Hezekeli 8:6 - Siswati 1996 Bible

⁶ Wase utsi kimi: “Ndvodzana yemuntfu, uyabona yini kutsi bentani, letintfo letinengeka kangaka letentiwa yindlu yaka-Israyeli lapha, tintfo letitangicoshela khashane kakhulu nendzawo yami lengcwele? Kodvwa usetawubona letinye tintfo letinengeka kakhulu kunaleti.”

Hezekeli 8:6 Referencias Cruzadas

2 Tikhronike 29:5

watsi: “MaLevi, lalelani lapha kimi! Tingcweliseni nyalo, bese ningcwelisa nelithempeli laSimakadze, Nkulunkulu waboyihlomkhulu. Susani konkhe lokungcolile endzaweni lengcwele.

Tihlabelelo 78:60

Wayidzikila indlu yakhe lengcwele leseShilo, lithende labehlala kulo emkhatsini webantfu,

Taga 5:14

Ngatsi ngetfuka ngabe sengisekhatsi elubishini lwelihlazo ebandleni nakubantfu.”

Jeremiya 11:18

Njengobe Simakadze alwembula luzungu lwabo kimi, ngabe sengiyalwati, ngobe ngaleso sikhatsi wangibonisa kutsi bentani.

Jeremiya 23:11

“Umphrofethi kanye nemphristi, bobabili, abakholwa kuNkulunkulu, ngisho nasethempelini ngitfola bubi babo,” kusho Simakadze.

Jeremiya 26:6

lendlu-ke ngitabe sengiyenta ifanane neShilo, nalelidolobha seliyawuba yintfo yekucalekisa emkhatsini wato tonkhe tive temhlaba.’ ”

Jeremiya 3:6

Ngesikhatsi kusabusa inkhosi Josaya, Simakadze wakhuluma kimi, watsi: “Ukubonile yini lokwentiwe ngu-Israyeli longaketsembeki? “Wenyukele etulu kuwo onkhe emagcuma laphakeme, waya nangaphansi kwato tonkhe tihlahla letendlala emagala ato, waphingela khona lapho.

Jeremiya 32:34

Bemisa tithico tabo letinengekako endlini leneLibito lami bayingcolisa.

Jeremiya 7:17

Awuboni yini kutsi bentani kulamadolobha akaJuda, nasetitaladini taseJerusalema?

Jeremiya 7:30

“ ‘Sive sakaJuda sente bubi emehlweni ami, kusho Simakadze. Bagcumeke tithico tabo letitinengiso endlini lebitwa ngeLibito lami, bayingcolisa.

Hezekeli 10:18

Inkhatimulo yaSimakadze yase iyesuka kulomnyango welithempeli, yaya yayakuma ngetulu kwalamakherubhi.

Hezekeli 10:19

Ngatsi ngisabukile, emakherubhi ase avula timphiko tawo, esuka lapha emhlabatsini, atsi asaphakama, nalamasondvo aphakama kanye nawo. Efika ema emnyango welisango langasemphumalanga lelithempeli laSimakadze, nenkhatimulo yaNkulunkulu wesive sema-Israyeli yayisetikwawo.

Hezekeli 11:22

Kwabe sekutsi emakherubhi labenemasondvo emihlubulweni yawo, endlala timphiko tawo, inkhatimulo yaSimakadze wema-Israyeli yayisetikwawo.

Hezekeli 11:23

Inkhatimulo yaSimakadze yakhuphukela etulu isuka ngekhatsi kwalelidolobha, yema ngetulu kwentsaba lengasemphumalanga kwalo.

Hezekeli 14:6

“Ngako-ke khuluma kuyo indlu yaka-Israyeli, utsi: ‘Naku lokushiwo yiNkhosi Simakadze, itsi: Phendvukani! Gucukani nishiye letithico tenu, nikulahle konkhe lokunengekako ningasakwenti.

Hezekeli 18:12

Ucindzetela labamphofu nalabeswele, adlelele bantfu. Akasibuyiseli sibambiso. Ubuka tithico. Wenta tintfo letisinengiso.

Hezekeli 43:8

Nababeka umnyango wabo eceleni kwemnyango wendlu yami, netinsika tabo temnyango eceleni kwetinsika tami temnyango, kunelubondza kuphela emkhatsini wami nabo, balihlambalata Libito lami lelingcwele ngetintfo tabo letinengekako labatentako. Ngako ngase ngiyababhubhisa ngentfukutselo yami.

Hezekeli 47:6

Yangibuta yatsi: “Ndvodzana yemuntfu, uyakubona-ke loku?” Yase iyangihola njalo yangibuyisela elusentseni lwemfula.

Hezekeli 5:11

Ngako-ke ngifunga kuphila kwami, kusho iNkhosi Simakadze, njengobe ungcolise indzawo yami lengcwele ngato tonkhe letitfombe takho letingemanyala nangetento takho letinengekako, ngitakususa lokukubonelela kwami kuwe; ngingeke ngisakubuka ngesihawu nome ngikuphephise.

Hezekeli 8:13

Waphindza futsi watsi kimi: “Utawubabona benta letinye tintfo letinengeka kakhulu kunaloku.”

Hezekeli 8:14

Wase ungiyisa ekungeneni kwelisango lelingasenyakatfo lendlu yaSimakadze, ngabona bafati bahleti phansi lapho, balilela Thamuzi.

Hezekeli 8:7

Wase ungiyisa ekungeneni kwesibuya. Ngabuka, ngabona imbobo elubondzeni.

Hezekeli 8:9

Watsi kimi: “Ngena ngekhatsi utewubona letintfo letimbi naletinengekako labatentako lapha.”

Hoseya 5:6

Nabahamba nemihlambi yabo yetimvu netimbuti kanye nemihlambi yetinkhomo kuyawufuna Simakadze, bangeke bamtfole; sewutisusile kubo.