Hoseya 10:1 - Siswati 1996 Bible

¹ Israyeli abengumvini lowenabako watitselela yena titselo. Satsi sitselo sakhe sisandza, wakha emalati lamanye; latsi live lakhe lisatfutfuka, wahlobisa ematje akhe lakhontwako.

Hoseya 10:1 Referencias Cruzadas

1 Emakhosi 14:23

Batakhela tindzawo letiphakeme tekukhonta tithico, netinsikamatje tato lekwakutsiwa tingcwele kanye netinsika ta-Ashera eticongweni tato tonkhe tintsaba letiphakeme nangaphansi kwato tonkhe tihlahla letendlala emagala ato.

Jeremiya 11:13

Ninabonkulunkulu labanyenti labangangalamadolobha enu, nine maJuda; nalamalati leniwamisele kutfuncisa imphepho kuwo, niyitfuncisele sithico lesilihlazo lesinguBhali, manyenti angangetitaladi taseJerusalema.’

Jeremiya 11:17

Simakadze Somandla lowakuhlanyela, sewukumisele inhlekelele, ngobe indlu yaka-Israyeli nendlu yakaJuda tente lokubi tangicunula, ngatfukutsela ngekutfuncisa kwato imphepho kuBhali.

Jeremiya 2:28

Baphi kantsi labonkulunkulu benu lenatentela bona? Abete phela, nangabe banganisindzisa nanisekuhluphekeni! Maye Juda, ninabonkulunkulu labanyenti ngangemadolobha enu.

Hoseya 12:11

Gileyadi ukhohlakele yini? Bantfu bakhe akusibantfu balutfo! Bayayenta imihlatjelo yetinkunzi eGilgali, ngako-ke emalati abo ayawufanana netincumbi tematje lasensimini lelinyiwe.

Hoseya 12:8

Efrayimu uyatigabatisa, utsi: “Nginjinge kakhulu; senginemfuyo lenyenti. Ngalobunjinga bami bonkhe bangeke bakutfole lokubi nome sono kimi.”

Hoseya 13:15

Ngisho nome angahluma njengembali emkhatsini wetinhlanga, umoya waSimakadze, wangasemphumalanga, uyakuta, uhhusha uchamuka ngasehlane, umtfombo waka-Efrayimu uyawuphelelwa ngemanti, nesicobho sakhe some. Likamelo lakhe lekulondvolota liyawuphangwa tonkhe tintfo talo letingemagugu.

Hoseya 13:2

Manje bachubeka nako kona; batentela tithico ngesiliva yabo, titfombe letakhiwe ngekuhlakanipha lokukhulu. Konkhe kungumsebenti wencondzi yetekubata. “Benta imihlatjelo ngebantfu bange letithico letimise kwematfole.”

Hoseya 13:6

Ngatsi nangibondla emadlelweni lamahle, besutsa; batsi kube besutse, base bayatigabatisa, base bayangikhohlwa.

Hoseya 2:10

Ngako nyalo sengitabungcunula lobubheva bakhe, embikwemashende akhe abuka; kute lotamephula lapha etandleni tami.

Hoseya 2:8

Usengakatsandzi kuvuma kutsi kwakungimi lona lowamnika kudla lokutinhlavu, neliwayini lelisha, nemafutsa, lowatfululela kuye isiliva negolide, lababekusebentisa kuBhali.

Hoseya 3:4

Ngako ema-Israyeli asetawuhlala emalanga lamanyenti angenambusi, angenankhosi, angenamhlatjelo nome ematje langcwele, angenasidziya sebaphristi nome sithico.

Hoseya 4:7

Ngekwandza kwebaphristi kanjalo kwandza nekona kwabo kimi, ngitakwenanisa ngebukhosi babo batselwe lihlazo.

Hoseya 8:11

“Lite nome Efrayimu akhe emalati lamanyenti eminikelo yesono, lamalati asagucuke aba ngemalati ekwenta tono.

Hoseya 8:4

Batibekela emakhosi bangakancutfulisi kimi, batikhetsela babusi bangakabonwa ngimi. Ngesiliva yabo nangegolide yabo batentela tithico letitababhubhisa bona.

Levithikusi 26:1

“ ‘Ningatenteli nkulunkulu nome sithico lesibatwe ngelitje, nome umfanekiso waluphi luhlobo lobatwe ngelitje eveni lenu kutsi nitewukhotsama embikwawo. NginguSimakadze, Nkulunkulu wenu.

Nahume 2:2

Simakadze utawubuyisela ludvumo lwakaJakobe njengeludvumo lwaka-Israyeli, nome nje babhubhisi sebabacekele phansi babhubhisa netihlahla tabo temagelebisi.

2 kubaseKorinthe 5:16

Ngako kusukela nyalo asiseyikwati muntfu ngekwenyama. Nome sake samati Khristu ngekwenyama nyalo asisamati kanjalo.

KubaseFiliphi 2:21

Ngobe bonkhe labanye batifunela kwabo, abafuni kona kwaJesu.