Hoseya 1:11 - Siswati 1996 Bible

¹¹ Bantfu bakaJuda nebantfu baka-Israyeli bayawuphindze bahlanganiswe, bese babeka umholi wabo abe munye, bahlume eveni labo, ngobe liyawuba likhulu lelo langa lakaJezreyeli.

Hoseya 1:11 Referencias Cruzadas

Tihlabelelo 110:3

Sive sakho siyawutinikela mhlazana ulwa netitsa takho, emabutfo akho ayawuta kuwe ahlobe ngemvunulo lengcwele, ayawuvela njengematolo asentsatsakusa.

Jeremiya 30:21

Umholi wabo kuyawuba ngulomunye wesive sabo; umbusi wabo uyawuvela emkhatsini wabo. Ngiyakumsondzeta, naye uyawuvele asondzele kimi, ngobe vele ngubani lowake watinikela yena, abesedvute nami?’ kusho Simakadze.

Jeremiya 30:3

Simakadze utsi: ‘Ayeta emalanga, lapho ngiyawulandza khona sive sami saka-Israyeli nesakaJuda ekutfunjweni ngibabuyisele eveni lengalipha boyisemkhulu kutsi libe ngelabo,’ kusho Simakadze.”

Jeremiya 30:7

Maye, liyesabeka lelo langa, kute leliyawuse libe njengalo. Kuyawuba sikhatsi senhlupheko kaJakobe, kodvwa uyawusindziswa kuso.

Jeremiya 31:33

Simakadze utsi: “Ngulesi sivumelwane lengiyakusenta nendlu yaka-Israyeli emvakwaleso sikhatsi: Ngiyawufaka umtsetfo wami etingcondvweni tabo, ngiwubhale etinhlitiyweni tabo. Ngiyawuba nguNkulunkulu wabo, bona babe bantfu bami.

Jeremiya 32:37

Ngempela ngiyakubabutsa kuwo onkhe emave, lapho ngangibasakatela khona ngekutfukutsela kwami lokukhulu nangelulaka lwami lolwesabekako. Ngiyawubabuyisela kuyo lendzawo, ngibente bahlale kuyo bavikelekile.

Jeremiya 50:19

Kodvwa Israyeli ngitambuyisela emuva edlelweni lakhe, uyawuklaba eKhameli naseBhashani. Kukhanuka kudla kwakhe kuyakweneliseka etintsabeni taka-Efrayimu nakaGileyadi.

Hezekeli 39:25

“Ngako-ke naku lokushiwo yiNkhosi Simakadze, itsi: Manje sengitambuyisa Jakobe ekutfunjweni, ngibe nesihawu kubo bonkhe bantfu baka-Israyeli, ngiyawulishisekela Libito lami lelingcwele.

Hoseya 2:1

“Khulumani kubomnakenu nitsi: ‘Bantfu bakitsi,’ kubodzadzewenu nitsi: ‘Labatsandzekako bami.’ ”

Hoseya 3:5

Emvakwaloko ema-Israyeli ayawuphendvuka afune Simakadze, Nkulunkulu wawo, naDavide, inkhosi yawo. Bayawubuyela batitfobe kuSimakadze nakuto tibusiso taSimakadze ngemalanga ekugcina.

KubaseRoma 11:15

Ngobe nangabe kulahlwa kwabo bekukubuyisana kwaNkulunkulu nemhlaba wonkhe, pho, kwemukelwa kwabo kungaba yini, nakungesiko kuphila kulabafile?