Hoseya 12:6 - Siswati 1996 Bible

⁶ Kodvwa wena kufanele ubuyele kuNkulunkulu wakho, umtsandze, ulalele imitsetfo yakhe, wente intsandvo yakhe, ulindzele Nkulunkulu wakho ngaso sonkhe sikhatsi.

Hoseya 12:6 Referencias Cruzadas

Genesisi 49:18

“Simakadze, ngilindzele insindziso yakho.

Tihlabelelo 123:2

Yebo, njengobe inceku yencike enkhosini yayo, nanjengobe umzanyana encike kumphatsi wakhe, natsi-ke sincike kuSimakadze, longuNkulunkulu wetfu, aze abe nesihawu kitsi.

Tihlabelelo 27:14

Tsemba kuSimakadze, cina ungadzangali, ube nesibindzi. Yebo, tsemba kuSimakadze.

Tihlabelelo 37:7

Thula embikwaSimakadze, umlindzele ngesineke. Ungahawukeli kumuntfu lonotsa ngebucili bakhe.

Eksodusi 3:15

Nkulunkulu waphindze watsi kuMosi: “Ubokhuluma kuma-Israyeli utsi: ‘Simakadze, Nkulunkulu wabokhokho benu, naNkulunkulu wabo-Abrahama, naNkulunkulu wa-Isaka, naNkulunkulu waJakobe, ungitfume kini.’ Leli-ke libito lami phakadze naphakadze, tonkhe titukulwane tiyawungibita kanjalo.

Taga 1:23

Ase nilalele kunitsetsisa kwami; imicabango yami ngitayitfululela kini, nginitjele lokusenhlitiyweni yami.

Taga 21:3

Kwenta kulunga nekungakhetsi kumjabulisa kakhulu Simakadze kunekumentela iminikelo yemihlatjelo.

Isaya 1:16

gezani, nibe ngulabahlantekile. Susani tento tenu letimbi embikwami! Yekelani kwenta lokubi,

Isaya 30:18

Noko Simakadze ulangatelela kangaka kutsi abe nemusa kini. Uyaphakama kutsi anihawukele, ngobe Simakadze nguNkulunkulu lowehlulela ngemtsetfocotfo. Babusisiwe bonkhe labalindzela yena.

Isaya 31:6

Buyelani kuNkulunkulu, nine ma-Israyeli, nine lesenimhlubuke kangaka.

Isaya 40:31

kodvwa labo labetsembele kuSimakadze batfola emandla lamasha. Bayawukhuphuka ngemaphiko njengetinsweti, bayawugijima bangadzinwa, bayawuhamba bangaphelelwa ngemandla.

Isaya 58:6

“Ngiyo lena yini inhlobo yekuzila kudla lengiyikhetsile? Akusiko yini kutfukulula tibopho tebubi, nekukhumula tintsambo telijoko, nekukhulula labacindzetelwe, nekwephula onkhe emajoko?

Isaya 8:17

Ngitawulindzela Simakadze lofihla buso bakhe kuyo indlu yakaJakobe. Ngiyawubeka litsemba lami kuye.

Jeremiya 22:15

“Kukwenta inkhosi yini kuba nemisedari leminyenti? Uyihlo akazange abe nekudla nekwekunatsa yini? Wenta loko lokulungile nalokucotfo, ngako konkhe kwamhambela kahle.

Hezekeli 18:30

“Ngako-ke, awu, wenandlu yaka-Israyeli, ngiyawukwehlulela, ngulowo nalowo ngekwetindlela takhe, kusho iNkhosi Simakadze. Phendvukani! Gucukani kuto tonkhe tiphambuko tenu; khona-ke sono senu ngeke sibe kufa kwenu.

Hoseya 10:12

Ngake ngatsi: ‘Tihlanyeleleni kulunga, nivune titselo temusa longapheli, bese nilima ingcatfo; ngobe sesikhatsi sekufuna Simakadze, adzimate efike ehlisele imvula yekulunga etikwenu.’

Hoseya 14:1

Awu, ma-Israyeli, buyani, nibuyele kuSimakadze Nkulunkulu wenu. Tono tenu ngito letiniwisile.

Hoseya 4:1

Vanini livi laSimakadze, nine ma-Israyeli, ngobe Simakadze usenelicala latanibeka lona, nine lenihlala kulelive, utsi: “Kute kwetsembeka, kute lutsandvo, kute kuphakamisa Nkulunkulu eveni.

Joweli 2:12

Simakadze uyakhuluma utsi: “Namanje phendvukani, nibuye kimi ngenhlitiyo yenu yonkhe, ngekuzila, nangekukhala kanye nangekulila.”

Joweli 2:13

Dzabulani tinhlitiyo tenu, hhayi tembatfo tenu. Buyelani kuSimakadze Nkulunkulu wenu, ngobe unemusa nesihawu, uyephuta kutfukutsela, unelutsandvo loluphuphumako, atsambe, angete ayehlisa inhlekelele.

Amose 4:13

Ngako-ke lalelani! Yena lowo lobumba tintsaba, adale umoya, embule imicabango yakhe kumuntfu, yena lowo logucula intsatsakusa, ayente bumnyama, anyatsele tindzawo letiphakeme temhlaba, nguSimakadze Nkulunkulu longuSomandla libito lakhe.

Amose 5:24

Kodvwa kwenta tintfo ngekungakhetsi akube yintfo legeleta njengemfula, kulunga kube yintfo legeleta njengemfula longashi.

Mikha 6:8

Cha, Simakadze usitjelile lokungukona kukuhle. Lakufunako kitsi ngunaku: Ufuna sente kulunga, siphatsane ngemusa, siphilele Nkulunkulu ngentfobeko.

Mikha 7:7

Kodvwa mine ngitakwetsembela kuSimakadze, ngilindzele Nkulunkulu ngesibindzi, ngobe nguye lotangiphephisa. Nkulunkulu wami utangiva.

Habakhuki 2:3

Ngobe lesembulo silindzele sikhatsi lesimisiwe; sikhuluma ngesiphetfo lesiphutfumako, futsi ngeke sibonakale singemanga. Nome sephutisa nje, silindzele, sona sitawufika nome kanjani, futsi ngeke sephute.

Zefaniya 3:8

Simakadze utsi: “Ngako-ke ngimeleni, ngalelo langa ngiyawuma ngifakaze. Ngincume kuhlanganisa tive, ngibutsele ndzawonye imibuso, bese ngitfululela lulaka lwami etikwato, yonkhe intfukutselo yami leyesabekako. Umhlaba wonkhe uyawubhujiswa ngemlilo wekukhweleta kwentfukutselo yami.

Zakhariya 1:3

Ngako-ke tjela bantfu, utsi: Naku lokushiwo nguSimakadze longuSomandla, utsi: ‘Buyelani kimi,’ kusho Simakadze longuSomandla, ‘nami ngitawubuyela kini,’ kusho Simakadze longuSomandla.

Zakhariya 7:9

“Naku lokushiwo nguSimakadze longuSomandla, utsi: ‘Yehlulelani ngekwemtsetfocotfo, niphatsane ngemusa nangeluvelo kulowo nakulowo.

Zakhariya 8:16

Nati tintfo lokufanele nitente nine: Khulumani liciniso lomunye kulomunye, emasangweni enu nikhiphe sigwebo lesiliciniso nalesiveta kuthula.

Imisebenti yebaPhostoli 2:38

Phetro wabaphendvula watsi: “Phendvukani nibhajatiswe nonkhe ngamunye ngamunye egameni laJesu Khristu, kuze nitsetselelwe tono tenu nemukeliswe nesipho lesinguMoya Longcwele.

Imisebenti yebaPhostoli 26:20

kodvwa ngashumayela kusukela khona eDamaseko, naseJerusalema, nakulo lonkhe laseJudiya nakubetive ngimemetela kutsi abaphendvuke babuyele kuNkulunkulu bente imisebenti lekhombisa kuphendvuka.

YaJakobe 1:27

Kukholwa lokumsulwa lokungenasici embikwaNkulunkulu longuBabe ngunaku: kuhambela tintsandzane nebafelokati elusizini lwabo, nekutigcina ungangcoliswa live.

YaJakobe 2:13

Ngobe kwehlulela akunabo bubele kulowo longenabo bubele; kodvwa bubele buyawucoloshela kwehlulela.