Hoseya 10:11 - Siswati 1996 Bible

¹¹ “Efrayimu ulitfokati leliceceshiwe, lelikutsandzako kubhula emabele; ngako ngiyawubeka lijoko entsanyeni yakhe lenhle. Ngiyawubopha Efrayimu, Juda kufanele alime, Jakobe advube umhlabatsi.

Hoseya 10:11 Referencias Cruzadas

Isaya 28:24

Umlimi nakalima atawuhlanyela, uyaye alibale kulima yini? Vele, ulibala kugucula yini ahhalige umhlaba wakhe?

Jeremiya 28:14

Naku lokushiwo nguSimakadze longuSomandla, Nkulunkulu wema-Israyeli, utsi: Ngitawubeka lijoko lensimbi entsanyeni yaletive kuze titewukhonta Nebukhadnezari, inkhosi yaseBhabhulona, futsi tiyawuhlehla kuye. Futsi ngitamnika abuse ngisho netilwane tesiganga.’ ”

Jeremiya 46:20

“IGibhithe ilitfokati lelihle kakhulu, kodvwa siyeta sibawu lesitayihlasela, sita sichamuka enyakatfo.

Jeremiya 50:11

“Njengobe nijabula futsi nitsakase, nine leniphanga lifa lami, njengobe niyatjakadvula njengesitfokati nasibhula kolo, ninhinhile njengetinkunzi temahhashi,

Hoseya 11:4

Ngabadvonsa ngetintsambo temusa webuntfu, ngetibopho telutsandvo; ngaphakamisa lijoko entsanyeni yabo, ngagobondzelela kubo, ngabafunta.

Hoseya 2:5

Unina abengaketsembeki, wabemitsa ngekwelihlazo, watsi: ‘Ngitawulandzela emashende ami, labo labangipha kudla kwami nemanti ami, insontfo yami, nelineni yami, emafutsa ami kanye nesinatfo sami.’

Hoseya 3:1

Simakadze wakhuluma kimi watsi: “Hamba, uphindze umtsandze umkakho, lite nome asatsandvwe ngulomunye futsi, ayingwadla. Mtsandze wena njengobe Simakadze atsandza ema-Israyeli, kwala nome sebagucukele kulabanye bonkulunkulu, batsandza emacebelengwane emagelebisi lomisiwe.”

Hoseya 4:16

Ema-Israyeli anenkhani, anjengesitfokati lesinenkhani. Pho, Simakadze angabelusa kanjani njengemazinyane etimvu lasedlelweni?

Hoseya 9:1

Awu, Israyeli, ungajabuli; ungatsakasi njengaletinye tive. Ngobe nine aniketsembeki kuNkulunkulu wenu. Nitsandza inkhokhelo yebugwadla bekukhonta tithico; nifuna kukhokhelwa kuwo onkhe emabala ekubhulela kolo.

Mikha 4:13

Simakadze utsi: “Sive saseJerusalema, hambani nijezise titsa tenu, nitibhule njengemabele! Ngiyakunenta nibe nemandla njengenkunzi lenetimphondvo letiyinsimbi ibe nemasondvo elitfusi. Niyawucotfula tive letinyenti, bese kutsi umcebo letatiwutfole ngendluzula niwuletse kimi, mine Simakadze, iNkhosi yemhlaba wonkhe.”

KubaseRoma 16:18

Ngobe labo labenta njalo, abakhonti yena Khristu iNkhosi yetfu, kodvwa bakhonta tisu tabo; nangemavi lamahle nalamnandzi bayenga tinhlitiyo talabo labangakahlakaniphi.

Dutheronomi 25:4

“Ungayifaki sifonyo inkhabi, nayibhula kolo.”