Hezekeli 48:15 - Siswati 1996 Bible

¹⁵ “Lendzawo lesele lengemakhilomitha langaba li-12 nesigamu budze, nemakhilomitha langaba mabili nesigamu bubanti, yona ayisingcwele, kodvwa yekusetjentiswa ngunome ngumuphi umsebenti welidolobha, wekwakha tindlu newemadlelo etinkhomo. Lidolobha liyawubasenkhabeni yawo,

Hezekeli 48:15 Referencias Cruzadas

Hezekeli 22:26

Baphristi balo bephula umtsetfo wami bahlambalate tintfo tami letingcwele; abehlukanisi emkhatsini walokungcwele nalokutintfo nje; bafundzisa kutsi kute umehluko emkhatsini walokuhlantekile nalokungcolile ngekwemtsetfo; bavala emehlo abo bangakunaki kugcina emaSabatha ami, khona ngitewuhlanjalatwa emkhatsini wabo.

Hezekeli 42:20

Ngako yabe seyikala lendzawo kuyo yonkhe imihlubulo yomine. Yayinelubondza lolwaluyitungeleta, kwakungemamitha labengaba ngema-250 budze, nemamitha labengaba ngema-250 bubanti, lwehlukanisa lokungcwele kulokungengcwele.

Hezekeli 44:23

Kufanele bafundzise bantfu bami umehluko emkhatsini walokungcwele nalokungengcwele, babakhombise kwehlukanisa emkhatsini walokungcolile nalokuhlantekile ngekwemtsetfo.

Hezekeli 45:6

“ ‘Lapho eceleni kwalendzawo lengcwele kufanele kube nalenye indzawo lengemakhilomitha langaba li-12 nesigamu budze, nemakhilomitha langaba mabili nesigamu bubanti, ibekelwe kwakhiwa kwelidolobha, lapho kuyawuhlala nome ngubani waka-Israyeli.’ ”

1 kuThimothi 3:15

Kodvwa nakwenteka ngephuta, umelwe kwati kutsi umuntfu kufanele atiphatse kanjani endlini yaNkulunkulu, lekulibandla laNkulunkulu lophilako, leliyinsika nesisekelo seliciniso.