Hezekeli 6:9 - Siswati 1996 Bible

⁹ Kuyawutsi-ke etiveni lapho bebatfunjelwe khona, labo labaphunyulile bangikhumbule, kutsi ngeva buhlungu kanjani ngalokungihlubuka kwabo ngetinhlitiyo tabo, bakhonta labanye bonkulunkulu, besuka kimi, ngeva buhlungu nangemehlo abo labukeka akhanuka tithico tabo. Bayawutenyanya kwabona ngalobubi labayawube babentile, nangato tonkhe tintfo tabo letinengekako labatentako.

Hezekeli 6:9 Referencias Cruzadas

2 Emakhosi 16:10

Inkhosi Ahazi yase iya eDamaseko yayawuhlangana naThiglathi Phileseri, inkhosi yase-Asiriya. Wafike wabona lilati eDamaseko, wase utfumela umfanekiso walo ku-Uriya, umphristi, kanye nayo yonkhe imininingwane yekwakhiwa kwalo.

Jobe 42:6

Ngako-ke manje sengiyatenyanya, ngiyaphendvuka ngitilahla elutfulini nasemlotseni.”

Tihlabelelo 137:1

Sahlala ngasemifuneli yaseBhabhulona, sakhala khona nasikhumbula iSiyoni.

Tihlabelelo 78:40

Kukanyenti kangakanani bamhlubuka ehlane, bamdzabukisa ehlane kalashameshame.

Isaya 43:24

Awukangitsengeli nayinye imphepho letsaphukako, wangete wangenelisa nangemanoni emihlatjelo yakho. Kodvwa wena ungetfwese umtfwalo ngetono takho, wangikhatsata ngetikhubekiso takho.

Isaya 63:10

Noko, bamhlubuka, badzabukisa Moya wakhe Longcwele. Ngako-ke wagucuka waba sitsa sabo, yena cobo lwakhe walwa nabo.

Isaya 64:6

Sonkhe sesifanana nebantfu labangcolile, nato tonkhe tento tetfu letinhle setifanana netidvwedvwe letingcolile. Sonkhe siyabuna njengelicembe, njengemoya tono tetfu tiyasiphephula.

Isaya 7:13

Isaya wase utsi: “Lalela lapha, wenandlu yakaDavide! Kuyini kini lokube solomane nihluphana netinhlitiyo tebantfu? Nyalo senifuna nekuhlupha Nkulunkulu wami yini kantsi?

Jeremiya 3:13

Intfo-nje, vuma licala lakho lekutsi umhlubukile Simakadze Nkulunkulu wakho, usakate kutsandza kwakho kubonkulunkulu betive ngaphansi kwato tonkhe tihlahla letendlala emagala ato, wangete wangilalela mine,’ ” kusho Simakadze.

Jeremiya 3:6

Ngesikhatsi kusabusa inkhosi Josaya, Simakadze wakhuluma kimi, watsi: “Ukubonile yini lokwentiwe ngu-Israyeli longaketsembeki? “Wenyukele etulu kuwo onkhe emagcuma laphakeme, waya nangaphansi kwato tonkhe tihlahla letendlala emagala ato, waphingela khona lapho.

Jeremiya 51:50

“Nine leniphunyulile enkembeni, hambani ningabe nisalibala! Khumbulani Simakadze, niseveni lelikhashane, nicabange ngeJerusalema.”

Hezekeli 12:16

Kodvwa ngiyawubaphephisa labambalwa babo enkembeni, nasendlaleni kanye nasesifweni lesibulalanako, kuze kutsi kuleto tive lapho baya khona bativume tonkhe tento tabo letimbi letisinengiso. Ngulapho-ke bayawungati khona kutsi mine nginguSimakadze.”

Hezekeli 16:43

“ ‘Njengobe awuzange uwakhumbule emalanga ebusha bakho, kodvwa wangitfukutselisa ngato tonkhe letintfo, ngempela ngiyawukwehlisela etikwenhloko yakho loku lokwentile, kusho iNkhosi Simakadze. Awukabengeti nje lobugwababane bakho kuto tonkhe letindlela takho letinengekako?’ ”

Hezekeli 16:61

Uyawube sewuyatikhumbula-ke tindlela takho, ube nemahloni nase wemukela bodzadzewenu, yebo, labo labadzala kunawe kanye nalabo labancane kunawe. Ngiyawukunika bona njengemadvodzakati, noko, hhayi njengekutsi ngente nawe sivumelwane.

Hezekeli 16:63

Ngiyawutsi-ke nase ngikwentele inhlawulo yakho, yako konkhe loku lose ukwentile, bese uyakhumbula udliwe ngemahloni, ungaphindzi uwuvule umlomo wakho ngenca yalokuhlazeka kwakho lokungaka, kusho iNkhosi Simakadze.’ ”

Hezekeli 20:24

ngobe abayilalelanga imitsetfo yami, kodvwa batala timiso tami, bawona emaSabatha ami, emehlo abo anaka tithico taboyise.

Hezekeli 20:28

Nangibafikisa eveni lengafunga kutsi ngitalinika bona, benelela kufika kulo, babona tonkhe tintsaba letiphakeme netihlahla letimacembe ato avoshokile, base besuka banikelela khona imihlatjelo yabo, benta iminikelo leyangicunula mine ngase ngiyatfukutsela, betfula imphepho yabo letsaphukako, batfulula iminikelo yabo yetinatfo.

Hezekeli 20:43

Lapho-ke niyawukhumbula kutiphatsa kwenu nato tonke tento tenu lenatingcolisa ngato, nani niyawutenyanya ngabo bonkhe bubi lenibentile.

Hezekeli 20:7

Ngabuye ngatsi kubo: “Ngulowo nalowo wenu akalahle letitfombe letenyanyekako lese nibeke emehlo enu kuto, ningatingcolisi ngaletitfombe taseGibhithe. NginguSimakadze Nkulunkulu wenu.”

Hezekeli 23:30

kukwehlisele loku, ngobe washa emashushu, wakhanuka tive ngetive, watingcolisa wena ngetithico tato.

Hezekeli 5:13

“Intfukutselo yami-ke iyakube seyiyaphela, nelulaka lwami kubo lubohle, ngikhipheleke sibhongo. Ngiyawutsi nase ngilukhiphele kubo lulaka lwami, bayawukwati kutsi mine Simakadze sengikhulumile ngenshisekelo yami.

Hezekeli 6:10

Ngulapho-ke bayakungati kahle kutsi mine nginguSimakadze. Akusho kutsi ngangimane ngikhuluma nje, nangitsi ngitakwehlisela letigemegeme etikwabo.

Hezekeli 7:16

Bonkhe labasele labaphunyulile bayawubasetintsabeni babubule njengematuba asetihosheni, ngulowo ngenca yetono takhe.

Hoseya 11:8

“Ngingakuyekelela kanjani, wena Efrayimu? Ngingakulahla kanjani, wena Israyeli? Ngingakuphatsa kanjani njenga-Adma? Ngingakwenta kanjani ufanane naSeboyimu? Inhlitiyo yami iguculiwe ngekhatsi kwami; sonkhe sihawu sami sivuselelekile.

Amose 2:13

“Manje-ke, ngitanipitjita njengekupitjita kwencola nayetfwele umtfwalo lomkhulu walokutinhlavu.

Mikha 5:13

Ngiyawubhidlita tithico takho kanye netinsika tato tematje langcwele. Ungeke uphindze utikhonte letintfo letibatwe nguwe matfupha.

Zakhariya 10:9

Noko ngibasakatela kuletinye tive, kodvwa kuwo lawo mave lakhashane bayakungikhumbula. Bona kanye nebantfwababo bayawuphila, baphindze babuye.

Numeri 15:39

Niyawutsi nanitibuka letimvakaza, bese nikhumbula yonkhe imiyalo yaSimakadze, niyilalele, khona ningetiwuba tingwadla ngekudvonswa tinkhanuko tetinhlitiyo tenu netemehlo enu.

2 yaPhetro 2:14

Emehlo abo agcwele buphingi, anamatsele esonweni; baholela labo lababutsakatsaka elugibeni; tinhlitiyo tabo tetayele bukhali. Bangaphansi kwesicalekiso.