Hoseya 10:8 - Siswati 1996 Bible

⁸ Tindzawo letiphakeme tebubi tiyawubhujiswa, leso sono sa-Israyeli. Emanyeva nemitfuma kuyawukhula kumbonye emalati abo. Bayawube sebakhuluma etintsabeni batsi: “Simbonyeni!” nasemagcumeni batsi: “Dzilikelani etikwetfu!”

Hoseya 10:8 Referencias Cruzadas

Genesisi 3:8

Ekupholeni kwelilanga beva Nkulunkulu Simakadze ahambahamba ensimini; bo-Adamu nemkakhe bambhacela Nkulunkulu Simakadze emkhatsini wetihlahla tensimi.

1 Emakhosi 13:2

Lomuntfu wakhala asola lilati ngekuyalwa nguSimakadze, watsi: “Maye, lilati! Lilati! Naku lokukhulunywa nguSimakadze: ‘Indvodzana letakutsiwa nguJosaya libito layo, itawutalwa emndenini waDavide. Etikwakho utakwenta umhlatjelo ngebaphristi labakhonta bonkulunkulu etindzaweni letiphakeme, bona laba labenta umnikelo lapha etikwakho, ematsambo ebantfu atawushiselwa lapha etikwakho.’ ”

1 Emakhosi 13:34

Lesi kwaba sono sendlu yakaJerobowamu lokungusona sabangela kutsi indlu yakhe yonkhe ibhubhe iphele ingasabikho emhlabeni.

1 Emakhosi 14:16

Simakadze utasiyekelela sive saka-Israyeli ngenca yetono letentiwe nguJerobowamu, leto ladvonsela ngato sive saka-Israyeli ekoneni.”

2 Emakhosi 23:15

Ngisho nelilati laseBetheli lekwakuyindzawo lephakeme leyayakhiwe nguJerobowamu, umsa waNebati, lowenta Israyeli kutsi one, nalo lelo lati nalendzawo lephakeme wakubhidlita. Washisa lendzawo lephakeme, wayigaya yaba yimphuphu, washisa nalensika ya-Ashera futsi.

2 Tikhronike 31:1

Kwatsi kube kuphele konkhe loko, ema-Israyeli labekhona lapho aphumela kuwo onkhe emadolobha akaJuda, abhidlita ematje lekwakutsiwa angcwele, agawula naletinsika ta-Ashera, atilahla phansi. Abhubhisa naletindzawo letiphakeme tekukhontela tithico kanye nemalati kulo lonkhe lakaJuda nelakaBhenjamini, nelaka-Efrayimu kanye nelakaManase. Kwatsi nase bakubhubhise konkhe loko baka-Israyeli, base babuyela bonkhe emadolobheni abo nasemafeni abo.

Isaya 2:19

Bantfu bayawubalekela emigedzeni yasemadvwaleni, nasemigodzini lesemhlabatsini, babalekele kwesabeka kwaSimakadze nebumengemenge bebukhosi bakhe, nakasukumela kunyakatisa umhlaba.

Isaya 2:21

Bayawubalekela emihumeni lesemadvwaleni kanye naseticongweni tetihhehle, babalekela kwesabeka kwaSimakadze nebumengemenge bebukhosi bakhe, nakasukumela kunyakatisa umhlaba.

Isaya 32:13

nangenca yelive lesive sami, live lelene emanyeva netinchachabutane, yebo, lilelani tonkhe tindlu tekutijabulisa kanye nalelidolobha lekutijabulisa.

Isaya 34:13

Emanyeva ayakwehlula tigodlo talo, emanyeva netinchachabutane kunyatsele tinqaba talo. Kuyawuba yindzawo yekujangaza timphungutja, nelikhaya letahhukulu.

Hoseya 10:2

Inhlitiyo yabo iyakhohlisana, manje sekufanele baletfwale licala labo. Simakadze utawephula emalati abo, abhidlite nalamatje abo lakhontwako.

Hoseya 10:5

Bantfu labahlala eSamariya bayalesabela, lelitfole lelisithico saseBhethi Aveni. Bantfu balo bayawulililela, kanjalo nebaphristi balo labalikhontako, labo lababetsakasele inkhatimulo yalo yegolide, bayawulililela ngobe itsatfwe kubo yayiswa ekutfunjweni.

Hoseya 10:9

“Kusukela ngesikhatsi saseGibeya, awu Israyeli, seloku niyona, futsi seloku nisachubeka niyona.” Imphi ingeke ibakhandze yini lababi eGibeya?

Hoseya 2:6

Ngako-ke ngiyakuyivimba indlela yakhe, ngiyivale ngemahlahla emanyeva; ngiyawumvimbetela, kuze angasayitfoli nendlela.

Hoseya 4:13

Banikela imihlatjelo eticongweni tetintsaba, bashise iminikelo emagcumeni, ngaphansi kwema-okhi, nangaphansi kwemabhabhabhulomu nematherebinte, lapho kunemtfunti lomnandzi khona. Ngako-ke emadvodzakati enu agucukela ebugwadleni, nabomalukatane benu baphinga.

Hoseya 4:15

“Awu Israyeli, nome sewuphinga kangaka nje, ningamenti Juda abe nelicala naye. “Ningayi eGilgali; ningayi eBhethi Aveni. Ningafungi futsi nitsi: ‘Kuphila kwaSimakadze!’

Hoseya 5:8

“Khalisani impalampala eGibeya, nishaye licilongo eRama. Hlabani inyandzaleyo eBhethi Aveni, nitsi: Awu, Bhenjamini, basemvakwakho.

Hoseya 8:5

Awu, Samariya, silahle lesithico sakho selitfole! Intfukutselo yami iyanivutsela, kuyawudzimate kube ngunini solomane nehluleka kuba ngulabamsulwa?

Hoseya 9:6

Ngisho nome bangaphunyula ekubhujisweni, iGibhithe iyawubabutsela ndzawonye, iMemfisi ibangcwabe. Emagugu abo esiliva ayawumbonywa ngumena wetinchachabutane, nemanyeva ayawumbonya emathende abo.

Amose 1:5

Ngitawubhidlita emasango aseDamaseko, ngibhubhise inkhosi leseSigodzini sase-Aveni, nalowo lophetse indvuku yebukhosi eBhethi Edeni. Sive semaSiriya sitawutfunjelwa eKhiri,” kusho Simakadze.

Amose 3:14

“Mhlazana ngijezisa ema-Israyeli ngenca yetono tawo, ngiyawubhidlita emalati aseBetheli, netimphondvo telilati tiyawujutjwa tilahleke phansi.

Amose 7:9

“Tindzawo letiphakeme taka-Isaka tekukhontela tithico tiyawubhujiswa, netindlu taka-Israyeli tekukhontela bonkulunkulu tiyawubhidlitwa. Ngenkemba yami ngiyawuvukela indlu yakaJerobowamu.”

Amose 8:14

Labo labafunga ngetithico taseSamariya nome batsi: ‘Ngekuphila kwankulunkulu wakho, Dani,’ nome: ‘Ngekuphila kwankulunkulu wakho, Bherisheba,’ bayakuwa phansi, bangaphindzi bavuke.”

Mikha 1:13

Nine lenihlala eLakhishi, bophelani emahhashi enu etincoleni, ngobe ngini lenaholela iSiyoni esonweni, tono ta-Israyeli takhandzakala kini.

Mikha 1:5

Konkhe loku kuyakwenteka, ngobe Israyeli onile wahlubuka kuNkulunkulu. Empeleni nje ngubani lekufanele asoleke ngenca yekuhlubuka kwa-Israyeli? Vele, yiSamariya. Ngubani lonelicala lekukhonta tithico kaJuda? Vele, yiJerusalema matfupha.

Nahume 3:11

Nawe-ke, Nineve, utawudzakwa, uhambe uyekubhaca, ufune kukhoseliswa titsa.

Lukha 23:30

“Ngaleso sikhatsi bayakutsi etintsabeni: “ ‘Welani etikwetfu!’ Nasemagcumeni batsi: ‘Simbonyeni!’

Dutheronomi 9:21

Ngaphindza ngatsatsa leyontfo yenu lesono, litfole lenase nilentile, ngalishisa emlilweni. Ngaligaya laba yimphuphu lecolisakele njengelutfuli, ngatsela lolutfuli kulomfula lowawugeleta, wehla kulentsaba.

Sembulo 6:16

Bamemeta tintsaba nemadvwala batsi: “Welani etikwetfu, nisifihle ebusweni balowo lohleti esihlalweni sebukhosi, naselulakeni lweliWundlu,

Sembulo 9:6

Kulawo malanga bantfu bayawukufuna kufa, kodvwa bangete bakutfola; bayawufisa kutsi bafe, kodvwa kufa kuyakubabalekela.