Hoseya 12:4 - Siswati 1996 Bible

⁴ Walwa nengilosi, wayehlula. Wakhala ancenga sibusiso sakhe, wakhandzana naye eBetheli, wakhuluma naye khona lapho,

Hoseya 12:4 Referencias Cruzadas

Genesisi 25:26

Emvakwekuphuma kwalomnakabo, sandla salona lomunye lolandzelako saphuma sibambe sitsendze sa-Esawu, ngako-ke bametsa ngekutsi nguJakobe. Isaka abesaneminyaka lengema-60 nabatalwako.

Genesisi 32:24

kodvwa yena wasala ngemuva. Kwase kufika indvodza labambana nayo, kwadzimate kwadzabuka kusa.

Genesisi 32:25

Yatsi kube ibone lendvodza kutsi iyehluleka kuphunyula kuJakobe, yase imtsintsa enyongeni. Inyonga yaJakobe yenyela solomane tibambene etulu nalendvodza.

Genesisi 32:26

Lendvodza yatsi: “Ngiyekele ngihambe, ngobe sekuyasa.” Jakobe watsi: “Ngingeke ngikuyekele uhambe ungakangibusisi.”

Genesisi 32:29

Jakobe wabuta watsi: “Wena-ke ungubani libito lakho?” Yaphendvula yatsi: “Ufunelani kwati libito lami?” Yase iyambusisa.

Genesisi 35:15

Jakobe wayetsa lendzawo Nkulunkulu abebonakale kuye khona watsi yiBetheli.

Genesisi 48:15

Jakobe wabe sewubusisa Josefa, watsi: “Shangatsi Nkulunkulu wabobabe, lowakhontwa bo-Abrahama na-Isaka, yena loNkulunkulu longihole kuyo yonkhe imphilo yami, kwaze kwaba ngulamuhla, angababusisa labafana.

Tihlabelelo 66:6

Lwandle walugucula lwaba ngumhlabatsi lowomile, bokhokho bewela umfula ngetinyawo. Wotani sijabule kuye.

Isaya 63:9

Kuko konkhe kukhatsateka kwabo naye abekhatsatekile, ingilosi yebukhona bakhe yabasindzisa, ngelutsandvo lwakhe nangemusa wakhe wabahlenga. Wabatsatsa wabetfwala kuwo onkhe emalanga akadzeni.

Malakhi 3:1

“Bukani la, ngiyawutfumela sitfunywa sami, lesiyawulungisa indlela embikwami. Masinyane loSimakadze lenimfunako uyakuta ethempelini lakhe. Yebo, sitfunywa sesivumelwane lenisifisako siyawufika,” kusho Simakadze longuSomandla.

1 kubaseThesalonika 4:17

Lapho-ke tsine lesiyawube siphila ngaleso sikhatsi sisasele siyawuhlwitfwa senyuke sihlangane kanye nabo emafini sihlangabete iNkhosi emoyeni, kuze sihlale neNkhosi njalonjalo.

KumaHebheru 5:7

Asesemhlabeni, Jesu wanikela ngekuthandaza, nangekuncusa, nangekukhala lokukhulu, nangetinyembeti, akhala kulowo lonemandla ekumsindzisa ekufeni, wevakala ngenca yekumesaba Nkulunkulu.