Hezekeli 9:8 - Siswati 1996 Bible

⁸ Kwatsi basabulala, sengisele ngedvwa, ngawa phansi ngebuso, ngakhala kakhulu ngatsi: “Awu, Nkhosi, Simakadze! Sewutawubhubhisa yonkhe yini lensali yaka-Israyeli kulokuphuphuma kwelulaka lwakho etikweJerusalema?”

Hezekeli 9:8 Referencias Cruzadas

Genesisi 18:23

Abrahama wasondzela kuSimakadze watsi: “Uyawubabhubhisa ngempela yini labalungile kanye nalababi?

1 Tikhronike 21:16

Davide watsi ubuka etulu, wabona ingilosi yaSimakadze ime emkhatsini welizulu nemhlaba iphakamise inkemba ngesandla sayo iyibhekise ngaseJerusalema. Davide kanye netimphunga base bembatsa emasaka bawa phansi ngebuso, bakhotsama.

Ezra 9:5

Kwatsi ngesikhatsi semhlatjelo wakusihlwa, ngasukuma lapho ekujabheni kwami, ingubo nesembatfo sami kudzabukile, ngaguca ngemadvolo tandla tami tivulekile embikwaSimakadze Nkulunkulu wami,

Jeremiya 14:13

Kodvwa ngatsi: “Awu Nkhosi Simakadze, baphrofethi balibala kubatjela, batsi: ‘Ningeke niyibone inkemba nome nihlushwe yindlala. Impela, ngiyakuninika kuthula lokungeke kuphele kulendzawo.’ ”

Jeremiya 14:19

Sewumlahle kokuphela yini Juda? Umbukela phansi yini Siyoni? Usishayelani sive singete sakhona kuphiliswa nje? Sasetsemba kutsi kutawuba nekuthula nenhlalakahle, kodvwa kute nakunye lokuhle lokusehlele. Setsemba sikhatsi sekuphiliswa, kodvwa kwaba nekutfutfumela kuphela.

Jeremiya 4:10

Ngakhuluma ngatsi: “Yebo, Nkhosi Simakadze, maye, usiyengile lesive kanye nebantfu baseJerusalema, watsi: ‘Niyawuba nekuthula,’ kwabe kungulapho inkemba isemiphinjeni yetfu.”

Hezekeli 11:13

Ngatsi ngisaphrofetha, Phelatiya, umsa waBhenaya, wafa. Ngawa ngebuso bami bubheke phansi, ngakhala kakhulu, ngatsi: “Hhawu, Nkhosi, Simakadze! Lensali yaka-Israyeli utayibhubhisa yonkhe yini?”

Hezekeli 4:14

Mine ngaphendvula ngatsi: “Cha, Nkhosi Simakadze! Mine angizange sengitingcolise. Kusukela kwasebusheni bami kuze kube ngunyalo angizange sengiyidle ingcuba nome inyama yesilwane lesibulewe tilwane tesiganga. Akuzange sekungene nyama lengcolile ngekwemtsetfo kulomlomo wami.”

Hezekeli 7:8

Sengitawutfululela lulaka lwami etikwakho, ngifeze intfukutselo yami kuwe; ngitakwehlulela njengekutiphatsa kwakho, ngikukhokhele ngangekwetento takho tonkhe letinengekako.

Numeri 14:5

BoMosi na-Aroni bakhotsamisa buso babo embikwesive sonkhe sema-Israyeli lesasihlangene lapho.

Numeri 16:4

Kwatsi Mosi nakakuva loko, wawa phansi ngebuso.

Numeri 16:45

“Sukani emkhatsini walabantfu, kuze ngibabhubhise ngekushesha.” Bobabili bakhotsama babhekisa tinhloko tabo phansi.

Dutheronomi 9:18

“Ngaphindza ngatitfoba ngakhotsama kuSimakadze futsi emalanga langema-40 nebusuku lobungema-40; ngangingadli kudla nginganatsi nemanti, ngenca yato tonkhe tono lenase nitentile, ngekwenta lokubi kuSimakadze, ngaloko namcunula, wase uyatfukutsela.

Joshuwa 7:6

Joshuwa wadzabula tembatfo takhe, wawa ngebuso phansi embikwelibhokisi lesivumelwane saSimakadze, kwaze kwaba kusihlwa. Nebaholi baka-Israyeli benta njalo, batitsela ngelutfuli enhloko.