvumisa, wena Simakadze, lite nome bewungitfukutselele, kodvwa kutfukutsela kwakho akusekho, esikhundleni saloko sewungidvudvutile.

Isaya 18:4

Naku lokushiwo nguSimakadze kimi: ‘Ngitawuhlala nje ngithule, ngibuke nje ngisendzaweni yami yekuhlala, nakuphakama sivuvu ekushiseni kwelilanga, yebo, sivuvu sematolo lakhuntsisa sivuno.’

Isaya 26:19

Kodvwa labafile bakho bayawuphila; imitimba yabo iyawuvuka. Nine lenihleti elutfulini lwemhlaba, vukani nimemete ngenjabulo. Ematolo akho anjengematolo asekuseni laphilisako, umhlaba uyawubakhipha labafile bawo.

Isaya 27:6

Ngemalanga letako, Jakobe uyawumila timphandze asime, Israyeli uyawuhluma achakaze timbali, agcwalise umhlaba wonkhe ngetitselo.

Isaya 35:2

Njengembali luyawuchakaza lube lusha; luyawutfokota kakhulu, lumemete ngenjabulo. Ludvumo lweLebanoni luyawunikwa lona, yebo, luyawunikwa ludvumo lweKhameli nelweSharoni; bantfu bayawubona bukhosi baSimakadze, nebukhatikhati baNkulunkulu wetfu.

Isaya 44:3

Ngobe ngiyawutfululela emanti eveni lelomile, nemifula emhlabatsini lowomile; ngiyawutfululela Moya wami kubantfwana bakho, nesibusiso sami etitukulwaneni takho.

Isaya 45:8

“Nisani kulunga, nine mazulu lasetulu; emafu akakutfululele phansi. Umhlaba awuvuleke kabanti, insindziso ayihlume, kulunga akukhule nayo; mine, Simakadze, ngikudalile.

Isaya 57:18

Sengitibonile tindlela takhe, kodvwa ngitamphilisa, ngimhole, ngibuyisele indvudvuto kuye,

Isaya 57:19

ngidale tibongelelo etindzebeni temlomo walabalilako baka-Israyeli. Kuthula, kuthula, kulabo labakhashane nalabasedvute,” kusho Simakadze, “ngitawubaphilisa.”

Jeremiya 3:22

“Ncandzekani sive lesingaketsembeki, ngiyawunelapha kulokuhlubuka kwenu.” “Yebo, siyakuta kuwe, ngobe wena unguSimakadze Nkulunkulu wetfu.

Jeremiya 32:41

Ngiyawujabula kubentela lokuhle, ngempela ngiyawubahlanyela kulelive ngayo yonkhe inhlitiyo yami nangawo wonkhe umphefumulo wami.

Hoseya 6:3

Asimhloniphe Simakadze, sitimisele nekumnaka. Impela, njengobe kucinisekile kutsi lilanga liphuma ekuseni, kanjalo naye uyachamuka ete kitsi njengetimvula tasebusika, nanjengetimvula tasentfwasahlobo letinisela umhlaba.”

Mikha 5:7

Ema-Israyeli layawusindza ayawufanana nematolo lahlumelelisako latfunyelwe nguSimakadze etiveni letinyenti, afanane nemvula lenetsa lokumilako. Ayawuncika kuNkulunkulu, hhayi kumuntfu.

Mikha 7:18

Kute nkulunkulu lofana nawe, Simakadze; wena utsetselela tono tensali yakho lesele ekubhujisweni. Awuhlali utfukutsele siphelane, kodvwa ujabulela kusikhombisa umusa wakho.

Matewu 6:28

“Nitihluphelani ngetimphahla? Bukani timbali temhlaba kutsi tikhula njani, atikhandleki, futsi atitfungi.

Lukha 12:27

“Ase nibheke kutsi timbali tikhula njani! Atisebenti nome tititfungele timphahla. Kodvwa nginitjela kutsi, naSolomoni, labenjinge kangaka, abete timphahla letatihlotjiswe kwendlula ngisho nayinye yaletimbali.

Kubase-Efesu 3:17

Khristu akahlale etinhlitiyweni tenu ngekukholwa, kuze nisime, nisekeleke elutsandvweni,

Dutheronomi 32:2

Imfundziso yami ayehle njengemvula, emavi ami ahhohloke njengematolo; yebo, njengemabhudlo etjanini lobuluhlata, nanjengemvula lenkhulu etikwalokumilile.