Hoseya 11:11 - Siswati 1996 Bible

¹¹ Bayawuta batfutfumela njengetinyoni tiphuma eGibhithe, nanjengematuba aphuma e-Asiriya. Ngiyawubahlalisa emakhaya abo,” kusho Simakadze.

Hoseya 11:11 Referencias Cruzadas

Isaya 11:11

Ngalelo langa Simakadze uyakwelula sandla sakhe kwesibili atibutsele imisalela yesive sakhe leyawube isasele e-Asiriya, naseGibhithe Lengentansi, neGibhithe Lengenhla, naseKushe, nase-Elamu, naseBhabhulona, naseHamathi, nasemaveni langaselwandle.

Isaya 60:8

“Bobani laba labandiza etulu njengemafu, nanjengematuba aya etidlekeni tawo?

Jeremiya 31:12

Bayawufika bamemete ngenjabulo eticongweni tentsaba yaseSiyoni; bayawutfokota ngekwephana kwaSimakadze: lokusatinhlavu, neliwayini lelisha, nemafutsa, nemazinyane emihlambi yetimvu netimbuti, nemankhonyane emihlambi yetinkhomo. Bayawufanana nengadze leniselwa kahle, bangeke baphindze babe lusizi.

Hezekeli 34:27

Tihlahla tesiganga tiyawutsela titselo tato, nemhlaba umilise tilimo tawo; bantfu bayawuhlala baphephile eveni labo. Bayawukwati kutsi mine nginguSimakadze, nase ngephula lijoko labo lensimbi, ngibephula etandleni talabo lababagcilatile.

Hezekeli 34:28

Bangeke baphiindze baphangwe tive, netilwane tesiganga futsi tingeke tiphindze tibashwabudzele. Bayawuhlala baphephile, kute futsi loyawubesabisa.

Hezekeli 37:21

bese-ke uyabatjela kutsi: ‘Naku lokushiwo yiNkhosi Simakadze, itsi: Ngitawubutsa sonkhe sive sami saka-Israyeli kuto tonkhe tive lapho sahlakatekela khona, ngisibutsele ndzawonye ngize ngisibuyisele eveni lelingelaso.

Hezekeli 37:25

Bayawuhlala eveni lengalipha inceku yami Jakobe, live lapho kwakuhlala khona boyihlomkhulu. Bona kanye nebantfwababo, kanye nebantfwana bebantfwababo, bayawuhlala lapho phakadze naphakadze; naDavide, inceku yami, uyawuba yinkhosi yabo phakadze naphakadze.

Hoseya 3:5

Emvakwaloko ema-Israyeli ayawuphendvuka afune Simakadze, Nkulunkulu wawo, naDavide, inkhosi yawo. Bayawubuyela batitfobe kuSimakadze nakuto tibusiso taSimakadze ngemalanga ekugcina.

Hoseya 7:11

“Efrayimu ufanana nelituba, usheshe ayengeke, akanangcondvo. Bacela lusito eGibhithe, baze babalekele e-Asiriya!

Obadiya 1:17

“Kodvwa eNtsabeni iSiyoni kuyawuba nenkhululeko; kuyawuba yindzawo lengcwele. Umndeni wakaJakobe uyawulidla lelive lekulifa lawo.

Zakhariya 10:10

Ngiyawubabuyisa besuke kulaseGibhithe, ngibabutse kulase-Asiriya. Ngiyawubayisa kaGileyadi naseLebanoni, lapho bayakweswela nendzawo yekuhlala.

Zakhariya 8:7

Naku lokushiwo nguSimakadze longuSomandla, utsi: “Ngiyawubasindzisa bantfu bami eveni langasemphumalanga nakulo langasenshonalanga.

Zakhariya 8:8

Ngiyawubabuyisa batewuhlala eJerusalema; bayawuba bantfu bami, nami ngibe nguNkulunkulu wabo ngekwetsembeka nangekulunga.”