Hoseya 11:8 - Siswati 1996 Bible

⁸ “Ngingakuyekelela kanjani, wena Efrayimu? Ngingakulahla kanjani, wena Israyeli? Ngingakuphatsa kanjani njenga-Adma? Ngingakwenta kanjani ufanane naSeboyimu? Inhlitiyo yami iguculiwe ngekhatsi kwami; sonkhe sihawu sami sivuselelekile.

Hoseya 11:8 Referencias Cruzadas

Genesisi 14:8

Inkhosi yaseSodoma, neyaseGomora, neyase-Adema, neyaseSeboyimu, neyaseBhela leliyiSowari, ahloma aya kulelitsafa laseSidimu,

2 Samuweli 24:16

Kwatsi nje ingilosi yaSimakadze nayelula sandla sayo seyitawubhubhisa iJerusalema, Simakadze wadzabuka, nakabona lobusacasaca bekufa kwesive sakhe, wase ukhuluma kulengilosi yakhe leyayibulala labantfu, watsi: “Sekwenele! Susa sandla sakho!” Ngaleso sikhatsi lengilosi yaSimakadze yase ime ebaleni lekubhulela kolo laka-Arawuna, umJebhusi.

1 Emakhosi 3:26

Lomfati longumnikati walomntfwana wafikelwa ngimihelo ngenca yalomntfwanakhe, wakhuluma enkhosini watsi: “Ngiyacela, nkhosi yami, mane sale umnika yena lomntfwana lophilako! Ungambulali!” Kodvwa lona lomunye watsi: “Akubete lomtsatsako kitsi sobabili. Mhlahleleni ekhatsi!”

2 Emakhosi 13:23

Kodvwa Simakadze waba nemusa nabo, waba nesihawu, wabanakekela ngenca yesivumelwane sakhe na-Abrahama, na-Isaka, naJakobe. Kuze kube ngulamuhla akakavumi kubabhubhisa abacoshe ebukhoneni bakhe.

2 Tikhronike 36:15

Simakadze Nkulunkulu waboyisemkhulu watfumela livi kubo ngetitfunywa takhe emahlandla lamanyenti, ngobe abebadzabukela bantfu bakhe nendzawo yakhe yekuhlala.

Tihlabelelo 106:45

Wabevela, wasikhumbula sivumelwane sakhe, ngenca yemusa wakhe lomkhulu wabuye wabahawukela.

Isaya 16:11

Inhlitiyo yami ililela iMowabi, ikhala njengelihabhu, lingekhatsi lami lilila ngeKhiri Heresi.

Isaya 63:15

Buka phansi usezulwini lakho, ubone, usesihlalweni sakho sebukhosi lesingcwele. Kuphi kushisekela kwakho nemandla akho? Kunakekela kwakho nesihawu sakho kugodliwe kitsi.

Jeremiya 18:8

nangabe futsi leso sive lengisecwayisile siphendvuka ebubini baso, ngiyawube sengiyasiyekela, ngingabe ngisasehlisela leso sehlakalo lebesengisilungisele sona.

Jeremiya 3:12

Hamba, umemetele lombiko ngasenyakatfo utsi: “ ‘Buya Israyeli longaketsembeki,’ kusho Simakadze. ‘Ngingeke ngisaphindza ngikuswacele, ngobe nginemusa,’ kusho Simakadze. ‘Ngingeke ngisakutfukutselela siphelane.

Jeremiya 31:20

Efrayimu akasiyo yini indvodzana yami letsandzekako, umntfwana lengijabulako ngaye? Nome ngivamise kukhuluma ngimelane naye, kodvwa noko ngisamkhumbula. Ngako-ke inhlitiyo yami iyamlangatelela; nginesihawu lesikhulu ngaye,” kusho Simakadze.

Jeremiya 42:10

‘Nanihlala kulelive, ngitawunakha nginganibhidliti; ngiyawunihlanyela nginganizuphuni, ngobe ngidzabuke kabi ngalenhlekelele lengiyehlisele etikwenu.

Jeremiya 9:6

Wena uhlala emkhatsini wemanga odvwa, ngalamanga abo bayala kungemukela,” kusho Simakadze.

Jeremiya 9:7

Ngako-ke naku lokushiwo nguSimakadze longuSomandla, utsi: “Buka la, ngitabavivinya ngibacolisise, ngobe yini lenye lengingayenta macondzana nesono sebantfu bami?

Sililo 1:20

“Awu Simakadze, buka nje kutsi ngihlupheke kangakanani! Ngisemalahleni lapha ngekhatsi, inhlitiyo yami ikhatsatekile, ngobe bengingulelikhulu lihlubuka. Ngephandle, inkemba iyabulala; ngekhatsi ekhaya, kunekufa kodvwa.

Sililo 3:32

Nome akuletsa kudzabuka, kodvwa uyawubuye ahawukele, lukhulu kangako-ke lutsandvo lwakhe.

Sililo 3:33

Ngobe bantfu akabahluphi ngobe atsandza kubevisa buhlungu nome-ke kubadzabukisa.

Hezekeli 33:11

Khuluma kubo utsi: ‘Ngifunga kuphila kwami, kusho iNkhosi Simakadze, angikujabuleli kufa kwalomubi, kodvwa ngitsandza kutsi agucuke etindleleni takhe letimbi aphile. Gucukani! Gucukani etindleleni tenu letimbi! Ningafelani, ninendlu yaka-Israyeli?’

Hezekeli 6:9

Kuyawutsi-ke etiveni lapho bebatfunjelwe khona, labo labaphunyulile bangikhumbule, kutsi ngeva buhlungu kanjani ngalokungihlubuka kwabo ngetinhlitiyo tabo, bakhonta labanye bonkulunkulu, besuka kimi, ngeva buhlungu nangemehlo abo labukeka akhanuka tithico tabo. Bayawutenyanya kwabona ngalobubi labayawube babentile, nangato tonkhe tintfo tabo letinengekako labatentako.

Hoseya 6:4

“Ngingentani ngawe, Efrayimu? Ngingentani ngawe, Juda? Lutsandvo lwenu lufanana nenkhungu yasekuseni, lunjengematolo asekuseni lanyamalalako.

Hoseya 7:1

nase ngifuna kuphilisa Israyeli, tono ta-Efrayimu tibekwa ebaleni, nemacala eSamariya ayembulwa. Benta emacebo, emasela agcekeze tindlu, tigebengu tibamba inkunzi etitaladini;

Amose 4:11

“Labanye benu ngababhubhisa njengaloku ngabhubhisa iSodoma neGomora. Nanifanana nendvuku leshako, lehlwitfwe emlilweni; noko anikabuyeli kimi,” kusho Simakadze.

Amose 7:3

Simakadze wase uyayekela, watsi: “Loko kungeke kusenteka.”

Amose 7:6

Ngako Simakadze wase uyayekela, watsi: “Naloku kungeke kusenteka nako.”

Mikha 5:3

Ngako Simakadze lesive sakhe uyawusiyekelela etitseni taso, kuze kufike sikhatsi sekutalwa kwendvodzana. Kuyawutsi bonkhe bakubo, labayawube basakatekile batfumbeka, bahlanganiselwe ndzawonye babe sive sinye.

Zefaniya 2:9

Ngako-ke, kuphila kwami,” kusho Simakadze Somandla, longuNkulunkulu wema-Israyeli, “impela Mowabi uyawuba njengeSodoma, nema-Amoni abe njengeGomora, indzawo yelukhula nemigodzi yeluswayi, live lelilihlane phakadze naphakadze. Insali yesive sami iyawubaphanga; besive sami labayawusala bayawulidla live labo.”

Matewu 23:37

“Jerusalema, Jerusalema! Wena lobulala baphrofethi, ubagcobe ngematje labatfunywe kuwe! Kukangaki ngifisa kubutsela ndzawonye bantfu bakho, njengesikhukhukati sifukamela emantjwele aso, kodvwa awuzange sewungivumele!

Dutheronomi 29:22

“Bantfwabenu labayawunilandzela etitukulwaneni letitako nebetive labayawube bavela emaveni lakhashane, bayawutibona letigemegeme letehlela kulelive; netifo Simakadze latehlisela kulo.

Dutheronomi 29:23

Live lonkhe liyawuba luswayi lolungenamsebenti lolubhadlako nesibabule. Kute lokuyawuhlanyelwa, kute lokuyawumila, kute nakunye lokuluhlata lokuyawuhluma kulelo live. Kuyawufanana nekubhujiswa kweGomora neSodoma, i-Adma neSeboyimu, Simakadze lakubhubhisa ngalolulaka lolwesabekako.

Dutheronomi 32:36

Simakadze uyawusehlulela sive sakhe. Unesihawu etincekwini takhe, nase abone kutsi emandla ato aphelile, sekute namunye losasele, sigcili nome lokhululekile.

2 yaPhetro 2:6

Emadolobha aseSodoma naseGomora Nkulunkulu wawalahla ngelicala, wase uwabhubhisa ngemlilo, aphela nya, aba ngumlotsa; wawenta aba sibonelo kulabo labangayiwumesaba Nkulunkulu.

YaJuda 1:7

Khumbulani futsi iGomora neSodoma nemadolobha labekakhelene nawo. Bantfu balawo madolobha nabo balingisa letingilosi. Emadvodza abelalana odvwana ngendlela lengazange seyibonwe nalephambene nemvelo ehlelwa sijeziso lesimatima, umlilo longacimeki; aba secwayiso.

Sembulo 11:8

Tidvumbu tabo tiyawulala esitaladini selidolobha lelikhulu lelibitwa ngekufanekisa kutsi yiSodoma neGibhithe, lapho iNkhosi yabo yabetselwa khona.

Sembulo 18:18

Bakhala nababona iphakama lentfutfu yekusha kwalelidolobha batsi: ‘Kute lidolobha lelikhulu lelase laba ngangalo!’

Tikhulu 10:16

Base bayabesusa bonkulunkulu betive lababesemkhatsini wabo, bakhonta Simakadze. Inhlitiyo yakhe yase iyatsintseka ngenca yekukhala kwesive sema-Israyeli.