Hezekeli 5:9 - Siswati 1996 Bible

⁹ Ngenca yato tonkhe letithico takho letisinengiso, ngiyakwenta kuwe loko lengingazange sengikwente ngaphambili, futsi ngingeke ngiphindze ngikwente.

Hezekeli 5:9 Referencias Cruzadas

Sililo 4:6

Sijeziso sebantfu bami sikhulu kunesalabo baseSodoma, lababhujiswa ngemzuzwana munye, kwabate nasinye sandla lesabelekelela.

Sililo 4:9

Labo lababulawa ngenkemba bancono kunalabo labafa babulawa yindlala; badvutjutwe yindlala, baze baguga baphela ngenca yekweswela kudla emasimini.

Hezekeli 33:29

Ngulapho-ke bayawukwati khona kutsi mine nginguSimakadze, nase ngente lelive laba lihlane lelingenalutfo ngenca yato tonkhe letintfo letinengekako labatentile.’ ”

Danyela 12:1

“Ngaleso sikhatsi Mikhayeli, ingilosi lenkhulu lengumvikeli wesive sakini, uyawuvela. Kuyawuba sikhatsi sekuhlupheka lokukhulu, lesingazange sesibe khona, seloku kwacala kuba netive kuze kube nguleso sikhatsi. Kodvwa ngaleso sikhatsi, bonkhe bantfu bakini lekwatfolakala emabito abo abhaliwe encwadzini yaNkulunkulu, bayawukhululwa.

Danyela 9:12

Uwagcwalisile emavi akho lowawakhuluma ngatsi nangebabusi betfu, uwagcwalise ngekwehlisela inhlekelele lenkhulu etikwetfu. Kute nakunye lokwake kwenteka ngaphansi kwelizulu lokunjengaloku lokwenteke kuyo iJerusalema.

Amose 3:2

“Ngini kuphela lenginikhetsile emkhatsini wato tonkhe tive temhlaba; ngako-ke ngitanijezisa ngenca yato tonkhe tono tenu.”

Matewu 24:21

Ngobe lapho kuyawuba khona kuhlupheka lokukhulu lokungazange sekube khona kusukela seloku kwasekelwa umhlaba, kuze kube ngulamuhla, futsi akuseyiwuba khona.