Hoseya 13:15 - Siswati 1996 Bible

¹⁵ Ngisho nome angahluma njengembali emkhatsini wetinhlanga, umoya waSimakadze, wangasemphumalanga, uyakuta, uhhusha uchamuka ngasehlane, umtfombo waka-Efrayimu uyawuphelelwa ngemanti, nesicobho sakhe some. Likamelo lakhe lekulondvolota liyawuphangwa tonkhe tintfo talo letingemagugu.

Hoseya 13:15 Referencias Cruzadas

Genesisi 41:23

Kutsite kusenjalo kwase kubhaceka tikhutu letimbi letibunile, kungatsi tihangulwe ngumoya wasemphumalanga.

Genesisi 41:52

Lona wesibili Josefa wametsa libito watsi ngu-Efrayimu, ngaloko abesho kutsi: “Nkulunkulu ungiphe bantfwana eveni lekuhlupheka kwami.”

Genesisi 41:6

Emvakwato, kwase kubhaceka tikhutu letisikhombisa kungatsi tihangulwe ngumoya wasemphumalanga.

Genesisi 48:19

Kodvwa uyise wala, watsi: “Ngiyati, ndvodzana yami, ngiyati. Naye utaba sive, naye futsi utaba mkhulu. Kodvwa nome kunjalo, lona lomncane utawuba mkhulu kunaye, netitukulwane takhe tiyawuba tive letinkhulu.”

Genesisi 49:22

“Josefa uligala lelitselako lemvini, ligala lelitsela ngasemtfonjeni wemanti, emagala akhe ayakhula acance lubondza.

Jobe 18:16

Timphandze takhe tiyoma lapha ngaphansi kwakhe, nemagala akhe asayabuna lapha ngetulu.

Tihlabelelo 1:4

Lababi-ke bona abanjalo, banjengemakhoba wona lapheshulwa ngumoya.

Tihlabelelo 109:13

Shangatsi intalelwane yakhe ingaphela nya; libito lakhe lesulwe esitukulwaneni lesitako.

Isaya 14:21

Ngenca yetono taboyisemkhulu tilungiseleleni kubulala emadvodzana akhe. Akukafaneli avuke adle lelive njengelifa, bese akha emadolobha yonkhe indzawo.”

Isaya 17:13

Naloku tive tihokoma njengekuhokoma kwemabhudlo emanti, Nkulunkulu nakabatsetsisa, babaleka baye khashane, bapheshulwe emoyeni njengemakhoba, nakaphephuka etulu emagcumeni, nanjengelukhula loluzushuniwe, nalukhukhulwa sihhuhhula semoya.

Isaya 27:8

Kulwa kwakhe nebaseJerusalema kugcina ngekutsi abadvungulule baye ekutfunjweni, abakhiphe ngesikhahlo sakhe njengekuhhusha kwemoya wasemphumalanga.

Isaya 41:16

Uyakuwela, umoya uwakhetse, sivunguvungu siyakuwaphephula. Kodvwa wena uyawujabula ngaSimakadze, utibonge ngaLongcwele waka-Israyeli.

Jeremiya 20:5

Ngiyawubunikela bonkhe bunjinga balelidolobha etitseni tabo, sonkhe sivuno salo, konkhe kwalo lokuligugu, nayo yonkhe ingcebo yemakhosi akaJuda. Bayakuyitsatsa bahambe nayo ibe yimphango yabo, bayetfwale baye nayo eBhabhulona.

Jeremiya 4:11

Ngalelo langa lesive kanye nebantfu baseJerusalema bayawutjelwa kutsiwe: “Umoya loshisako lochamuka etindzaweni letiphakeme tasehlane uhhusha ucondze kulesive sami, kodvwa hhayi kutewuhlunga nome kutewuhlambulula;

Jeremiya 4:12

yebo, umoya lonemandla kakhulu kunaloko uphuma kimi. Manje sengimemetela sigwebo sami kubo.”

Jeremiya 51:1

Naku lokushiwo nguSimakadze, utsi: “Buka la, ngiyawuvusa umoya wembhubhisi usukele iBhabhulona kanye nebantfu baseLebu Khamayi.

Jeremiya 51:36

Ngako-ke, naku lokushiwo nguSimakadze, utsi: “Buka la, ngiyakuyivikela indzaba yakho, ngikubuyiselele; ngiyakomisa lwandle lwelive lemaBhabhulona ngente imitfombo yalo yome.

Hezekeli 17:10

Kona kube bewungahlanyelwa kabusha, bewungaphumelela yini? Ungete wabuna yini uphele, nawushaywa ngumoya wasemphumalanga? Ungete wabuna yini kulendzawo lapho wakhulela khona?’ ”

Hezekeli 19:12

Kodvwa sazuphuneka ngenca yelulaka, salahlwa phansi emhlabatsini. Umoya wasemphumalanga wasomisa, saphundleka titselo taso, emagala aso lacinile abuna, umlilo wawadla.

Danyela 11:8

Uyawutfumba bonkulunkulu babo, netitfombe tabo tetinsimbi, netimphahla tabo letingemagugu tesiliva netegolide, atetfwale aye nato eGibhithe. Kuyawuba sikhatsi lesidze ayiyekele inkhosi yasenyakatfo atimele yedvwa.

Hoseya 10:1

Israyeli abengumvini lowenabako watitselela yena titselo. Satsi sitselo sakhe sisandza, wakha emalati lamanye; latsi live lakhe lisatfutfuka, wahlobisa ematje akhe lakhontwako.

Hoseya 2:3

Ngaphandle kwaloko ngitamhlubula abe ngcunu, ngimente abe ngcunu njengamhlazane atalwa; ngitawumenta abe njengelihlane, ngimgucule abe live leligagadzekile, afe ngekoma.

Hoseya 4:19

Siwunguwungwana siyawubakhukhula sibalahle khashane, nemihlatjelo yabo iyawubatsela ngelihlazo.”

Hoseya 9:11

Bukhulu ba-Efrayimu buyawundiza bemuke njengenyoni, kubete kutalwa kwebantfwana, kubete kutetfwala, kubete ngisho nekubamba sisu.

Jona 4:8

Nakuphuma lilanga, Nkulunkulu walungisa umoya loshisako wasemphumalanga; lilanga lashaya enhloko yaJona, wadzimate waba nesiyeti, wafisa kufa; wase utsi: “Kuncono ngimane ngife kunekutsi ngiphile.”

Nahume 2:9

Phangani isiliva! Phangani igolide! Imphango yinyenti kakhulu, nengcebo isuke kuyo yonkhe imigodzi yayo.

Dutheronomi 33:17

Litubulo lakhe lenkunzi linebukhosi, timphondvo takhe tenyatsi. Ngaletimphondvo uyawudvungulula tonkhe tive kanyekanye, kuze kufike emaphetselweni emhlaba. Banjalo baka-Efrayimu, batinkhulungwane tetinkhulungwane. Banjalo nabakaManase, batinkhulungwane.”