Hoseya 12:9 - Siswati 1996 Bible

⁹ “Mine nginguSimakadze Nkulunkulu wakho, lowakukhipha eGibhithe; ngiyawuphindze ngikwente uhlale emathendeni, njengasetikhatsini temadzili akho lemisiwe.

Hoseya 12:9 Referencias Cruzadas

Genesisi 25:27

Labafana bakhula. Esawu waba ngumtingeli lonelikhono, angumuntfu wasematsafeni, kantsi Jakobe yena abesithuli ahlala ekhaya.

2 Samuweli 7:2

wase ukhuluma kuNathani, umphrofethi, watsi: “Buka la, mine ngihleti kahle esigodlweni lesakhiwe ngemisedari, kodvwa libhokisi lesivumelwane saNkulunkulu lihleti ethendeni.”

Ezra 3:4

Bagubha uMkhosi wemaDlangala, njengobe kubhaliwe, kwentiwa yonkhe iminikelo yekushiswa lekwakufanele yentiwe ngalelo nangalelo langa.

Tihlabelelo 49:7

Impela kute umuntfu longahlenga umnakabo, nome-ke anike Nkulunkulu intsengo yemphilo yakhe.

Tihlabelelo 81:10

Ngimi Simakadze longuNkulunkulu wenu, lowanikhuphula eveni laseGibhithe. Khamisisani imilomo yenu, mine-ke ngitanifunta nginesutsise.

Eksodusi 20:2

“NginguSimakadze Nkulunkulu wenu lowanikhipha eGibhithe, eveni lebugcili.

Taga 30:12

Labanye bantfu bacabanga kutsi bona bahlantekile; kantsi bangcole kakhulu, abakahlantwa.

Jeremiya 35:7

Waphindze watsi futsi: ‘Ningacali nakhe tindlu, nihlanyele inhlanyelo nome tivini. Ningacali nibe nako ngisho nome kunye kwaletintfo, kodvwa kufanele nihlale emathendeni ngato tonkhe tikhatsi. Ngenca yaloko niyawuphila sikhatsi lesidze kulelo live, lapho niyimihambima khona.’

Jeremiya 5:27

Tindlu tabo tigcwele emacebo njengetindlu tetinyoni letigcwele tinyoni; sebaze banjinga baba nemandla,

Hoseya 11:1

“Ngesikhatsi Israyeli asengumntfwana, ngamtsandza, indvodzana yami ngayibita, ngayikhipha eGibhithe.

Hoseya 13:4

“Kodvwa mine nginguSimakadze longuNkulunkulu wakho, lowakukhipha eGibhithe. Animati lomunye Nkulunkulu ngaphandle kwami; kute uMsindzisi ngaphandle kwami.

Hoseya 2:15

Ngulapho-ke ngitambuyisela khona tivini takhe, ngente Sigodzi sase-Akhori sibe ngumnyango welitsemba. Ngulapho-ke lapho ayawuhlabela khona njengasemalangeni akhe ebusha, nanjengalelo langa laphuma ngalo eGibhithe.

Levithikusi 19:36

Nibosebentisa tilinganiso tebudze, netesisindvo kanye netebunyenti letisemtsetfweni. NginguSimakadze, Nkulunkulu wenu, lowanikhipha eGibhithe.

Levithikusi 26:13

Mine nginguSimakadze, Nkulunkulu wenu, lowanikhipha eGibhithe, kuze ningabe nisaba tigcili temaGibhithe. Ngephula tikeyi telijoko lenu, nganenta nahambela etulu nikhululekile.’ ”

Mikha 6:4

Nganikhipha eGibhithe; nganikhipha ebugcilini, ngatfumela boMosi na-Aroni, naMiriyamu kutsi banihole.

Zakhariya 11:5

Batsengi bato bayatihlaba bangete bajeziswa. Labo labatitsengisako, batsi: ‘Akadvunyiswe Simakadze, sesinjingile!’ Ngisho nebelusi bato abanasihawu nato.

Numeri 15:41

NginguSimakadze, Nkulunkulu wenu lowanikhipha eGibhithe, kutsi ngibe nguNkulunkulu wenu. NginguSimakadze, Nkulunkulu wenu.’ ”

Johane 7:2

Bese kusondzele uMkhosi wemaJuda wemaDlangala.