Hoseya 10:14 - Siswati 1996 Bible

¹⁴ kudvuma kwemphi kuyawusuka kumelane nebantfu benu, khona kutewutsi tonkhe tinqaba tenu tibhidlitwe, njengobe Shalmani abhidlita iBhethi Abeli ngelilanga lemphi, mhlazana bomake baphihlitwa phansi emhlabatsini kanye nebantfwababo.

Hoseya 10:14 Referencias Cruzadas

Genesisi 32:11

Ngicela kutsi umane ungephule esandleni semnaketfu Esawu, ngobe ngiyamesaba, kutsi angahle angihlasele abulale bantfwana kanye nabonina.

2 Emakhosi 17:16

Bayifulatsela yonkhe imiyalo yaSimakadze Nkulunkulu wabo, batakhela tabo tithico letimbili letimise kwematfole, batakhela nensika ya-Ashera. Bakhotsama tinkhanyeti, bakhonta sithico saBhali.

2 Emakhosi 17:3

Shalmaneseri, inkhosi yase-Asiriya, wakhuphuka watawuhlasela Hosheya, labengumuntfu longaphansi kwakhe, atsela kuye umtselo.

2 Emakhosi 18:33

Ukhona yini nkulunkulu wanome ngusiphi sive lowake wakhulula live lakhe esandleni senkhosi yase-Asiriya?

Isaya 17:3

Lidolobha leliyinqaba liyawunyamalala kulaka-Efrayimu, kuphele nebukhosi bendlunkhulu yaseDamaseko. Insali yaseSiriya iyawuba njengebukhosi baka-Israyeli,” kusho Simakadze longuSomandla.

Isaya 33:14

Toni taseSiyoni tiyatfutfumela, kutfutfumela kubabambile labangamesabi Nkulunkulu: “Ngubani emkhatsini wetfu longahlala nemlilo locotfulako? Ngubani emkhatsini wetfu longahlala nekuvutsa kwaphakadze?”

Jeremiya 13:14

Ngitabashayanisa lomunye kulomunye, boyise nemadvodzana ngalokufananako, kusho Simakadze. Ngingeke ngisivumele sihe nome sihawu nome luvelo kutsi kungivimbele ngingababhubhisi.’ ”

Jeremiya 48:41

Emadolobha atawutfunjwa, kudliwe netinqaba tawo. Ngalelo langa tinhlitiyo tetihlabani takaMowabi tiyawufanana nenhlitiyo yemfati nasaphetfwe ngumhelo.

Hoseya 10:15

Awu, Betheli, kuyakwenteka kona loko-ke nakuwe, ngobe bubi bakho bukhulu. Kuyawutsi kusa ngalelo langa, inkhosi yaka-Israyeli iyawube seyibhujiswe yaphela.”

Hoseya 13:16

Bantfu baseSamariya kufanele batitfwalele licala labo, ngobe bamhlubukile Nkulunkulu wabo. Bayawubulawa ngenkemba; tinswane tabo tiyawusacatwa phansi emhlabatsini, labakhulelwe babo bahhujutwe tisu.”

Amose 3:14

“Mhlazana ngijezisa ema-Israyeli ngenca yetono tawo, ngiyawubhidlita emalati aseBetheli, netimphondvo telilati tiyawujutjwa tilahleke phansi.

Amose 3:8

Nakubhodla libhubesi, ngubani longahlala angesabi? INkhosi Simakadze seyikhulumile, ngubani longahlala angaphrofethi?

Amose 9:5

INkhosi Simakadze lenguSomandla, yona letsintsa umhlaba bese uyancibilika, kutsi bonkhe labahlala kuwo balile, live lonkhe likhukhumuke njengeNayili, liphindze libotje njengalomfula waseGibhithe,

Mikha 5:11

Ngiyawubhubhisa emadolobha elive lakho, ngidzilite tonkhe tinqaba takho.

Nahume 3:10

Noko, yatfunjwa yesuswa eveni layo, yadzingiswa. Bantfwabayo labancane bashaywa baphihlitwa kuwo onkhe emakona etitaladi, baholi bayo bashayelwa inkatho; bonkhe bahlonishwa bayo baboshwa ngetinketane.

Nahume 3:12

Tonkhe tinqaba takho tinjengemikhiwa lenemakhiwa ayo ekucala lasavutsiwe; nangabe inyakatiswa, lamakhiwa adzilikela emlonyeni walowo lowadlako.

Habakhuki 1:10

BaseBhabhulona basive lesiphukuta emakhosi, sihlekise ngebabusi. Siwahleka onkhe emadolobha latinqaba; sakha lutsango lwemhlabatsi lwekuvimbetela, siwahlasele siwadle.