Hoseya 13:7 - Siswati 1996 Bible

⁷ Ngako ngiyakuta kubo senginjengelibhubesi, njengengwe ngiyawubalalela endleleni.

Hoseya 13:7 Referencias Cruzadas

Jobe 10:16

Nangitsi ngiphakamisa inhloko yami, wena ungihoshobela ungifunise kwelibhubesi, uphindze futsi ungihluphe ngetigemegeme temandla akho lesabekako.

Isaya 42:13

Simakadze utawushuca njengendvodza lenemandla, njengelisotja uyawuchukuluta inshisekelo yakhe; uyawumemeta ahlabe inyandzaleyo, titsa takhe atehlule.

Jeremiya 25:38

Njengelibhubesi umelusi uyawuphuma ashiye umhume wakhe, live labo liyawusala likhala libhungane ngenca yenkemba yemcindzeteli, nangenca yelulaka lolwesabekako lwaSimakadze.

Jeremiya 5:6

Ngako-ke batawuhlaselwa libhubesi leliphuma ehlatsini, batawuphangwa yimphisi lephuma ehlane, ingwe itawubalalela endleleni edvutane nemadolobha abo; itemdzabudzabula abe ticucu nome ngubani lotsi uyaphuma, ngobe kuhlubuka kwabo kukhulu, nekweduka kwabo kunyenti.

Sililo 3:10

Njengelibhele lelibhacele inyamatane, nanjengelibhubesi lelitifihlile,

Hoseya 5:14

Ngobe ngiyawuba njengelibhubesi ku-Efrayimu, ngifanane nelibhubesi lelikhulu kuJuda. Ngiyawubadzabudzabula babe ticucu, ngisuke lapho ngibashiye. Ngiyawubetfwala ngibesuse, kubete nalobalamulelako.

Amose 1:2

Amose wakhuluma watsi: “Simakadze uyabhodla eSiyoni, yebo, Simakadze uyabhavumula aseJerusalema, emadlelo ebelusi ayoma, nesicongo sentsaba iKhameli siyabuna.”

Amose 3:4

Libhubesi liyabhodla yini ehlatsini, lingakabambi inyamatane? Libhubesi lelincane lona lingahhonga yini endzaweni yalo, lingakabambi lutfo?

Amose 3:8

Nakubhodla libhubesi, ngubani longahlala angesabi? INkhosi Simakadze seyikhulumile, ngubani longahlala angaphrofethi?

Sembulo 13:2

Lesilo sasifanana nengwe, tinyawo taso tatifanana netelibhele, umlomo waso wawufanana newelibhubesi. Nyokangwenya wasinika emandla akhe, nesihlalo sakhe sebukhosi, nemagunya akhe lamakhulu.