Hoseya 10:3 - Siswati 1996 Bible

³ Bayawube sebayakhuluma batsi: “Asinayo inkhosi, ngobe asizange simhloniphe Simakadze. Kodvwa nome ngabe besinayo inkhosi, beyitasentela ini?”

Hoseya 10:3 Referencias Cruzadas

Genesisi 49:10

Bukhosi bungeke busuke esandleni saJuda. Titukulwane takhe tiyawubusa njalonjalo, tive tiyakwetfula kuye timlalele.

2 Emakhosi 15:13

Shalumi, umsa waJabeshi, waba yinkhosi ngemnyaka wema-39 wekubusa kwa-Uziya, inkhosi yakaJuda; wabusela eSamariya inyanga yaba yinye.

Tihlabelelo 118:9

Kuncono kuphephela kuSimakadze kunekwetsembela emakhosini.

Tihlabelelo 12:4

Shangatsi Simakadze angabajuba tilwimi laba labakhuluma bachoshe batsi: “Sigabe ngelulwimi lwetfu sitawutikhulumela, iphi leyo nkhosi lengasikhona tsine?”

Isaya 5:19

maye kulabo labatsi: “Nkulunkulu akasheshise, akaphangise umsebenti wakhe, khona sitewubona. Longcwele waka-Israyeli akakwente masinyane loko latimisele kukwenta, khona sitekwati.”

Hoseya 10:15

Awu, Betheli, kuyakwenteka kona loko-ke nakuwe, ngobe bubi bakho bukhulu. Kuyawutsi kusa ngalelo langa, inkhosi yaka-Israyeli iyawube seyibhujiswe yaphela.”

Hoseya 10:7

ISamariya nenkhosi yayo kuyawuphephuka njengelusaba lwemuka etikwemanti emfula.

Hoseya 11:5

“Bangeke yini babuyele eGibhithe, yona i-Asiriya ingeke yini ibuse etikwabo, njengobe naku bayala kuphendvuka?

Hoseya 13:10

Iphi inkhosi yakho, kuze itewukusindzisa? Tiphi tikhulu takho kuwo onkhe lamadolobha akho lowakhuluma ngato, watsi: ‘Nginike inkhosi netikhulu’?

Hoseya 13:11

Ngako ngekutfukutsela kwami nganinika inkhosi, nangelulaka lwami ngaphindze ngayisusa.

Hoseya 3:4

Ngako ema-Israyeli asetawuhlala emalanga lamanyenti angenambusi, angenankhosi, angenamhlatjelo nome ematje langcwele, angenasidziya sebaphristi nome sithico.

Mikha 4:9

Nikhalelani kakhulu kangaka? Yini nikhale nijilajile njengemfati aphetfwe ngumhelo? Kungobe anisenayo yini inkhosi, nebaholi benu sebafile yini?

Johane 19:15

Bamemeta kakhulu batsi: “Msuse! Msuse! Mbetsele esiphambanweni!” Philatu wababuta watsi: “Ngibetsele inkhosi yenu esiphambanweni?” Baphristi labakhulu bamphendvula batsi: “Site tsine lenye inkhosi ngaphandle kwaKhesari!”

1 Samuweli 12:25

Kodvwa nanichubeka ekwenteni lokubi, nine kanye nenkhosi yenu, niyawubhubha nonkhe.”