Hoseya 14:2 - Siswati 1996 Bible

² Tsatsani emavi nibuyele nawo kuSimakadze. Thandazani kuye, nitsi: “Sitsetselele tonkhe tono tetfu, usemukele ngemusa, khona sitewunikela ngetitselo temilomo yetfu.

Hoseya 14:2 Referencias Cruzadas

2 Samuweli 12:13

Davide wakhuluma kuNathani, watsi: “Ngonile kuSimakadze.” Nathani waphendvula watsi: “Simakadze sewusisusile sono sakho. Ungeke usafa.

2 Samuweli 24:10

Kodvwa, emvakwekube Davide asalwentile lubalo, nembeza wakhe wacala kumehlulela, wakhuluma kuSimakadze watsi: “Ngonile kakhulu ngaloku lengikwentile. Manje! Awu! Simakadze! Ngiyakuncenga, susa licala lenceku yakho. Vele, ngente intfo lebulima kakhulu.”

Jobe 7:21

Awuticoleli ngani tiphambuko tami, utsetselele tono tami? Ngobe mine sengitawulala elutfulini masinyane; maye, utase uphenye sewungifuna mine ngingasekho!”

Tihlabelelo 119:108

Simakadze, yemukela iminikelo yami yekukudvumisa, ungifundzise imitsetfo yakho.

Tihlabelelo 50:14

Nikela kuNkulunkulu umnikelo wekubonga, ugcine tetsembiso takho kuLosetikwako Konkhe.

Tihlabelelo 51:16

Ngobe futsi ungeke weneliswe yimihlatjelo, nome bengingakunika yona, ngisho nemhlatjelo wekushiswa wonkhe ungeke ukhone kukujabulisa.

Tihlabelelo 51:17

Umhlatjelo lowemukeleka kuNkulunkulu ngumoya lowephukile nenhlitiyo ledzabukile. Nkulunkulu ngeke awubukele phansi.

Isaya 44:22

Tikhubekiso takho ngitishanyele njengelifu. netono takho njengenkhungu yasekuseni. Buyela kimi, ngobe sengikuhlengile.”

Isaya 6:7

Lafike latsintsa umlomo wami ngalo, latsi: “Buka la, loku sekutsintse umlomo wakho, ngako licala lakho selesuliwe, nesono sakho sesihlawulelwe.”

Jeremiya 3:12

Hamba, umemetele lombiko ngasenyakatfo utsi: “ ‘Buya Israyeli longaketsembeki,’ kusho Simakadze. ‘Ngingeke ngisaphindza ngikuswacele, ngobe nginemusa,’ kusho Simakadze. ‘Ngingeke ngisakutfukutselela siphelane.

Hoseya 12:7

Umhwebi usebentisa tikalo letingaketsembeki; uyakutsandza kukhwabanisa timali.

Hoseya 5:5

Kutigcabha kwema-Israyeli kubufakazi lobumelene nawo; ema-Israyeli, ngisho na-Efrayimu, bayakhubateka esonweni sabo; ngisho naJuda ukhubateka kanye nabo.

Hoseya 6:6

Ngobe ngifuna sihawu, hhayi umhlatjelo, ngifuna nekumati Nkulunkulu kuneminikelo yekushiswa.

Joweli 2:17

Baphristi labakhonta embikwaSimakadze abakhale emkhatsini wemhubhe welithempeli nelilati. Yebo, abakhale batsi: “Awu, Simakadze, hawukela sive sakho, ungavumi kutsi lifa lakho lelingitsi libe yinhlekisa nentfo yekweyiswa tive. Asikho nesidzingo sekutsi letive tingaze titsi: ‘Uphi loNkulunkulu wabo?’ ”

Jona 2:9

Kepha mine ngiyawuhlabela kuwe ngelivi lekubonga, nginikele ngemihlatjelo; loko lengikufungele ngiyawukufeza. Insindziso ivela kuSimakadze.”

Zakhariya 3:4

Lengilosi yakhuluma kulabasiti lababeme embikwayo, yatsi: “Mkhumuleni letimphahla takhe letingcolile.” Yakhuluma kuJeshuwa, yatsi: “Ase ubuke, sono sakho sengisisusile, futsi ngitakwembatsisa imijiva lehlantekile lemihle kakhulu.”

Matewu 7:11

Nangabe-ke nine lenibabi kangaka nikwati kubapha bantfwabenu tipho letinhle, kakhulu kangakanani-ke uYihlo losezulwini utakubapha lokuhle labacela kuye.

Lukha 11:13

Nome ningakalungi kodvwa niyakwati kupha bantfwabenu tintfo letinhle, kakhulu kangakanani-ke, Babe losezulwini uyawubanika Moya Longcwele labo labamcelako.”

Lukha 18:13

“Kodvwa umtselisi eme khashane akazange abhekise ngisho nebuso bakhe ezulwini, kepha ngekutisola wathandaza watsi: ‘Nkulunkulu, ngihawukele mine soni!’ ”

Johane 1:29

Ngakusasa Johane wabona Jesu eta kuye watsi: “Nalo liWundlu laNkulunkulu lelisusa sono selive!

KubaseRoma 11:27

Lesi sivumelwane sami nabo, nangisusa tono tabo.”

2 kuThimothi 1:9

Nguye lowasisindzisa wasibita ngelubito lwakhe lolungcwele, hhayi ngemisebenti yetfu, kodvwa ngelisu lakhe nangemusa wakhe, lasipha wona kuKhristu Jesu, umhlaba ungakasekelwa,

kuThithusi 2:14

Yena watinikela ngenca yetfu, kuze atesihlenga ebubini bonkhe atingcwelisele sive lesisakhe, lesinenshisekelo kutsi sente imisebenti lemihle.

KumaHebheru 10:4

ngobe kungeke kwenteke kutsi ingati yetinkunzi neyetimbuti itisuse tono.

KumaHebheru 13:15

Asimbonge njalo Nkulunkulu, simdvumise ngaJesu. Lokumdvumisa akube ngumnikelo wayo yonkhe imilomo levuma libito lakhe.

1 yaPhetro 2:5

Nani-ke wotani kuyo, nibe ngematje laphilile, nakhiwe nibe yindlu yaMoya, khona-ke niyawuba baphristi labangcwele bekunikela imihlatjelo yaMoya, leyemukelekako kuNkulunkulu ngaJesu Khristu.

1 yaPhetro 2:9

Kodvwa nine nibeluhlanga lolukhetsiwe, nibaphristi bebukhosi, sive lesingcwele; nibantfu baNkulunkulu labakhetselwe kumemetela imisebenti lemihle yaNkulunkulu. Nguye lowanibita kutsi niphume ebumnyameni nitewungena ekukhanyeni kwakhe lokumangalisako.

1 yaJohane 1:7

Kodvwa nasihamba ekukhanyeni, njengobe yena asekukhanyeni, sinebudlelwane lomunye nalomunye, nengati yaJesu, iNdvodzana yakhe, iyasihlanta kuko konkhe kona.

1 yaJohane 3:5

Futsi niyati kutsi Jesu wabonakaliselwa kususa tono, nekutsi kute sono kuye.